Matanadai mannari Krishna

Composer : Shri Vijayadasaru

ಮಾತನಾಡೈ ಮನ್ನಾರಿ ಕೃಷ್ಣ ಮಾತನಾಡೈ [ಪ]
ದಾತನು ನೀನೆಂದು ಬಯಸಿ ಬಂದೆನು ಮಾತನಾಡೈ [ಅ.ಪ.]

ಊದುವ ಸಿರಿ ಪೊಂಗೊಳಲೊ ಜಗ-|
ದಾಧಾರದ ನಿಜ ಹೊಳೆಯೋ ||
ಪಾದದ ಪೊಂಗೆಜ್ಜೆ ಥಳಿಲೊ ಸರ್ವ |
ವೇದಗಳರಸುವ ಕಲ್ಪಕ ಸೆಳಲೊ (೧)

ಕಸ್ತೂರಿ ತಿಲಕದ ಮದವೊ ಮು-
ಕುಟ ಮಸ್ತಕದಿ ಝಗಝಗವೊ ||
ವಿಸ್ತರದಿ ಪೊತ್ತ ಜಗವೊ ಪರ- |
ವಸ್ತುವು ನಂದ ಯಶೋದೆಯ ಮಗುವೊ (೨)

ನವನೀತವ ಪಿಡಿದ ಕರವೊ ನವ-|
ನವ ಮೋಹನ ಶೃಂಗಾರವೊ ||
ಅವತರಿಸಿದ ಸುರತರುವೊ ಶತ-
ರವಿಯಂದದಿ ಉಂಗುರವಿಟ್ಟ ಭರವೊ (೩)

ಆನಂದ ಜ್ಞಾನದ ಹೃದವೊ ಶುಭ-|
ಮಾನವರಿಗೆ ಬಲು ಮೃದುವೊ ||
ಆನನ ಛವಿಯೊಳು ಮಿದುವೊ ಪಾಪ-|
ಕಾನನ ದಹಿಸುವ ಪಾವಕ ಪದವೊ (೪)

ತ್ರಿಜಗದಧಿಕ ಪಾವನನೊ ಪಂ-|
ಕಜ ನೇತ್ರೆಯ ನಾಯಕನೊ ||
ಅಜಭವಾದಿಗಳ ಜನಕನೊ ನಮ್ಮ |
ವಿಜಯವಿಠ್ಠಲ ಯದುಕುಮಾರಕನೊ (೫)

---

mAtanADai mannAri kRuShNa mAtanADai [pa]
dAtanu nIneMdu bayasi baMdenu mAtanADai [a.pa.]

Uduva siri poMgoLalo jaga-|
dAdhArada nija hoLeyO ||
pAdada poMgejje thaLilo sarva |
vEdagaLarasuva kalpaka seLalo (1)

kastUri tilakada madavo mu-
kuTa mastakadi JagaJagavo ||
vistaradi potta jagavo para- |
vastuvu naMda yaSOdeya maguvo (2)

navanItava piDida karavo nava-|
nava mOhana SRuMgAravo ||
avatarisida surataruvo Sata-
raviyaMdadi uMguraviTTa Baravo (3)

AnaMda j~jAnada hRudavo SuBa-|
mAnavarige balu mRuduvo ||
Anana CaviyoLu miduvo pApa-|
kAnana dahisuva pAvaka padavo (4)

trijagadadhika pAvanano paM-|
kaja nEtreya nAyakano ||
ajaBavAdigaLa janakano namma |
vijayaviThThala yadukumArakano (5)