ಜಯತಿ ತೇಽಧಿಕಂ ಜನ್ಮನಾ ವ್ರಜಃ
ಶ್ರಯತ ಇಂದಿರಾ ಸಾಧು ತತ್ರ ಹಿ |
ದಯಿತ ದೃಶ್ಯತಾಂ ತ್ವಾದಿದೃಕ್ಷತಾಂ
ತ್ವಯಿ ಧೃತಾಸವಸ್ತ್ವಾಂ ವಿಚಿನ್ವತೇ || ೧ ||
ವ್ರಜಜನಾರ್ತಿಹನ್ ವೀರ ಯೋಷಿತಾಂ
ನಿಜಜನಸ್ಮಯಧ್ವಂಸನಸ್ಮಿತ |
ಭಜ ಸಖೇ ಭವೇ ಕಿಂಕರೀಃ ಸ್ಮ ನೋ
ಜಲರು ಹಾನನಂ ಚಾರುದರ್ಶಯನ್ || ೨ ||
ಶರದುದಾಶಯೇ ಸಾಧುಜಾತಸ-
ಸ್ಸರಸಿಜೋದರ ಶ್ರೀಮುಷಾದೃಶಾ |
ಸುರತನಾಥ ತೇ ಶುಲ್ಕದಾಸಿಕಾ
ವರದ ನಿಘ್ನತೋ ನೇಹ ಕಿಂ ವಧಃ || ೩ ||
ವಿಷಜಲಾಶಯಾದ್ವ್ಯಾಲರಾಕ್ಷಸಾ-
ದ್ವರ್ಷಮಾರುತಾದ್ವೈದ್ಯುತಾನಲಾತ್ |
ವೃಷಮಯಾದ್ಭಯಾದ್ವಿಶ್ವತೋಮುಖಾ-
ದ್ವೃಷಭ ತೇ ವಯಂ ರಕ್ಷಿತಾ ಮುಹುಃ || ೪ ||
ಸ ಖಲು ಗೋಪಿಕಾನಂದನೋ ಭವಾ-
ನಖಿಲದೇಹಿನಾಮಂತರಾತ್ಮದೃಕ್ |
ವಿಖನಸಾರ್ಚಿತೋ ವಿಶ್ವಗುಪ್ತಯೇ
ಸಖ ಉದೇಯಿವಾನ್ ಸಾತ್ವತಾಂ ಕುಲೇ || ೫ ||
ವಿರಚಿತಾಭಯಂ ವೃಷ್ಣಿವರ್ಯ ತೇ
ಶರಣಮೀಯುಷಾಂ ಸಂಸೃತೇರ್ಭಯಾತ್ |
ಕರಸರೋರುಹಂ ಕಾಂತಕಾಮದಂ
ಶಿರಸಿ ಧೇಹಿ ನಃ ಶ್ರೀಕರಗೃಹಮ್ || ೬ ||
ಪ್ರಣತ ದೇಹಿನಾಂ ಪಾಪಕರ್ಶನಂ
ತೃಣಚರಾನುಗಂ ಶ್ರೀನಿಕೇತನಮ್ |
ಫಣಿಫಣಾರ್ಪಿತಂ ತೇ ಪದಾಂಬುಜಂ
ಕೃಣು ಕುಚೇಷು ನಃ ಕೃಂಧಿ ಹೃಚ್ಛಯಮ್ || ೭ ||
ಮಧುರಯಾ ಗಿರಾ ವಲ್ಗುವಾಕ್ಯಯಾ
ಬುಧಮನೋಜ್ಞಯಾ ಪುಷ್ಕರೇಕ್ಷಣ |
ವಿಧಿಕರೀರಿಮಾ ವೀರ ಮುಹ್ಯತೀ-
ರಧರಸೀಧುನಾಽಽಪ್ಯಾಯಯಸ್ವ ನಃ || ೮ ||
ತವ ಕಥಾಮೃತಂ ತಪ್ತಜೀವನಂ
ಕವಿಭಿರೀಡಿತಂ ಕಲ್ಮಷಾಪಹಮ್ |
ಶ್ರವಣಮಂಗಲಂ ಶ್ರೀಮದಾತತಂ
ಭುವಿ ಗೃಣಂತಿ ತೇ ಭೂರಿದಾ ಜನಾಃ || ೯ ||
ಪ್ರಹಸಿತಂ ಪ್ರಿಯ ಪ್ರೇಮವೀಕ್ಷಣಂ
ವಿಹರಣಂ ಚ ತೇ ಧ್ಯಾನಮಂಗಲಮ್ |
ರಹಸಿ ಸಂವಿದೋ ಯಾ ಹೃದಿ ಸ್ಪೃಶ
ಕುಹಕ ನೋ ಮನಃ ಕ್ಷೋಭಯಂತಿ ಹಿ || ೧೦ ||
ಚಲಸಿ ಯದ್ವ್ರಜಾಚ್ಚಾರಯನ್ ಪಶೂನ್
ನಲಿನಸುಂದರಂ ನಾಥ ತೇ ಪದಮ್ |
ಶಿಲತೃಣಾಂಕುರೈಃ ಸೀದತೀತಿ ನಃ
ಕಲಿಲತಾಂ ಮನಃ ಕಾಂತ ಗಚ್ಛತಿ || ೧೧ ||
ದಿನಪರಿಕ್ಷಯೇ ನೀಲಕುಂತಲೈ-
ರ್ವನರುಹಾನನಂ ಬಿಭ್ರದಾವೃತಮ್ |
ವನರಜಸ್ವಲಂ ದರ್ಶಯನ್‍ಮುಹು-
ರ್ಮನಸಿ ನಃ ಸ್ಮರಂ ವೀರ ಯಚ್ಛಸಿ || ೧೨ ||
ಪ್ರಣತಕಾಮದಂ ಪದ್ಮಜಾರ್ಚಿತಂ
ಧರಣಿಮಂಡಲಂ ಧ್ಯೇಯಮಾಪದಿ |
ಚರಣಪಂಕಜಂ ಶಂತಮಂ ಚ ತೇ
ರಮಣ ನಸ್ತನೇಷ್ವರ್ಪಯಾಧಿಹನ್ || ೧೩ ||
ಸುರತವರ್ಧನಂ ಶೋಕನಾಶನಂ
ಸ್ವರಿತವೇಣುನಾ ಸುಷ್ಠು ಚುಂಬಿತಮ್ |
ಇತರರಾಗವಿಸ್ಮಾರಣಂ ನೃಣಾಂ
ವಿತರ ವೀರ ನಸ್ತೇಽಧರಾಮೃತಮ್ || ೧೪ ||
ಅಟತಿ ಯದ್ಭವಾನಹ್ನಿ ಕಾನನಂ
ತ್ರುಟಿ ಯುಗಾಯತೇ ತ್ವಾಮಪಶ್ಯತಾಮ್ |
ಕುಟಿತಕುಂತಲಂ ಶ್ರೀಮುಖಂ ಚ ತೇ
ಜಡವದೀಕ್ಷತಾಂ ಪಕ್ಷ್ಮನುದ್ದೃಶಾಮ್ || ೧೫ ||
ಪತಿಸುತಾನ್ವಯ ಭ್ರಾತೃಬಾಂಧವಾ-
ನತಿವಿಲಂಘ್ಯ ತೇ ಹ್ಯಚ್ಯುತಾಽಗತಾಃ |
ಗತಿವಿದಸ್ತವೋದ್ಗೀತಮೋಹಿತಾಃ
ಕಿತವ ಯೋಷಿತಃ ಕಸ್ತ್ಯಜೇನ್ನಿಶಿ || ೧೬ ||
ರಹಸಿ ಸಂವಿದಂ ಹೃಚ್ಛಯೋದಯಂ
ಪ್ರಹಸಿತಾನನಂ ಪ್ರೇಮವೀಕ್ಷಣಮ್ |
ಬೃಹದುರಃ ಶ್ರಿಯೋ ವೀರ ವೀಕ್ಷ್ಯ ತೇ
ಮುಹುರತಿಸ್ಪೃಹಾ ಮುಹ್ಯತೇ ಮನಃ || ೧೭ ||
ವ್ರಜವನೌಕಸಾಂ ವ್ಯಕ್ತಿರಂಗ ತೇ
ವೃಜಿನಹಂತ್ರ್ಯಲಂ ವಿಶ್ವಮಂಗಲಮ್ |
ಭಜ ಮನಾಕ್‍ಚ ನಸ್ತ್ವತ್‍ಸ್ಪೃಹಾತ್ಮನಾಂ
ಸ್ವಜನಹೃದ್ರುಜಾಂ ಯನ್ನಿಷೂದನಮ್ || ೧೮ ||
ಶ್ರೀಶುಕ ಉವಾಚ
ಇತಿ ಗೋಪ್ಯಃ ಪ್ರಗಾಯಂತ್ಯಃ ಪ್ರಲಪಂತ್ಯಶ್ಚ ಚಿತ್ರಧಾ |
ರುರುದುಃ ಸುಸ್ವರಂ ರಾಜನ್ ಕೃಷ್ಣದರ್ಶನಲಾಲಸಾಃ || ೧೯ ||
ತಾಸಾಮಾವಿರಭೂತ್ ಶೌರಿಃ ಸ್ಮಯಮಾನಮುಖಾಂಬುಜಃ |
ಪೀತಾಂಬರಧರಃ ಸ್ರಗ್ವೀ ಸಾಕ್ಷಾನ್ಮನ್ಮಥಮನ್ಮಥಃ || ೨೦ ||
|| ಇತಿ ಶ್ರೀಮದ್ಭಾಗವತೇ ಮಹಾಪುರಾಣೇ ದಶಮಸ್ಕಂಧೇ ಗೋಪೀಗೀತಂ ಸಮಾಪ್ತಮ್ ||
jayati tE&dhikaM janmanA vrajaH
Srayata iMdirA sAdhu tatra hi |
dayita dRuSyatAM tvAdidRukShatAM
tvayi dhRutAsavastvAM vicinvatE || 1 ||
vrajajanArtihan vIra yOShitAM
nijajanasmayadhvaMsanasmita |
Baja saKE BavE kiMkarIH sma nO
jalaru hAnanaM cArudarSayan || 2 ||
SaradudASayE sAdhujAtasa-
ssarasijOdara SrImuShAdRuSA |
suratanAtha tE SulkadAsikA
varada niGnatO nEha kiM vadhaH || 3 ||
viShajalASayAdvyAlarAkShasA-
dvarShamArutAdvaidyutAnalAt |
vRuShamayAdBayAdviSvatOmuKA-
dvRuShaBa tE vayaM rakShitA muhuH || 4 ||
sa Kalu gOpikAnaMdanO BavA-
naKiladEhinAmaMtarAtmadRuk |
viKanasArcitO viSvaguptayE
saKa udEyivAn sAtvatAM kulE || 5 ||
viracitABayaM vRuShNivarya tE
SaraNamIyuShAM saMsRutErBayAt |
karasarOruhaM kAMtakAmadaM
Sirasi dhEhi naH SrIkaragRuham || 6 ||
praNata dEhinAM pApakarSanaM
tRuNacarAnugaM SrInikEtanam |
PaNiPaNArpitaM tE padAMbujaM
kRuNu kucEShu naH kRuMdhi hRucCayam || 7 ||
madhurayA girA valguvAkyayA
budhamanOj~jayA puShkarEkShaNa |
vidhikarIrimA vIra muhyatI-
radharasIdhunA&&pyAyayasva naH || 8 ||
tava kathAmRutaM taptajIvanaM
kaviBirIDitaM kalmaShApaham |
SravaNamaMgalaM SrImadAtataM
Buvi gRuNaMti tE BUridA janAH || 9 ||
prahasitaM priya prEmavIkShaNaM
viharaNaM ca tE dhyAnamaMgalam |
rahasi saMvidO yA hRudi spRuSa
kuhaka nO manaH kShOBayaMti hi || 10 ||
calasi yadvrajAccArayan paSUn
nalinasuMdaraM nAtha tE padam |
SilatRuNAMkuraiH sIdatIti naH
kalilatAM manaH kAMta gacCati || 11 ||
dinaparikShayE nIlakuMtalai-
rvanaruhAnanaM biBradAvRutam |
vanarajasvalaM darSayan^muhu-
rmanasi naH smaraM vIra yacCasi || 12 ||
praNatakAmadaM padmajArcitaM
dharaNimaMDalaM dhyEyamApadi |
caraNapaMkajaM SaMtamaM ca tE
ramaNa nastanEShvarpayAdhihan || 13 ||
suratavardhanaM SOkanASanaM
svaritavENunA suShThu cuMbitam |
itararAgavismAraNaM nRuNAM
vitara vIra nastE&dharAmRutam || 14 ||
aTati yadBavAnahni kAnanaM
truTi yugAyatE tvAmapaSyatAm |
kuTitakuMtalaM SrImuKaM ca tE
jaDavadIkShatAM pakShmanuddRuSAm || 15 ||
patisutAnvaya BrAtRubAMdhavA-
nativilaMGya tE hyacyutA&gatAH |
gatividastavOdgItamOhitAH
kitava yOShitaH kastyajEnniSi || 16 ||
rahasi saMvidaM hRucCayOdayaM
prahasitAnanaM prEmavIkShaNam |
bRuhaduraH SriyO vIra vIkShya tE
muhuratispRuhA muhyatE manaH || 17 ||
vrajavanaukasAM vyaktiraMga tE
vRujinahaMtryalaM viSvamaMgalam |
Baja manAk^ca nastvat^spRuhAtmanAM
svajanahRudrujAM yanniShUdanam || 18 ||
SrISuka uvAca –
iti gOpyaH pragAyaMtyaH pralapaMtyaSca citradhA |
ruruduH susvaraM rAjan kRuShNadarSanalAlasAH || 19 ||
tAsAmAviraBUt SauriH smayamAnamuKAMbujaH |
pItAMbaradharaH sragvI sAkShAnmanmathamanmathaH || 20 ||
|| iti SrImadBAgavatE mahApurANE daSamaskaMdhE gOpIgItaM samAptam ||
Leave a Reply