Durga Suladi

Composer : Shri Vijaya dasaru

ಶ್ರೀ ವಿಜಯದಾಸಾರ್ಯ ವಿರಚಿತ ಶ್ರೀದುರ್ಗಾ ಸುಳಾದಿ

ಧ್ರುವತಾಳ
ದುರ್ಗಾ ದುರ್ಗೆಯೆ ಮಹಾ ದುಷ್ಟಜನ ಸಂಹಾರೆ
ದುರ್ಗಾಂತರ್ಗತ ದುರ್ಗೆ ದುರ್ಲಭೆ ಸುಲಭೆ
ದುರ್ಗಮವಾಗಿದೆ ನಿನ್ನ ಮಹಿಮೆ, ಬೊಮ್ಮ
ಭರ್ಗಾದಿಗಳಿಗೆಲ್ಲ ಗುಣಿಸಿದರು
ಸ್ವರ್ಗ ಭೂಮಿ ಪಾತಾಳ ಸಮಸ್ತ ವ್ಯಾಪುತ ದೇವಿ
ವರ್ಗಕ್ಕೆ ಮೀರಿದ ಬಲು ಸುಂದರೀ
ದುರ್ಗಣದವರ ಬಾಧೆ ಬಹಳವಾಗಿದೆ ತಾಯಿ
ದುರ್ಗತಿಹರೆ ನಾನು ಪೇಳುವದೇನು
ದುರ್ಗಂಧವಾಗಿದೆ ಸಂಸ್ಕೃತಿ ನೋಡಿದರೆ
ನಿರ್ಗಮನ ನಾ ಕಾಣೆನಮ್ಮ ಮಂಗಳಾಂಗೆ
ದುರ್ಗೆ ಹೇ ದುರ್ಗೆ ಮಹಾದುರ್ಗೆ ಭೂದುರ್ಗೆ ವಿಷ್ಣು –
ದುರ್ಗೆ ದುರ್ಜಯೆ ದುರ್ಧಷೆ ಶಕ್ತಿ
ದುರ್ಗ ಕಾನನ ಗಹನ ಪರ್ವತ ಘೋರ ಸರ್ಪ
ಗರ್ಗರ ಶಬ್ದ ವ್ಯಾಘ್ರ ಕರಡಿ ಮೃತ್ಯು
ಸ್ವರ್ಗ ಭೂತ ಪ್ರೇತ ಪೈಶಾಚಿ ಮೊದಲಾದ
ದುರ್ಗುಣ ಸಂಕಟ ಪ್ರಾಪ್ತವಾಗೆ
ದುರ್ಗಾ ದುರ್ಗೆ ಎಂದು ಉಚ್ಚಸ್ವರದಿಂದ
ನಿರ್ಗಳಿತನಾಗಿ ಒಮ್ಮೆ ಕೂಗಿದರೂ
ಸ್ವರ್ಗಾಪವರ್ಗದಲ್ಲಿ ಹರಿಯೊಡನೆ ಇದ್ದರು
ಸುರ್ಗಣ ಜಯಜಯವೆಂದು ಪೊಗಳುತಿರೆ
ಕರ್ಗಳಿಂದಲಿ ಎತ್ತಿ ಸಾಕುವ ಸಾಕ್ಷಿಭೂತೆ
ನೀರ್ಗುಡಿದಂತೆ ಲೋಕಲೀಲೆ ನಿನಗೆ
ಸ್ವರ್ಗಂಗಾಜನಕ ನಮ್ಮ ವಿಜಯವಿಠಲ ನಂಘ್ರಿ
ದುರ್ಗಾಶ್ರಯಮಾಡಿ ಬದುಕುವಂತೆ ಮಾಡು ||೧||

ಮಟ್ಟತಾಳ
ಅರಿದರಾಂಕುಶ ಶಕ್ತಿ ಪರಶು ನೇಗಿಲು ಖಡ್ಗ
ಸರಸಿಜ ಗದೆ ಮುದ್ಗರ ಚಾಪ ಮಾರ್ಗಣ
ವರ ಅಭಯ ಮುಸಲ ಪರಿಪರಿ ಆಯುಧವ
ಧರಿಸಿ ಮೆರೆವ ಲಕುಮಿ ಸರಸಿಜಭವ ರುದ್ರ
ಸರುವ ದೇವತೆಗಳ ಕರುಣಾಪಾಂಗದಲ್ಲಿ
ನಿರೀಕ್ಷಿಸಿ ಅವರವರ ಸ್ವರೂಪಸುಖ ಕೊಡುವ
ಸಿರಿ ಭೂಮಿದುರ್ಗ ಸರುವೋತ್ತಮ
ನಮ್ಮ ವಿಜಯವಿಠಲ ನಂಘ್ರಿ
ಪರಮ ಭಕುತಿಯಿಂದ ಸ್ಮರಿಸುವ ಜಗಜ್ಜನನಿ ||೨||

ತ್ರಿಪುಟತಾಳ
ಸ್ತುತಿ ಮಾಡುವೆ ನಿನ್ನ ಕಾಳಿ ಮಹಾ ಕಾಳಿ
ಉನ್ನತ ಬಾಹು ಕರಾಳವದನೆ ಚಂದಿರೆಮುಖೆ
ಧೃತಿ ಶಾಂತಿ ಬಹುರೂಪೆ ರಾತ್ರಿ ರಾತ್ರಿಂ ಚರಣೆ
ಸ್ಥಿತಿಯೆ ನಿದ್ರಾ ಭದ್ರೆ ಭಕ್ತವತ್ಸಲೆ ಭವ್ಯೆ
ಚತುರಷ್ಟದ್ವಿಹಸ್ತೆ ಹಸ್ತಿ ಹಸ್ತಿಗಮನೆ
ಅದ್ಭುತ ಪ್ರಬಲೆ ಪ್ರವಾಸೆ ದುರ್ಗಾರಣ್ಯವಾಸೆ
ಕ್ಷಿತಿಭಾರಹರಣೆ ಕ್ಷೀರಾಬ್ಧಿತನಯೆ ಸ –
ದ್ಗತಿ ಪ್ರದಾತೆ ಮಾಯಾ ಶ್ರೀಯೆ ಇಂದಿರೆ ರಮೆ
ದಿತಿಜಾತ ನಿಗ್ರಹೆ ನಿರ್ಧೂತ ಕಲ್ಮಷೆ
ಪ್ರತಿಕೂಲ ಭೇದೆ ಪೂರ್ಣಬೋಧೆ ರೌದ್ರೆ
ಅತಿಶಯ ರಕ್ತ ಜಿಹ್ವಾಲೋಲೆ ಮಾಣಿಕ್ಯ ಮಾಲೆ
ಜಿತಕಾಮೆ ಜನನ ಮರಣ ರಹಿತೆ ಖ್ಯಾತೆ
ಘೃತ ಪಾತ್ರ ಪರಮಾನ್ನ ತಾಂಬೂಲಹಸ್ತೆ
ಸುವ್ರತೆ ಪತಿವ್ರತೆ ತ್ರಿನೇತ್ರೆ ರಕ್ತಾಂಬರೆ
ಶತಪತ್ರನಯನೆ ನಿರುತ ಕನ್ಯೆ ಉದಯಾರ್ಕ
ಶತಕೋಟಿ ಸನ್ನಿಭೆ ಹರಿ ಆಂಕಸಂಸ್ಥೆ
ಶ್ರುತಿತತಿನುತೆ ಶುಕ್ಲ ಶೋಣಿತ ರಹಿತೆ
ಅಪ್ರತಿರಹತೆ ಸರ್ವದಾ ಸಂಚಾರಿಣಿ ಚತುರೆ
ಚತುರ ಕಪರ್ದಿಯೆ ಅಂಭ್ರಣಿ ಹ್ರೀ ಉತ್ಪತ್ತಿ
ಸ್ಥಿತಿ ಲಯ ಕರ್ತೆ ಶುಭ್ರ ಶೋಭನ ಮೂರ್ತೆ
ಪತಿತಪಾವನೆ ಧನ್ಯೆ ಸರ್ವೌಷಧಿಯಲಿದ್ದು
ಹತಮಾಡು ಕಾಡುವ ರೋಗಂಗಳಿಂದ
ಕ್ಷಿತಿಯೊಳು ಸುಖದಲ್ಲಿ ಬಾಳುವ ಮತಿಯಿತ್ತು
ಸತತ ಕಾಯಲಿಬೇಕು ದುರ್ಗೆ ದುರ್ಗೆ
ಚ್ಯುತದೂರ ವಿಜಯವಿಠ್ಠಲ ರೇಯನ ಪ್ರೀಯೆ
ಕೃತಾಂಜಲಿಯಿಂದಲಿ ತಲೆಬಾಗಿ ನಮಿಸುವೆ ||೩||

ಮಟ್ಟತಾಳ
ಶ್ರೀ ಲಕ್ಷ್ಮೀ ಕಮಲಾ ಪದ್ಮಾ ಪದ್ಮಿನಿ ಕಮ –
ಲಾಲಯೆ ರಮಾ ವೃಷಾಕಪಿ ಧನ್ಯ ವೃದ್ಧಿ ವಿ –
ಶಾಲ ಯಜ್ಞಾ ಇಂದಿರೆ ಹಿರಣ್ಯ ಹರಿಣಿ
ವಾಲಯ ಸತ್ಯನಿತ್ಯಾನಂದ ತ್ರಾಯಿ
ಸುಶೀಲೆ ಸುಗಂಧ ಸುಂದರಿ ವಿದ್ಯಾ ಸುಶೀಲೆ
ಸುಲಕ್ಷಣ ದೇವಿ ನಾನಾ ರೂಪಗಳಿಂದ
ಮೆರೆವೆ ಮೃತ್ಯುನಾಶೆ
ವಾಲಗಕೊಡು ಸಂತರ ಸನ್ನಿಧಿಯಲ್ಲಿ
ಕಾಲಕಾಲಕೆ ಎನ್ನ ಭಾರ ವಹಿಸುವ ತಾಯಿ
ಮೇಲು ಮೇಲು ನಿನ್ನ ಶಕ್ತಿ ಕೀರ್ತಿ ಬಲು
ಕೇಳಿ ಕೇಳಿ ಬಂದೆ ಕೇವಲ ಈ ಮನ
ಗಾಳಿಯಂತೆ ಪರದ್ರವ್ಯಕ್ಕೆ ಪೋಪುದು
ಏಳಲ ಮಾಡದೆ ಉದ್ಧಾರವ ಮಾಡುವ
ಕೈಲಾಸಪುರದಲ್ಲಿ ಪೂಜೆಗೊಂಬ ದೇವಿ
ಮೂಲ ಪ್ರಕೃತಿ ಸರ್ವ ವರ್ಣಾಭಿಮಾನಿನಿ
ಪಾಲಸಾಗರಶಾಯಿ ವಿಜಯವಿಠ್ಠಲ ನೊಳು
ಲೀಲೆ ಮಾಡುವ ನಾನಾಭರಣೆ ಭೂಷಣೆ ಪೂರ್ಣೆ ||೪||

ಆದಿತಾಳ
ಗೋಪಿನಂದನೆ ಮುಕ್ತೆ ದೈತ್ಯಸಂತತಿಗೆ ಸಂ –
ತಾಪವ ಕೊಡುತಿಪ್ಪ ಮಹಾಕಠೋರೆ ಉಗ್ರೆ
ರೂಪೆ ವೈಲಕ್ಷಣೆ ಅಜ್ಞಾನಕಭಿಮಾನಿನಿ
ತಾಪತ್ರಯ ವಿನಾಶೆ ಓಂಕಾರೆ ಹೂಂಕಾರೆ
ಪಾಪಿ ಕಂಸಗೆ ಭಯ ತೋರಿದೆ ಬಾಲಲೀಲೆ
ವ್ಯಾಪುತೆ ಧರ್ಮ ಮಾರ್ಗ ಪ್ರೇರಣೆ ಅಪ್ರಾಕೃತೆ
ಸ್ವಾಪದಲಿ ನಿನ್ನ ನೆನೆಸಿದ ಶರಣನಿಗೆ
ಅಪಾರವಾಗಿದ್ದ ವಾರಿಧಿಯಂತೆ ಮಹಾ
ಆಪತ್ತು ಬಂದಿರಲು ಹಾರಿ ಪೋಗುವ ಸಪ್ತ –
ದ್ವೀಪ ನಾಯಿಕೆ ನರಕ ನಿರ್ಲೇಪೆ ತಮೋಗುಣದ
ವ್ಯಾಪಾರ ಮಾಡಿಸಿ ಭಕ್ತಜನಕೆ ಪುಣ್ಯ
ಸೋಪಾನ ಮಾಡಿಕೊಡುವ ಸೌಭಾಗ್ಯವಂತೆ ದುರ್ಗೆ
ಪ್ರಾಪುತವಾಗಿ ಎನ್ನ ಮನದಲ್ಲಿ ನಿಂದು ದುಃಖ
ಕೂಪದಿಂದಲಿ ಎತ್ತಿ ಕಡೆಮಾಡು ಜನ್ಮಂಗಳ
ಸೌಪರ್ಣಿ ಮಿಗಿಲಾದ ಸತಿಯರು ನಿತ್ಯ ನಿನ್ನ
ಆಪಾದಮೌಳಿ ತನಕ ಭಜಿಸಿ ಭವ್ಯರಾದರು
ನಾ ಪೇಳುವುದೇನು ಪಾಂಡವರ ಮನೋಭೀಷ್ಟೆ
ಈ ಪಾಂಚಭೌತಿಕದಲ್ಲಿ ಆವ ಸಾಧನ ಕಾಣೆ
ಶ್ರೀಪತಿನಾಮ ಒಂದೇ ಜಿಹ್ವಾಗ್ರದಲಿ ನೆನೆವ
ಔಪಾಸನ ಕೊಡು ರುದ್ರಾದಿಗಳ ವರದೆ
ತಾಪಸಜನ ಪ್ರಿಯ ವಿಜಯವಿಠ್ಠಲ ಮೂರ್ತಿಯ
ಶ್ರೀಪಾದಾರ್ಚನೆ ಮಾಳ್ಪ ಶ್ರೀ ಭೂ ದುರ್ಗಾ ವರ್ಣಾಶ್ರಯೆ ||೫||

ಜತೆ
ದುರ್ಗೆ ಹಾ ಹೇ ಹೋ ಹಾ ದುರ್ಗೆ ಮಂಗಳ ದುರ್ಗೆ |
ದುರ್ಗತಿ ಕೊಡದಿರು ವಿಜಯವಿಠ್ಠಲ ಪ್ರಿಯೆ ||೬||

---

SrI vijayadAsArya viracita SrIdurgA suLAdi

dhruvatALa
durgA durgeye mahA duShTajana saMhAre
durgAMtargata durge durlaBe sulaBe
durgamavAgide ninna mahime, bomma
BargAdigaLigella guNisidaru
svarga BUmi pAtALa samasta vyAputa dEvi
vargakke mIrida balu suMdarI
durgaNadavara bAdhe bahaLavAgide tAyi
durgatihare nAnu pELuvadEnu
durgaMdhavAgide saMskRuti nODidare
nirgamana nA kANenamma maMgaLAMge
durge hE durge mahAdurge BUdurge viShNu –
durge durjaye durdhaShe Sakti
durga kAnana gahana parvata GOra sarpa
gargara Sabda vyAGra karaDi mRutyu
svarga BUta prEta paiSAci modalAda
durguNa saMkaTa prAptavAge
durgA durge eMdu uccasvaradiMda
nirgaLitanAgi omme kUgidarU
svargApavargadalli hariyoDane iddaru
surgaNa jayajayaveMdu pogaLutire
kargaLiMdali etti sAkuva sAkShiBUte
nIrguDidaMte lOkalIle ninage
svargaMgAjanaka namma vijayaviThala naMGri
durgASrayamADi badukuvaMte mADu ||1||

maTTatALa
aridarAMkuSa Sakti paraSu nEgilu KaDga
sarasija gade mudgara cApa mArgaNa
vara aBaya musala paripari Ayudhava
dharisi mereva lakumi sarasijaBava rudra
saruva dEvategaLa karuNApAMgadalli
nirIkShisi avaravara svarUpasuKa koDuva
siri BUmidurga saruvOttama
namma vijayaviThala naMGri
parama BakutiyiMda smarisuva jagajjanani ||2||

tripuTatALa
stuti mADuve ninna kALi mahA kALi
unnata bAhu karALavadane caMdiremuKe
dhRuti SAMti bahurUpe rAtri rAtriM caraNe
sthitiye nidrA Badre Baktavatsale Bavye
caturaShTadvihaste hasti hastigamane
adButa prabale pravAse durgAraNyavAse
kShitiBAraharaNe kShIrAbdhitanaye sa –
dgati pradAte mAyA SrIye iMdire rame
ditijAta nigrahe nirdhUta kalmaShe
pratikUla BEde pUrNabOdhe raudre
atiSaya rakta jihvAlOle mANikya mAle
jitakAme janana maraNa rahite KyAte
GRuta pAtra paramAnna tAMbUlahaste
suvrate pativrate trinEtre raktAMbare
Satapatranayane niruta kanye udayArka
SatakOTi sanniBe hari AMkasaMsthe
Srutitatinute Sukla SONita rahite
apratirahate sarvadA saMcAriNi cature
catura kapardiye aMBraNi hrI utpatti
sthiti laya karte SuBra SOBana mUrte
patitapAvane dhanye sarvauShadhiyaliddu
hatamADu kADuva rOgaMgaLiMda
kShitiyoLu suKadalli bALuva matiyittu
satata kAyalibEku durge durge
cyutadUra vijayaviThThala rEyana prIye
kRutAMjaliyiMdali talebAgi namisuve ||3||

maTTatALa
SrI lakShmI kamalA padmA padmini kama –
lAlaye ramA vRuShAkapi dhanya vRuddhi vi –
SAla yaj~jA iMdire hiraNya hariNi
vAlaya satyanityAnaMda trAyi
suSIle sugaMdha suMdari vidyA suSIle
sulakShaNa dEvi nAnA rUpagaLiMda
mereve mRutyunASe
vAlagakoDu saMtara sannidhiyalli
kAlakAlake enna BAra vahisuva tAyi
mElu mElu ninna Sakti kIrti balu
kELi kELi baMde kEvala I mana
gALiyaMte paradravyakke pOpudu
ELala mADade uddhArava mADuva
kailAsapuradalli pUjegoMba dEvi
mUla prakRuti sarva varNABimAnini
pAlasAgaraSAyi vijayaviThThala noLu
lIle mADuva nAnABaraNe BUShaNe pUrNe ||4||

AditALa
gOpinaMdane mukte daityasaMtatige saM –
tApava koDutippa mahAkaThOre ugre
rUpe vailakShaNe aj~jAnakaBimAnini
tApatraya vinASe OMkAre hUMkAre
pApi kaMsage Baya tOride bAlalIle
vyApute dharma mArga prEraNe aprAkRute
svApadali ninna nenesida SaraNanige
apAravAgidda vAridhiyaMte mahA
Apattu baMdiralu hAri pOguva sapta –
dvIpa nAyike naraka nirlEpe tamOguNada
vyApAra mADisi Baktajanake puNya
sOpAna mADikoDuva sauBAgyavaMte durge
prAputavAgi enna manadalli niMdu duHKa
kUpadiMdali etti kaDemADu janmaMgaLa
sauparNi migilAda satiyaru nitya ninna
ApAdamauLi tanaka Bajisi BavyarAdaru
nA pELuvudEnu pAMDavara manOBIShTe
I pAMcaBautikadalli Ava sAdhana kANe
SrIpatinAma oMdE jihvAgradali neneva
aupAsana koDu rudrAdigaLa varade
tApasajana priya vijayaviThThala mUrtiya
SrIpAdArcane mALpa SrI BU durgA varNASraye ||5||

jate
durge hA hE hO hA durge maMgaLa durge |
durgati koDadiru vijayaviThThala priye ||6||