Venkataramanane Baro

Composer : Shri Purandara dasaru

ವೇಂಕಟರಮಣನೆ ಬಾರೋ
ಶೇಷಾಚಲ ವಾಸನೆ ಬಾರೋ [ಪ]
ಪಂಕಜ ನಾಭಪರಮ ಪವಿತ್ರ
ಶಂಕರ ಮಿತ್ರನೇ ಬಾರೋ [ಅ.ಪ]

ಮುದ್ದು ಮುಖದ ಮಗುವೆ ನಿನಗೆ
ಮುದ್ದು ಕೊಡುವೆನು ಬಾರೋ
ನಿರ್ದಯವೇಕೋ ನಿನ್ನೊಳಗೆ ನಾನು
ಪೊಂದಿದ್ದೇನು ಬಾರೋ [೧]

ಮಂದರ ಗಿರಿಯನೆತ್ತಿದಾನಂದ
ಮೂರುತಿಯೇ ಬಾರೋ
ನಂದನಕಂದ ಗೋವಿಂದ
ಮುಕುಂದ ಇಂದಿರೆಯರಸನೆ ಬಾರೋ [೨]

ಕಾಮನಯ್ಯ ಕರುಣಾಳೋ
ಶ್ಯಾಮಲ ವರ್ಣನೆ ಬಾರೋ,
ಕೋಮಲಾಂಗ ಶ್ರೀ ಪುರಂದರ ವಿಠಲನೆ
ಸ್ವಾಮಿ ರಾಯನೆ ಬಾರೋ [೩]

---

vEMkaTaramaNane bArO
shEShAcala vAsane bArO [pa]
paMkaja nAbha parama pavitra
shaMkara mitranE bArO [a.pa]

muddu mukhada maguve ninage
muddu koDuvenu bArO
nirdayavEkO ninnoLage nAnu
poMdiddEnu bArO [1]

maMdara giriyanettidAnaMda
mUrutiyE bArO
naMdanakaMda gOviMda
mukuMda iMdireyarasane bArO [2]

kAmanayya karuNALO
shyAmala varNane bArO,
kOmalAMga shrI puraMdara viThalane 
svAmi rAyane bArO [3]