Enanna ninagennanna

Composer : Shri Tande Purandara Vittala

ಏನಣ್ಣ ನಿನಗೇನಣ್ಣ
ಕಣ್ಣೇಕಣ್ಣ ಮುಚ್ಚವೊಲ್ಲ್ಯಣ್ಣ
ಏನಣ್ಣ ನಿನ್ನ ಗೋಳಣ್ಣ
ಕಣ್ಣಿಂದ ನೋಡವೊಲ್ಲ್ಯಣ್ಣ ||೧||

ಗೂನಣ್ಣ ಬಲು ಗೂನಣ್ಣ
ಗಿರಿಯ ಹ್ಯಾಂಗೆ ನೀ ಹೊತ್ಯಣ್ಣ
ಹೀನ ಅಸುರರ ಹ್ಯಾಂಗಣ್ಣ
ಮೋಸವ ನೀ ಮಾಡಿದ್ಯಣ್ಣ ||೨||

ಹಲ್ಲಣ್ಣ ಕೋರೆ ಹಲ್ಲಣ್ಣ
ಭುವಿಯ ಹ್ಯಾಂಗೆ ನೀ ಹೊತ್ಯಣ್ಣ
ಒಳ್ಳೆ ಒಳ್ಳೆ ಭಕುತರನ್ನ
ಮೆಚ್ಚೆ ನೀನು ಬಂದ್ಯಣ್ಣ ||೩||

ಪೋರನ ಮೊರೆ ಕೇಳಿಯಣ್ಣ
ಕಂಭದಿಂದ ಬಂದ್ಯಣ್ಣ
ಘೋರವಾದ ನೋಟವ ನೋಡಿ
ಅವನಪ್ಪನ ನೀ ಬಡಿದ್ಯಣ್ಣ ||೪||

ಪುಟ್ಟ ಪುಟ್ಟ ಹೆಜ್ಜೆಣ್ಣ
ಇಟ್ಟು ನೀಯದರನ್ನ
ಕೊಟ್ಟ ಮಣ್ಣಿನ ಒಂದೆ ಬಾರಿ
ಅಳೆದ್ಯಣ್ಣ ನೀ ಅಳೆದ್ಯಣ್ಣ ||೫||

ರಾಮಣ್ಣ ಬಡಿ ಬ್ಯಾಡಣ್ಣ
ರಾಯನೊಬ್ಬನಿಲ್ಲಣ್ಣ
ನಮ್ಮ ರಾಮಣ್ಣ ಹುಟ್ಟಬೇಕಣ್ಣ
ರಾವಣನ ಬಡಿಬೇಕಣ್ಣ ||೬||

ಎಲ್ಯಣ್ಣ ನೀ ಹುಟ್ಟಿದ್ಯಣ್ಣ
ಎಲ್ಯಣ್ಣ ನೀ ಬೆಳೆದ್ಯಣ್ಣ
ಕೊಲ್ಲ ಬಂದು ಹೆಣ್ಣಿನ
ಏನಣ್ಣ ನೀ ಮಾಡಿದ್ಯಣ್ಣ ||೭||

ಮಾವನ ನೀ ಕಳೆದ್ಯಣ್ಣ
ಮಾನಿನಿಯರ ಪಿಡಿದ್ಯಣ್ಣ
ಮಾನವರ ಪಾಲಿಪುದಕ್ಕೆ
ಕುದುರೆಯ ನೀ ಏರಿದ್ಯಣ್ಣ ||೮||

ವ್ಯರ್ಥವಾಗಿ ಐದಲಣ್ಣ
ವರ್ಷಗಳು ಪೋಯಿತಣ್ಣ
ಮರೆದು ಹೋಗದೆ ಕೇಳಣ್ಣ
ನಿನ್ನ ಧ್ಯಾನವೆನಗೆ ನೀಡಣ್ಣ ||೯||

ಇಲ್ಲಣ್ಣ ಕೇಳು ಇಲ್ಲಣ್ಣ
ನೀನಿಲ್ಲದೆ ಒಂದಿಲ್ಲಣ್ಣ
ಎಲ್ಲಾವು ನೀ ಬಲ್ಯಣ್ಣ
ನಿನ್ನ ಬಲ್ಲವರಿಲ್ಲಣ್ಣ ||೧೦||

ಮೊದಲಣ್ಣ ನೀ ಮೊದಲಣ್ಣ
ಕೊನೆಯಲಿರುವೆ ನೀನಣ್ಣ
ಮೊದಲು ಕೊನೆಗಳು ಇಲ್ಲಣ್ಣ
ತಂದೆ ಪುರಂದರವಿಠ್ಠಲಣ್ಣ ||೧೧||

---

EnaNNa ninagEnaNNa
kaNNEkaNNa muccavollyaNNa
EnaNNa ninna gOLaNNa
kaNNiMda nODavollyaNNa ||1||

gUnaNNa balu gUnaNNa
giriya hyAMge nI hotyaNNa
hIna asurara hyAMgaNNa
mOsava nI mADidyaNNa ||2||

hallaNNa kOre hallaNNa
Buviya hyAMge nI hotyaNNa
oLLe oLLe Bakutaranna
mecce nInu baMdyaNNa ||3||

pOrana more kELiyaNNa
kaMBadiMda baMdyaNNa
GOravAda nOTava nODi
avanappana nI baDidyaNNa ||4||

puTTa puTTa hejjeNNa
iTTu nIyadaranna
koTTa maNNina oMde bAri
aLedyaNNa nI aLedyaNNa ||5||

rAmaNNa baDi byADaNNa
rAyanobbanillaNNa
namma rAmaNNa huTTabEkaNNa
rAvaNana baDibEkaNNa ||6||

elyaNNa nI huTTidyaNNa
elyaNNa nI beLedyaNNa
kolla baMdu heNNina
EnaNNa nI mADidyaNNa ||7||

mAvana nI kaLedyaNNa
mAniniyara piDidyaNNa
mAnavara pAlipudakke
kudureya nI EridyaNNa ||8||

vyarthavAgi aidalaNNa
varShagaLu pOyitaNNa
maredu hOgade kELaNNa
ninna dhyAnavenage nIDaNNa ||9||

illaNNa kELu illaNNa
nInillade oMdillaNNa
ellAvu nI balyaNNa
ninna ballavarillaNNa ||10||

modalaNNa nI modalaNNa
koneyaliruve nInaNNa
modalu konegaLu illaNNa
taMde puraMdaraviThThalaNNa ||11||