Elayya maharaja

Composer : Shri Vishwendra Teertharu

ಏಳಯ್ಯ ಮಹಾರಾಜ ಬೆಳಗಾಯಿತೇಳಯ್ಯ ರಂಗ ಬಾ (ಪ)

ಬಾಗಿಲಲಿ ಕೂಗುವರು ಸನಕಾದಿ ಮುನಿವರರು
ನಾಗಭೂಷಣನು ಕೈಮುಗಿದು ನಿಂತ |
ಜಾಗರವ ಮಾಡಿರ್ಪ ಸುರರೆಲ್ಲ ಬಂದಾಯ್ತು
ಯೋಗಿಗಳು ಪೊಗಳುವರು ನಿನ್ನಂಘ್ರಿಯ (೧)

ಲಂಕೆಯನು ಬಿಟ್ಟು ವಿಭೀಷಣನು ನಿಂತಿರ್ದ
ಗಂಗೆಯನು ಬಿಟ್ಟೇಳು ಜಗದೀಶನೆ |
ತಂಗಿಯನು ಬೇಡುವರೆ ಭಾವ ಪಾರ್ಥನು ಬಂದ
ಮಂಗಳದ ನುಡಿ ನಿನಗೆ ಕೇಳಲಿಲ್ಲವೊ ಹರಿಯೆ (೨)

ಪುಟ್ಟಾದ ಮುನಿ ಬಂದನಿಷ್ಟ ಭೀಮನು ಬಂದ
ಥಟ್ಟನೆ ಏಳು ಯಾದವರಿಗರಸ |
ಸೃಷ್ಟಿಗೊಡೆಯನೆ ಕೇಳು ಭೂಸುರನು ರುಕ್ಮಿಣಿಯ
ಪುಟ್ಟ ವಾಲೆಯ ತಂದ ನೀ ನೋಡು ನೋಡು (೩)

ಕೋಪಿಗಳರಸಾದಿ ದುರ್ವಾಸ ಮುನಿ ಬಂದ |
ಇಂಪಾಗಿ ಪಾಡುತಿಹ ಸುರಮುನಿಯು ಬಂದ |
ಕೋಪದೊಳೊದೆದ ಮುನಿ ಬಂದ ಬೇಗೇಳು
ಪುಷ್ಪಶರ ಮಗ ಬಂದ ಬೇಗೇಳು ರಂಗ (೪)

ಸಿರಿದೇವಿ ನಿನ್ನಂಘ್ರಿಗಳನೊತ್ತ ಬಿಡಳೇನೊ |
ಮಾರುತಿಯ ಜಪವಿನ್ನು ಮುಗಿಯಲಿಲ್ಲೊ |
ಕರುಣದಿಂದಲಿ ಕಾಯೋ ರಾಜೇಶ ಹಯಮುಖನೆ
ನರರೆಲ್ಲ ನಗುವಂತೆ ಮಾಡದಿರೊ ರಂಗ (೫)

---

ELayya mahArAja beLagAyitELayya raMga bA (pa)

bAgilali kUguvaru sanakAdi munivararu
nAgaBUShaNanu kaimugidu niMta |
jAgarava mADirpa surarella baMdAytu
yOgigaLu pogaLuvaru ninnaMGriya (1)

laMkeyanu biTTu viBIShaNanu niMtirda
gaMgeyanu biTTELu jagadISane |
taMgiyanu bEDuvare BAva pArthanu baMda
maMgaLada nuDi ninage kELalillavo hariye (2)

puTTAda muni baMdaniShTa BImanu baMda
thaTTane ELu yAdavarigarasa |
sRuShTigoDeyane kELu BUsuranu rukmiNiya
puTTa vAleya taMda nI nODu nODu (3)

kOpigaLarasAdi durvAsa muni baMda |
iMpAgi pADutiha suramuniyu baMda |
kOpadoLodeda muni baMda bEgELu
puShpaSara maga baMda bEgELu raMga (4)

siridEvi ninnaMGrigaLanotta biDaLEno |
mArutiya japavinnu mugiyalillo |
karuNadiMdali kAyO rAjESa hayamuKane
nararella naguvaMte mADadiro raMga (5)