Idu Eno Charita Yantrodhara

Composer : Shri Gopala dasaru

ಇದು ಏನೊ ಚರಿತ ಯಂತ್ರೋದ್ಧಾರ ॥ ಪ ॥
ಇದು ಏನೊ ಚರಿತ ಶ್ರೀ ಪದುಮನಾಭನ ದೂತ
ಸದಾ ಕಾಲ ಸರ್ವರ ಹೃದಯಾಂತರ್ಗತನಾಗಿ॥ ಅ ಪ ॥

ವಾರಿಧಿ ಗೋಷ್ಪಾದ ನೀರಂತೆ ದಾಟಿದ
ಧೀರ ಯೋಗಾಸನಧಾರಿಯಾಗಿಪ್ಪುದು ॥ 1 ॥

ದುರುಳ ಕೌರವರನ್ನು ವರ ಗದೆಯಲಿ ಕೊಂದ
ಕರದಲ್ಲಿ ಜಪಮಾಲೆ ಧರಿಸಿ ಎಣಿಸುವುದು ॥ 2 ॥

ಹೀನ ಮತಗಳನ್ನು ವಾಣಿಲಿ ತರಿದಂಥ
ಜ್ಞಾನವಂತನೆ ಹೀಗೆ ಮೌನವಾಗಿಪ್ಪುದು ॥ 3 ॥

ಸರ್ವವ್ಯಾಪಕ ನೀನು ಪೂರ್ವಿಕ ದೇವನೆ
ಶರ್ವನ ಪಿತ ಬಂದು ಪರ್ವತ ಸೇರಿದ್ದು ॥ 4 ॥

ಗೋಪಾಲವಿಠಲಗೆ ನೀ ಪ್ರೀತಿ ಮಂತ್ರಿಯು
ವ್ಯಾಪಾರ ಮಾಡದೆ ಈ ಪರಿ ಕುಳಿತದ್ದು ॥ 5 ॥

---

idu Eno carita yaMtrOddhAra || pa ||
idu Eno carita SrI padumanABana dUta
sadA kAla sarvara hRudayAMtargatanAgi|| a pa ||

vAridhi gOShpAda nIraMte dATida
dhIra yOgAsanadhAriyAgippudu || 1 ||

duruLa kauravarannu vara gadeyali koMda
karadalli japamAle dharisi eNisuvudu || 2 ||

hIna matagaLannu vANili taridaMtha
j~jAnavaMtane hIge maunavAgippudu || 3 ||

sarvavyApaka nInu pUrvika dEvane
Sarvana pita baMdu parvata sEriddu || 4 ||

gOpAlaviThalage nI prIti maMtriyu
vyApAra mADade I pari kuLitaddu || 5 ||