Karava mugidu karedavara

Composer : Shri Prasannavenkata dasaru

ಕರವಮುಗಿದು ಕರೆದವರ ಮನೆಗೆ |
ಬರಲಾರೆಯೆ ಮುಕುಂದ ಪ್ರೀಯೆ [ಪ]

ಪರಿಪರಿ ಕೂಗಿದರರಘಳಿಗೆಯೂ ಈ |
ತರಳನ ಮ್ಯಾಲೇಕೆ ಕರುಣಬಾರದೆ [ಅ.ಪ]

ದುರುಳ ಹಿರಣ್ಯನ ಕರುಳನ್ ಹರಿಯಲು |
ಅರಮನೆ ಕಂಬವನ್ ಹರಿದು ಬಂದಾಗ |
ಸುರಾಸುರರೆಲ್ಲ ಹೆದರುತ ಮೊರೆಯಿಡೆ |
ಹರಿತೊಡೆಯನೇರಿ ಪೊರೆದವಳಲ್ಲವೆ [೧]

ಸುರಚರ ಹಿಮಕರಣ ತೇಜೆ ಸ್ಫುರಣಶ್ರೀ |
ಹರಿಚರಣ ಪಂಕೇರುಹಯುಗಳ ಶ್ರೇಣಿ |
ಆರುನಾಲಕು ತತ್ವಕಭಿಮಾನಿ ಸಂಪನ್ನೆ |
ದೂರಿರದೆ ನೋಡೀಕಡೆ ಅಂಬುಜಪಾಣಿ [೨]

ಸರಸಿಜೋದ್ಭವ ಜನನಿ ವರಸುಜನಾವಳಿ ಪಾಲನಿ |
ಹರನ ಕಪಾಲವ ಭರಿಸಿದ ಅನ್ನಪೂರಣಿ |
ಧರೆಗಧಿಕ ಕರವೀರಪುರ ನೆಲೆವಾಸಿನಿ |
ಸಿರಿ ಪ್ರಸನ್ವೆಂಕಟರಮಣನ್ನರಮಣಿ [೩]

---

karavamugidu karedavara manege |
baralAreye mukuMda prIye [pa]

paripari kUgidararaGaLigeyU I |
taraLana myAlEke karuNabArade [a.pa]

duruLa hiraNyana karuLan hariyalu |
aramane kaMbavan haridu baMdAga |
surAsurarella hedaruta moreyiDe |
haritoDeyanEri poredavaLallave [1]

suracara himakaraNa tEje sphuraNaSrI |
haricaraNa paMkEruhayugaLa SrENi |
ArunAlaku tatvakaBimAni saMpanne |
dUrirade nODIkaDe aMbujapANi [2]

sarasijOdbhava janani varasujanAvaLi pAlani |
harana kapAlava Barisida annapUraNi |
dharegadhika karavIrapura nelevAsini |
siri prasanveMkaTaramaNannaramaNi [3]