Chendava nodire

Composer : Shri Purandara dasaru

ಚೆಂದವ ನೋಡಿರೆ ಗೋಕುಲಾ-|
ನಂದನ ಮೂರುತಿಯ [ಪ]

ಅಂದುಗೆ ಪಾಡಗ ಗೆಜ್ಜೆಯ ಧರಿಸಿ |
ಧಿಂ ಧಿಮಿಕೆಂದು ಕುಣಿಯುವ ಕೃಷ್ಣನ [ಅ.ಪ]

ಕೊರಳ ಪದಕಹಾರ ಬಿಗಿದು |
ತರಳರೆಲ್ಲರ ಕೂಡಿಕೊಂಡು ||
ಕುರುಳುಗೂದಲು ಅರಳೆಲೆಯ |
ಫಳ ಫಳಿಸುತ ಮೆರೆವ ಕೃಷ್ಣನ [೧]

ಉಡೆಯ ಗಂಟೆ ಘ್ಹಳಿಲೆನುತ |
ನುಡಿದು ಮೆಲ್ಲನೆ ಪಿಡಿದುಕೊಂಡು ||
ನಡೆಗೆ ಮಾಲುತ ಸಡಗರದಲಿ |
ಬೆಡಗು ಮಾಡಿ ಆಡುವ ರಂಗನ [೨]

ಬಲು ಅಸ್ಥೈರ್ಯದಿಂದಲಿ |
ನಲಿವ ಪುರಂದರವಿಠ್ಠಲರಾಯ ||
ಹಲವು ಸುಖವ ನಮಗಿತ್ತು |
ಜಲಜಲೋಚನ ಬಾಲಕೃಷ್ಣನ [೩]

---

ceMdava nODire gOkulA-|
naMdana mUrutiya [pa]

aMduge pADaga gejjeya dharisi |
dhiM dhimikeMdu kuNiyuva kRuShNana [a.pa]

koraLa padakahAra bigidu |
taraLarellara kUDikoMDu ||
kuruLugUdalu araLeleya |
phaLa phaLisuta mereva kRuShNana [1]

uDeya gaMTe GhaLilenuta |
nuDidu mellane piDidukoMDu ||
naDege mAluta saDagaradali |
beDagu mADi ADuva raMgana [2]

balu asthairyadiMdali |
naliva puraMdaraviThThalarAya ||
halavu suKava namagittu |
jalajalOcana bAlakRuShNana [3]