Anganamani Rangana Rani

Composer : Shri Prasannavenkata dasaru

ಅಂಗನಾಮಣಿ ರಂಗನರಾಣಿ
ಮಂಗಳೆ ಪದಂಗಳಿಗೆರಗುವೆ ||ಪ||

ಸುರಾಸುರರು ಮಂದರಾಚಲ ಕಡೆಯುತ
ಸುರಸುಧೆ ಅರಸಿ ತಿರುಗುತ ಇರಲು
ಹರಿಯನರಸಿ ಸುರಸಾಗರನುದರದಿ
ಸಿರಿದೇವಿ ನೀ ಧರೆಗಿರಿಸಿದಿ ಪದ ||೧||

ಮುನಿಸಿಕೊಂಡು ಭೃಗುಮುನಿಯ ಪರೀಕ್ಷೆಗೆ
ಇನಿಯನ ತೊರೆದು ಧರಣಿಗಿಳಿದ ಘೃಣಿ
ಘನತರತಪಕೆ ನಿಲುಕದ ಹರಿಯಾ
ಸನಿಹ ತಂದು ತೋರಿದೆ ತ್ರಿವೇಣಿ ||೨||

ಮನ್ನಿಸಿ ಸಲಹುವ ಪ್ರಪನ್ನಭಕುತರ
ಅಧೀನನಾದ ನಿನ್ನ ಪತಿಯಾರಾಧನಗೆ
ಸನ್ನುತ ಸುಮನಸ ನೀಡಿ ಪೊರೆಯಮ್ಮ
ಘನ್ನಮಹಿಮ ಪ್ರಸನ್ನವೆಂಕಟರಾಣಿ ||೩||

---

aMganAmaNi raMganarANi
maMgaLe padaMgaLigeraguve ||pa||

surAsuraru maMdarAcala kaDeyuta
surasudhe arasi tiruguta iralu
hariyanarasi surasAgaranudaradi
siridEvi nI dharegirisidi pada ||1||

munisikoMDu BRugumuniya parIkShege
iniyana toredu dharaNigiLida GRuNi
Ganataratapake nilukada hariyA
saniha taMdu tOride trivENi ||2||

mannisi salahuva prapannaBakutara
adhInanAda ninna patiyArAdhanage
sannuta sumanasa nIDi poreyamma
Gannamahima prasannaveMkaTarANi ||3||