Krishna Prarthana Suladi – Vyasatatvajnaru

ಶ್ರೀವ್ಯಾಸತತ್ವಜ್ಞತೀರ್ಥಾರ್ಯ ವಿರಚಿತ
ಶ್ರೀಕೃಷ್ಣ ಪ್ರಾರ್ಥನಾ ಸುಳಾದಿ
ರಾಗ: ಪಂತುವರಾಳಿ

ಧ್ರುವತಾಳ
ಆರಿಗೆ ಉಸರಲಿ ಆರಿಗೆ ಮೊರೆ ಇಡಲಿ
ಆರೆನ್ನ ಮನದಳಲು ನಿವಾರಿಸುವರ ಕಾಣೆ
ಮೇರೆ ಇಲ್ಲದೆ ಪೋದ ವಿಷಯ ಶಳವುತಿದೆ
ಭಾರೊಮ್ಮೆ ಮುಂದಣಾಶಾ ತೋರಿ ಎಳವುತಿದೆ
ತೋರಿ ನೀ ತೋರಿಸು ತೋರದೆ ಪೋದರೆ ಎನ್ನ ಎದೆ ಮನ
ಹಾರಿ ಬೀಳುತಲಿದೆ ಗತಿ ಏನೊ ಎಲೊ ಕೃಷ್ಣ
ಸಾರಿ ಸಾರಿಗೆ ಇದನೆ ಬೇಡುವೆನೇ ಅನ್ಯನ್ನ
ದಾರಿ ತಪ್ಪಿಸಿ ನಿನ್ನ ದಾರಿಯ ಪಿಡಿಸೆನ್ನ
ಕಾರುಣಿಕ ರಂಗ ಮೊರೆಯೊಕ್ಕ ಭಕತನ್ನ
ಮಾರಿಗೆ ಒಪ್ಪಿಸದೆ ಸಾರೆ ಗರಿಯೊ ದೇವ
ವಾರಿಜಾಕ್ಷ ವಾಸುದೇವವಿಟ್ಠಲರೇಯ
ದೂರ ನೋಡದೆ ದಯವಾರಿಧೆ ಪೊರೆಯೆನ್ನ ಪೊರೆಯೊ || ೧ ||

ಮಟ್ಟತಾಳ

ಧನದಲ್ಲಿ ಬಡತನ ಸಹಿಸಲಿ ಬಹುದೈಯ್ಯಾ
ಜನಪತಿ ಕೋಪವ ತಡೆಯಲಿ ಬಹುದೈಯ್ಯಾ
ವನಿತೆಯರ ಕಟಾಕ್ಷವ ಕ್ಷಮಿಸಲಿ ಬಹುದಯ್ಯಾ
ಮನೆಯೊಳು ಕಲಹವ ತಾವರಿಸ ಬಹುದೈಯ್ಯಾ
ಜನಗಳ ದೂರನ್ನ ಸೈರಿಸ ಬಹುದೈಯ್ಯಾ
ವನಜನಯನ ವಾಸುದೇವವಿಟ್ಠಲ ನಿನ್ನ
ಮನದಲಿ ಯೋಚಿಸಿನ್ನು ಸಹಿಸಲಿ ವಶವಲ್ಲ || ೨ ||

ತ್ರಿವಿಡಿತಾಳ

ಏನು ಬಿಟ್ಟರೆ ಬಿಡೊ ಏನು ಕೊಟ್ಟರೆ ಕೊಡೊ
ಆನೇ ನಂಬುವುದಿಲ್ಲ ಮನದೊಳು ಇನಿತನ್ನ
ನೀನೇವೆ ಕೇಳ್ ಕಾಂತಾ ಮನಸಿನ ಬಯಕಿದೆ
ಮಾನದೊಡೆಯ ವಾಸುದೇವವಿಟ್ಠಲರೇಯಾ
ದೀನ ವತ್ಸಲದೇವ ಮುನಿಸಿನ್ನು ಬಿಡೊ ಕೃಷ್ಣ || ೩ ||

ಅಟ್ಟತಾಳ

ಒಲಿಸಿ ವನಿತೆ ಎನ್ನ ತಿಳಿಸಿ ಸೌಖ್ಯಗಳೆಲ್ಲ
ಛಲಿಸಿ ಅವಳ ಕೂಡ ವೊಳಿತಲ್ಲ ಮುನಿಸೀಗ
ಬಲುದೋಷ ಇದರಿಂದ ತಿಳಿದಾತ ನೀನಲ್ಲೆ
ಸುಳಿಯೊ ವಾಸುದೇವವಿಟ್ಠಲ ದಯಾನಿಧೆ || ೪ ||

ಆದಿತಾಳ

ಮುನಿಗಳು ಬಹು ವ್ಯಾಪ್ತಿ ನಿನಗೆ ಪೇಳುವದೆಲ್ಲ
ಎನಗೊಂದಾದರು ಅದು ಮನಕೆ ಬಾಹುದಲ್ಲೊ
ಘನ್ನ ವ್ಯಾಪ್ತಿಯು ನಿನಗಿದೆ ಅಣುವಾದ ಎನ್ನ
ಮನವನು ಪೋಗದೆಲಿಹ್ಯದಿನೆ ಲೇಶ ನಿನಗಿದೆ
ಬಿನಗು ವಿಷಯಗಳು ದಣಿಸೊವೆ ಅದರನ್ನ
ಘನಮಹಿಮನೆ ವಾಸುದೇವವಿಟ್ಠಲರೇಯಾ
ಅನುಭವ ಕೊಡು ಕಂಡ್ಯಾ ದನುಜಮರ್ದನ ಕೃಷ್ಣ || ೫ ||

ಜತೆ

ಭಕತರ ದೂರಿಗಂಜ್ವ ವಾಸುದೇವವಿಟ್ಠಲ
ಶಕತಾಳೆ ಮಿಗಿಲಾಗಿ ಬಿನ್ನೈಸುವದಕೆ ||

---

SrIvyAsatatvaj~jatIrthArya viracita
SrIkRuShNa prArthanA suLAdi
rAga: paMtuvarALi

dhruvatALa
Arige usarali Arige more iDali
Arenna manadaLalu nivArisuvara kANe
mEre illade pOda viShaya SaLavutide
BAromme muMdaNASA tOri eLavutide
tOri nI tOrisu tOrade pOdare enna ede mana
hAri bILutalide gati Eno elo kRuShNa
sAri sArige idane bEDuvenE anyanna
dAri tappisi ninna dAriya piDisenna
kAruNika raMga moreyokka Bakatanna
mArige oppisade sAre gariyo dEva
vArijAkSha vAsudEvaviTThalarEya
dUra nODade dayavAridhe poreyenna poreyo || 1 ||

maTTatALa

dhanadalli baDatana sahisali bahudaiyyA
janapati kOpava taDeyali bahudaiyyA
vaniteyara kaTAkShava kShamisali bahudayyA
maneyoLu kalahava tAvarisa bahudaiyyA
janagaLa dUranna sairisa bahudaiyyA
vanajanayana vAsudEvaviTThala ninna
manadali yOcisinnu sahisali vaSavalla || 2 ||

triviDitALa

Enu biTTare biDo Enu koTTare koDo
AnE naMbuvudilla manadoLu initanna
nInEve kEL kAMtA manasina bayakide
mAnadoDeya vAsudEvaviTThalarEyA
dIna vatsaladEva munisinnu biDo kRuShNa || 3 ||

aTTatALa

olisi vanite enna tiLisi sauKyagaLella
Calisi avaLa kUDa voLitalla munisIga
baludOSha idariMda tiLidAta nInalle
suLiyo vAsudEvaviTThala dayAnidhe || 4 ||

AditALa

munigaLu bahu vyApti ninage pELuvadella
enagoMdAdaru adu manake bAhudallo
Ganna vyAptiyu ninagide aNuvAda enna
manavanu pOgadelihyadine lESa ninagide
binagu viShayagaLu daNisove adaranna
Ganamahimane vAsudEvaviTThalarEyA
anuBava koDu kaMDyA danujamardana kRuShNa || 5 ||

jate

Bakatara dUrigaMjva vAsudEvaviTThala
SakatALe migilAgi binnaisuvadake ||