Devi Bandale Sridevi

Composer : Shri Shripadarajaru

ದೇವಿ ಬಂದಳೇ ಶ್ರೀದೇವಿ ಬಂದಳೇ
ಚೌರಿ ರಾಗುಟಿ ಹಾಕಿದ ಚೆಲುವೆ ಬಂದಳೇ [ಪ]

ಬುಗುಡಿ ಮೂಗುತಿ ಇಟ್ಟ ಸುಗುಣೆ ಹರಿಸತೀ
ವಾರಿಜಾ ಮುಖಿ ರಥವನೇರಿ ಬಂದಳೆ [೧]

ಸ್ನಾನ ಮಾಡ್ರವ್ವಾ ದೇವಿ ಪೂಜೆ ಮಾಡ್ರವ್ವಾ
ದೇವಿ ಮುಂದೆ ನಿಂತುಕೊಂಡು ವರವ ಬೇಡ್ರವ್ವಾ [೨]

ಸೀರೆ ಉಟ್ಟಳೆ ಒಳ್ಳೆ ರವಿಕೆ ತೊಟ್ಟಳೆ
ಮಗುವನೆತ್ತಿಕೊಂಡು ತಾ ನಗುತ ಬಂದಳೇ [೩]

ಕಡಗ ಕಂಕಣ ಹೊಳೆವ ಗೆಜ್ಜೆ ಪೈಝಣ
ಘಲು ಘಲು ಘಲು ಎಂದು ಕುಣಿದು ಬಂದಳೇ [೪]

ರಂಗವಿಠಲನಾ ಅರಸಿ ಶೃಂಗಾರದಿ
ಬಂದು ನೆಲೆಸಿ ಭಕ್ತರ ಹೃದಯ ಕಮಲದಿ [೫]

---

dEvi baMdaLE SrIdEvi baMdaLE
cauri rAguTi hAkida celuve baMdaLE [pa]

buguDi mUguti iTTa suguNe harisatI
vArijA muKi rathavanEri baMdaLe [1]

snAna mADravvA dEvi pUje mADravvA
dEvi muMde niMtukoMDu varava bEDravvA [2]

sIre uTTaLe oLLe ravike toTTaLe
maguvanettikoMDu tA naguta baMdaLE [3]

kaDaga kaMkaNa hoLeva gejje paiJaNa
Galu Galu Galu eMdu kuNidu baMdaLE [4]

raMgaviThalanA arasi SRuMgAradi
baMdu nelesi Baktara hRudaya kamaladi [5]