Karunadi enna poriye

Composer : Shri Gurujagannatha dasaru

ಕರುಣದಿ ಎನ್ನ ಪೊರಿಯೇ, ತೊರಮ್ಮ ಶಿರಿಯೇ |ಪ|

ಶರಣರ ಪೊರೆಯುವ ಕರುಣಿಯೆ ನಿನ್ನಯ
ಚರಣಯುಗಕೆ ನಾ ಶರಣು ಮಾಡಿದೆ ದೇವೀ |ಅ.ಪ|

ವಾರಿಜಾಂಬಕೆ ಅಂಭ್ರಣೀ ಶ್ರೀ ಹರಿಯ ರಾಣಿ
ಮಾರಾರಿ ಮುಖಸುರ ಸಂತ್ರಾಣಿ
ವಾರವಾರಕೆ ನಿನ್ನ ಸಾರಿಭಜಿಪೆ ಎನ್ನ
ದೂರ ನೋಡದೆ ಪೊರಿ ಭಾರ ನಿನ್ನದು ತಾಯಿ |೧|

ಸೃಷ್ಟಿ ಸ್ಥಿತಿಲಯ ಕಾರಿಣೀ ಸುಗುಣಸನ್ಮಣಿ
ಕಷ್ಟ ದಾರಿದ್ರ್ಯ ದುಃಖ ಹಾರಿಣೀ
ದುಷ್ಟರ ಸಂಗದಿ ಕೆಟ್ಟಿಹ ಎನ್ನನು
ಥಟ್ಟನೆ ಕರುಣಾ ದೃಷ್ಟಿಲಿ ನೋಡಿ |೨|

ಜಾತರೂಪಳೆ ಶುಭಗಾತ್ರಿ ತ್ರಿಜಗಕೆ ಧಾತ್ರೀ
ಸೀತೆ ಸತ್ರಾಜಿತನ ಪುತ್ರಿ
ದಾತ ಗುರುಜಗನ್ನಾಥವಿಠ್ಠಲನ
ನೀತ ಸತಿಯೆ ಎನ್ನಮಾತೆ ವಿಖ್ಯಾತೇ |೩|

---

karuNadi enna poriyE, toramma SiriyE |pa|

SaraNara poreyuva karuNiye ninnaya
caraNayugake nA SaraNu mADide dEvI |a.pa|

vArijAMbake aMBraNI SrI hariya rANi
mArAri muKasura saMtrANi
vAravArake ninna sAriBajipe enna
dUra nODade pori BAra ninnadu tAyi |1|

sRuShTi sthitilaya kAriNI suguNasanmaNi
kaShTa dAridrya duHKa hAriNI
duShTara saMgadi keTTiha ennanu
thaTTane karuNA dRuShTili nODi |2|

jAtarUpaLe SuBagAtri trijagake dhAtrI
sIte satrAjitana putri
dAta gurujagannAthaviThThalana
nIta satiye ennamAte viKyAtE |3|