Kunidado Ranga Nalidado

Composer : Shri Vadirajaru

ಕುಣಿದಾಡೊ ರಂಗ ನಲಿದಾಡೊ [ಪ]

ಕುಣಿದಾಡೊ ಕುಂದಣದ ಸರಳೆ
ನಲಿದಾಡೊ ಮಾಣಿಕದ ಹರಳೆ [ಅ.ಪ]

ಪತಿಯಶಾಪದಿ ಶಿಲೆಯಾದ ಗೌತಮ
ಸತಿಯ ಮೆಟ್ಟಿ ಪೆಣ್ಣಮಾಡಿ
ಅತಿ ದಿವ್ಯ ಶ್ರೀಚರಣಾರವಿಂದ
ಗತಿಯಿಂದಲಿ ಧಿಂ ಧಿಮಿ ಧಿಮಿಕೆನ್ನುತ [೧]

ಗಕ್ಕಸದಿಂ ಶಕಟಾಸುರನ
ಸೊಕ್ಕ ಮುರಿದು ಬಂಡಿಯನೊದೆದು
ಚೊಕ್ಕ ಶ್ರೀಚರಣಾರವಿಂದ
ಧಿಕ್ಕಿಟ ಧಿಮಿಕಿಟ ಝಂಕಿಟವೆನ್ನುತ [೨]

ಬಲಿಯ ಮೆಟ್ಟಿ ಕಾಳಿಂಗನ ಹೆಡೆಯ
ತುಳಿದು ನಾಟ್ಯವನಾಡಿ, ಚೆಲುವ
ಶ್ರೀಹಯವದನನೆ ನಿಮ್ಮ, ಘಲು ಘಲು
ಗೆಜ್ಜೆ ಘಿಲು ಘಿಲುಕೆನ್ನುತ [೩]

---

kuNidADo raMga nalidADo [pa]

kuNidADo kuMdaNada saraLe
nalidADo mANikada haraLe [a.pa]

patiyaSApadi SileyAda gautama
satiya meTTi peNNamADi
ati divya SrIcaraNAraviMda
gatiyiMdali dhiM dhimi dhimikennuta [1]

gakkasadiM SakaTAsurana
sokka muridu baMDiyanodedu
cokka SrIcaraNAraviMda
dhikkiTa dhimikiTa JaMkiTavennuta [2]

baliya meTTi kALiMgana heDeya
tuLidu nATyavanADi, celuva
SrIhayavadanane nimma, Galu Galu
gejje Gilu Gilukennuta [3]