Madhava Madhusudana

Composer : Shri Purandara dasaru

ಮಾಧವ ಮಧುಸೂದನ ಯಾದವ ಕುಲರನ್ನ ಯ-|
ಶೋದೆ ಕರೆದಳು ಬಾರೆಂದು- ಮುದ್ದಿಸಿ ಮಗನ [ಪ]

ಸಂಗಡಿಗರನೆಲ್ಲ ಬಿಟ್ಟು ಬಾರೈ ಚೆಲುವ |
ಮುಂಗೈಯವಾಕು ಬೆರಳ ಹೊನ್ನುಂಗರ ||
ಝಂಗಿಪ ಹುರಿಗೆಜ್ಜೆ ಉಡೆದಾರವನು ಕಂಡು |
ಅಂಗನೆಯರು ನಿನ್ನನೊಯ್ವರೊ ||
ಕಂಗಳ ಸಿರಿಯೆ ನೀ ಕಲ್ಪವೃಕ್ಷವೆ ಎಂದು |
ಡಿಂಗರಿಗರು ಕಂಡರೆ ಬಿಡರೊ ನಿ- ||
ನ್ನಂಘ್ರಿಯ ಮೇಲೆ ನೊಸಲನಿಡುವೆ ಕೃಷ್ಣ |
ಕಂಗಳ ಸಿರಿಯೆ ಬಾರೋ- ರಂಗಯ್ಯ [೧]

ಬಾಲಕರೊಡನಾಟ ಸಾಕು ಬಾ ಬಾರೈಯ |
ನೀಲಾಂಗ ನಿನ್ನ ಮುಂದಲೆ ಮುತ್ತಿನರಳೆಲೆ ||
ಕೀಲುಮಾಗಾಯಿ- ಮಾಣಿಕ ಪುಲಿಯುಗರ ಕಂಡು |
ಸೋಲ್ವರೊ ನಿನಗೇಸೋ ಸೋಗೆಯರು ||
ಶ್ರೀಲೋಲ ನಿನ್ನಲಿ ಕಂಸನ ತುಂಬಿದೊ-|
ಡ್ಡೋಲಗದೊಳು ರಕ್ಕಸರು ಪಂಥವನಾಡೆ ||
ವೀಳ್ಯವ ಪಿಡಿದೆ ಕೊಲ್ಲುವೆನೆಂದು ನಿನ್ನಯ |
ಕಾಲಿಗೆ ಎರಗುವೆ ಬಾರೊ-ರಂಗಯ್ಯ [೨]

ಬೊಮ್ಮದ ಮರಿಯೆ ವಿಶ್ವವನೆಲ್ಲ ಹೃದಯದೊ-|
ಳೊಮ್ಮೆ ತೋರುವನೆಂದು ಕಂಡು ನಾ ಬಲ್ಲೆ ||
ಎಮ್ಮ ಮನಕೆ ಅಹಲ್ಲಾದನು ನೀನೆ |
ಉಮ್ಮಯದಿಂ ಭಾಗವತರ ಪಾಲಿಸುತಿಪ್ಪ-||
ಗಮ್ಯಗೋಚರ ಸಿರಿಪುರಂದರವಿಠಲ ತೊರೆ-|
ದಮ್ಮೆಯ ಕೊಡುವೆನು ಬಾರೋ-ರಂಗಯ್ಯ [೩]

---

mAdhava madhusUdana yAdava kularanna ya-|
SOde karedaLu bAreMdu- muddisi magana [pa]

saMgaDigaranella biTTu bArai celuva |
muMgaiyavAku beraLa honnuMgara ||
JaMgipa hurigejje uDedAravanu kaMDu |
aMganeyaru ninnanoyvaro ||
kaMgaLa siriye nI kalpavRukShave eMdu |
DiMgarigaru kaMDare biDaro ni- ||
nnaMGriya mEle nosalaniDuve kRuShNa |
kaMgaLa siriye bArO- raMgayya [1]

bAlakaroDanATa sAku bA bAraiya |
nIlAMga ninna muMdale muttinaraLele ||
kIlumAgAyi- mANika puliyugara kaMDu |
sOlvaro ninagEsO sOgeyaru ||
SrIlOla ninnali kaMsana tuMbido-|
DDOlagadoLu rakkasaru paMthavanADe ||
vILyava piDide kolluveneMdu ninnaya |
kAlige eraguve bAro-raMgayya [2]

bommada mariye viSvavanella hRudayado-|
Lomme tOruvaneMdu kaMDu nA balle ||
emma manake ahallAdanu nIne |
ummayadiM BAgavatara pAlisutippa-||
gamyagOcara siripuraMdaraviThala tore-|
dammeya koDuvenu bArO-raMgayya [3]