Ninnane nambide

Composer : Shri Vijayadasaru

ನಿನ್ನನ್ನೇ ನಂಬಿದೆ ಅನ್ಯರೊಬ್ಬರ ಕಾಣೆ | ಗುರು
ಮಧ್ವಮುನಿರಾಯಾ || ಪ ||
ನಿಮ್ಮ ಸಿದ್ಧಾಂತದಿ ಮನವ ನಿಲ್ಲಿಸಯ್ಯ | ಗುರು
ಮಧ್ವಮುನಿರಾಯಾ ||ಅ ಪ||

ಪತಿತ ಸಂಕರ ಪುಟ್ಟಿ ಮತವೆಲ್ಲ ಕೆಡಿಸಲು | ಗುರು
ಮಧ್ವಮುನಿರಾಯಾ |
ಗತಿಯ ಕಲ್ಪಿಸಿ ಸಜ್ಜನ ತತಿಗಳ ಕಾಯ್ದೆ | ಗುರು
ಮಧ್ವಮುನಿರಾಯಾ ||೧||

ತಂದೆ ತಾಯಿ ಬಂಧು ಬಳಗ ಎಲ್ಲವು ನೀನೆ | ಗುರು
ಮಧ್ವಮುನಿರಾಯಾ |
ಎಂದೆಂದಿಗೂ ನಿನ್ನ ಪೊಂದಿರುವಂತೆ ಮಾಡೈ | ಗುರು
ಮಧ್ವಮುನಿರಾಯಾ ||೨||

ಶ್ರೀನಿಧಿ ಕೃಷ್ಣನೆ ಜಗಕೆಲ್ಲ ದೊರೆಯೆಂಬ |ಗುರು
ಮಧ್ವಮುನಿರಾಯಾ |
ಆನಂದಮುನಿಯೆಂದು ನೀನು ಹೆಸರು ಪೊತ್ತೆಯೊ | ಗುರು
ಮಧ್ವಮುನಿರಾಯಾ ||೩||

ಬಾಲಕೃಷ್ಣನ ಸೇವೆ ಮೇಲಾಗಿ ಮಾಡುವ | ಗುರು
ಮಧ್ವಮುನಿರಾಯಾ |
ಮೂಲ ಮೂವತ್ತೇಳು ಮೇಲು ಗ್ರಂಥಗಳನಿತ್ತೆ | ಗುರು
ಮಧ್ವಮುನಿರಾಯಾ ||೪||

ಅಜಪದಕೆ ಬಂದು ಅಖಿಲರ ಪಾಲಿಪ | ಗುರು
ಮಧ್ವಮುನಿರಾಯಾ |
ವಿಜಯಸಾರಥಿ ಕೃಷ್ಣ ವಿಜಯವಿಠ್ಠಲ ಪ್ರಿಯ | ಗುರು
ಮಧ್ವಮುನಿರಾಯಾ ||೫||

---

ninnannE naMbide anyarobbara kANe | guru
madhvamunirAyA || pa ||
nimma siddhAMtadi manava nillisayya | guru
madhvamunirAyA ||a pa||

patita saMkara puTTi matavella keDisalu | guru
madhvamunirAyA |
gatiya kalpisi sajjana tatigaLa kAyde | guru
madhvamunirAyA ||1||

taMde tAyi baMdhu baLaga ellavu nIne | guru
madhvamunirAyA |
eMdeMdigU ninna poMdiruvaMte mADai | guru
madhvamunirAyA ||2||

SrInidhi kRuShNane jagakella doreyeMba |guru
madhvamunirAyA |
AnaMdamuniyeMdu nInu hesaru potteyo | guru
madhvamunirAyA ||3||

bAlakRuShNana sEve mElAgi mADuva | guru
madhvamunirAyA |
mUla mUvattELu mElu graMthagaLanitte | guru
madhvamunirAyA ||4||

ajapadake baMdu aKilara pAlipa | guru
madhvamunirAyA |
vijayasArathi kRuShNa vijayaviThThala priya | guru
madhvamunirAyA ||5||