Nenedu Badukiro

Composer : Shri Vyasarajaru on Shri Shripadarajaru

Shri Sripadarajaru: 1404-1502
kAle phalati surudrumaH chintAmaNir api yAchane daataa |
varshati sakalamabhIShTaM darshana mAtrAt shrIpAdarAn muni: ||
Ashrama Gurugalu : Sri Svarnavarna Tirtharu
Ashrama Shishyaru: Sri Hayagreeva Tirtharu
Aradhane : Jyeshta Shukla Chaturdashi
Ankita: Ranga vittala
Vrundavana: Mulabagilu

---

ನೆನೆದು ಬದುಕಿರೋ ಸತತ
ನೆನೆದು ಬದುಕಿರೋ ||ಪ||

ನೆನೆದು ಬದುಕಿ ಸುಜನರೆಲ್ಲ
ಘನ ಗುಣಾಂಬುಧಿ ಶ್ರೀಪಾದರಾಯರ ||ಅ.ಪ||

ಇತರ ಧ್ಯಾನವೆಲ್ಲವನುಳಿದು
ಅತಿಶಯದ ವಿರಕ್ತಿ ಬಲಿದು
ಮತಿ ವಿಶೇಷವೆನಿಪ ಮಧ್ವ ಮತಾಂಬು
ನಿಧಿಗೆ ಪೂರ್ಣ ಚಂದ್ರನ ||೧||

ಅಮಿತ ಪುಣ್ಯ ಅಗ್ರಗಣ್ಯನ
ವಿಮತ ಹರನ ವಿನಯ ಪರನ
ದ್ಯುಮಣಿತೇಜನ ದುರಿತ ದೂರನ
ಶಮದಮಾದಿ ಗುಣ ಸಮುದ್ರನ ||೨||

ಹೀನ ಕುಮತ ಮಾನ ಭಂಗನ
ಸೂನ ಶರನ ಗೆಲಿದ ಘನ್ನನ
ದಾನ ಕರ್ಣನ ದಯಾರ್ಣವನ
ಸುಜ್ಞಾನ ಪೂರಿತ ಶುಭ ಚರಿತನ ||೩||

ವಾದಿಕುಂಜರ ಪಂಚ ಮುಖನ
ಸಾಧು ಸಜ್ಜನ ಕಲ್ಪವೃಕ್ಷನ
ವೇದ ಶಾಸ್ತ್ರ ಪುರಾಣದಲಿ
ಆದಿಶೇಷನ ಪೋಲ್ವ ಮುನಿಯ ||೪||

ವನಜನೇತ್ರ ಕೃಷ್ಣನ ಪ್ರಿಯನ
ಕನಕವರ್ಣ ತೀರ್ಥರ ಸುತನ
ಜನ ಸಮೂಹ ಸನ್ನುತ ಪರಮ
ವನಧಿ ಗಂಭೀರ ಶ್ರೀಪಾದರಾಯರ ||೫||

---

nenedu badukirO satata
nenedu badukirO ||pa||

nenedu baduki sujanarella
Gana guNAMbudhi SrIpAdarAyara ||a.pa||

itara dhyAnavellavanuLidu
atiSayada virakti balidu
mati viSEShavenipa madhva matAMbu
nidhige pUrNa caMdrana ||1||

amita puNya agragaNyana
vimata harana vinaya parana
dyumaNitEjana durita dUrana
SamadamAdi guNa samudrana ||2||

hIna kumata mAna BaMgana
sUna Sarana gelida Gannana
dAna karNana dayArNavana
suj~jAna pUrita SuBa caritana ||3||

vAdikuMjara paMca muKana
sAdhu sajjana kalpavRukShana
vEda SAstra purANadali
AdiSEShana pOlva muniya ||4||

vanajanEtra kRuShNana priyana
kanakavarNa tIrthara sutana
jana samUha sannuta parama
vanadhi gaMBIra SrIpAdarAyara ||5||