Ramaa Suladi – Sheshadasaru

Raga:Kalyani

ಶ್ರೀ ಮೊದಲಕಲ್ಲು ಶೇಷದಾಸರ ರಚನೆ
( ಗುರುವಿಜಯವಿಠಲ ಅಂಕಿತ) ಸುಳಾದಿ
ಶ್ರೀ ರಮಾಸ್ತುತಿ
ರಾಗ: ಕಲ್ಯಾಣಿ

ಧ್ರುವತಾಳ
ಇಂದುಮುಖಿಯೆ ನಿನ್ನ ಸಂದರುಶನದಿಂದಾ –
ನಂದವಾಯಿತು ಅರವಿಂದನಯನೆ
ಅಂದಿಗೆ ಗೆಜ್ಜೆ ಮೊದಲಾದಾಭರಣದಿಂದ
ಸುಂದರವಾದ ರೂಪದಿಂದ ಬಂದು
ಮಂದಹಾಸದಿಂದ ಮಾತನಾಡಿದರಿಂದ
ಬೆಂದು ಪೋದವೆನ್ನತ್ರಿವಿಧತಾಪ
ಇಂದಿರೆ ಈ ರೂಪದಿಂದ ತೋರಿದಳು
ಬಂಧುವೆನಿಪ ಲೋಕ ಗುರು ಸತಿಯೊ
ಕಂದು ಕಂಧರನಾದ ದೇವನ್ನ ರಾಣಿಯೊ
ಇಂದ್ರಾಣಿ ಮೊದಲಾದ ಜನರೋರ್ವಳೊ
ಮಂದಾಕಿನಿಯೊ ಇದರೊಳೊಂದರಿಯೇ ಕರುಣ –
ಸಿಂಧುವೆ ನಿನ್ನ ಪದಕೆ ನಮೊ ನಮೊ ನಮೋ
ಮಂದರ್ಗೆ ಯೋಗ್ಯವಾದ ಮಾನುಷ್ಯ ದೇಹವನ್ನು
ಪೊಂದಿಪ್ಪ ಕಾರಣದಿಂದ ನಿನ್ನ
ಅಂದವಾದ ರೂಪ ಕ್ರಿಯೆಗಳನ್ನು ತಿಳಿದು
ವಂದಿಸಿ ವರಗಳ ಬೇಡಲಿಲ್ಲ
ಇಂದಿರೆ ರಮಣನ ಬಂಧಕ ಶಕುತಿಯು
ಮಂದನಾದವ ನಾನು ಮೀರುವನೇ
ಕಂದನ ಅಪರಾಧವೆಣಿಸದಲೆ ನೀನು
ಅಂದ ವಚನವನ್ನು ಸತ್ಯ ಮಾಡಿ
ಬಂಧುನೆನಿಸಿಕೊಂಬ ಗುರುವಿಜಯವಿಠ್ಠಲನ್ನ
ಎಂದೆಂದು ಅಗಲದಲಿಪ್ಪ ವರವ ನೀಡು || ೧ ||

ಮಟ್ಟತಾಳ
ಸಾನುರಾಗದಿ ಎನ್ನ ಸಾಮೀಪ್ಯವ ನೈದಿ
ಪಾಣಿದ್ವಯದಲ್ಲಿ ವೇಣಿ ಸ್ಪರ್ಶ ಮಾಡಿ
ಏನು ಬೇಡುವೆ ಬೇಡು ನೀಡುವೆನೆಂತೆಂದು
ವಾಣಿಯಿಂದಲಿ ನುಡಿದು ಅನುಗ್ರಹಿಸಿದುದಕೆ
ಮಾನುಷಾನ್ನಜನಿತ ಅಜ್ಞಾನದಿಂದ
ಜ್ಞಾನನಿಧಿಯೆ ನಿನ್ನ ಪದದ್ವಂದ್ವಕೆ ನಮಿಸಿ
ಮಾನಸಿನಾಪೇಕ್ಷೆ ವಿವರಿಸಿ ಬಿನ್ನೈಸಿ
ಪೂರ್ಣ ಮಾಡು ಎಂದು ವರಗಳ ಬೇಡದಲೆ
ನಿನ್ನ ಪದದ್ವಂದ್ವಕೆ ನಮಿಸಿ
ಹೀನ ಮನೋಭಾವ ಮಾಡಿದೆ ಹೇ ಜನನಿ
ಧೇನುವಿಗೆ ವತ್ಸ ಮಾಡಿದ ಅಪಚಾರ
ತಾನೆಣಿಸಿ ಅದರ ಸಾಕದೆ ಬಿಡುವದೆ
ಮಾನನಿಧಿಯೆ ಎನ್ನ ಅನುಚಿತವೆಣಿಸದಲೆ
ಏನು ಬೇಡಿದ ವರವ ನೀಡುವೆ ಎಂತೆಂದ
ವಾಣಿ ಸತ್ಯ ಮಾಡು ಅವ್ಯವಧಾನದಲಿ
ಜ್ಞಾನಪೂರ್ಣ ಗುರುವಿಜಯವಿಠ್ಠಲರೇಯನ
ಪ್ರೇರಣೆಯಿಂದಲ್ಲಿ ಪ್ರಾರ್ಥಿಸುವೆನು ನಿನ್ನ || ೨ ||

ತ್ರಿವಿಡಿತಾಳ
ನಿನ್ನನುಗ್ರಹದಿಂದ ಧನ ಮೊದಲಾದ ವಸ್ತು
ತನ್ನಿಂದ ತಾನೆ ಬಂದು ಒದಗುತಿರೆ
ಇನ್ನಿದಕ್ಕೆ ನಾನು ನಿನ್ನ ಪ್ರಾರ್ಥಿಪೊದಿಲ್ಲ
ಬಿನ್ನಪವನು ಉಂಟು ಗ್ರಹಿಸಬೇಕು
ಅನಂತ ಜನುಮದ ಪುಣ್ಯ ಪ್ರಭಾವದಿಂದ
ಘನ್ನ ಮಹಿಮನಾದ ಪುರುಷನೋರ್ವ
ಕ್ಷಣವಗಲದಲಿಪ್ಪ ಆಪ್ತನಾದವನೆನಿಸಿ
ಎನ್ನ ವಿರಹಿತವಾದ ಸ್ಥಾನವನ್ನು
ಕಣ್ಣಿಲಿ ನೋಡಲಾರೆನೆಂದು ನುಡಿದವನ್ನ
ಎನ್ನ ದುರ್ಭಗದಿಂದ ಅಗಲಿ ನಾನಾ
ಬನ್ನ ಬಡುತಲಿಪ್ಪೆ ನಿಮಿಷ ಒಂದ್ಯುಗವಾಗಿ
ಮನ್ನಿಸಿ ಮನಕೆ ತಂದು ಪೂರ್ವದಂತೆ
ಮನ್ಮನದಲಿ ತೋರೊ ವ್ಯವಧಾನ ಮಾಡದಲೆ
ಇನ್ನಿದೆ ಬೇಡುವೆ ಜನನೀಯೇ
ನಿನ್ನಿಂದ ನುಡಿದಂಥ ವಾಕ್ಯ ಸಫಲ ಮಾಡಿ
ಮನ್ಮನೋರಥವನು ಪೂರ್ಣ ಮಾಡು ಆ –
ಪನ್ನರ ರಕ್ಷಿಸುವ ಬಿರಿದು ನಿನಗೆ ಉಂಟು
ಸನ್ನುತಿಸಿ ಬೇಡಿಕೊಂಬೆ ಗುಣನಿಧಿಯೇ
ಪನ್ನಂಗತಲ್ಪ ಗುರುವಿಜಯವಿಠ್ಠರೇಯ
ನಿನ್ನ ವಾಕ್ಯವವಹಿಪ ಸರ್ವಕಾಲ || ೩ ||

ಅಟ್ಟತಾಳ
ಕರಣಗಳಲಿ ಹರಿ ವ್ಯಾಪಕನೆಂತೆಂಬ
ಪರಿಯನ್ನು ತಿಳಿದಿಪ್ಪ ನರ ನುಡಿದ ವಾಕ್ಯ
ಪರಮೇಷ್ಠಿ ಮೊದಲಾದಸುರರುಸಹಿತನಾದ
ಸಿರಿಪತಿ ವಹಿಸುವನೆಂದು ಪೇಳುತಲಿರೆ
ಕರಣಮಾನಿಗಳಾದ ಸುರರಿತ್ತ ವರಗಳ
ಹರಿ ಸತ್ಯ ಮಾಡುವನೆಂಬದಚ್ಚರವೇನೊ
ಶರಣನ್ನ ಮನೋರಥ ಪೂರ್ಣ ಮಾಡುವದಕ್ಕೆ
ಕೊರತೆ ನಿನಗಾವುದು ಕೋಮಲಾಂಗಿಯೆ ನಿನ್ನ
ಚರಣ ದ್ವಂದ್ವಕೆ ನಮಿಸಿ ಶರಗೊಡ್ಡಿ ಬೇಡುವೆ
ತ್ವರಿತದಿಂದಲಿ ಈ ವರವನ್ನೆ ಪಾಲಿಸು
ಸುರಪಕ್ಷಪಾಲ ಗುರುವಿಜಯವಿಠ್ಠಲ ನಿಮ್ಮ
ಕರವಶವಾಗಿಪ್ಪ ಆವಾವ ಕಾಲದಲಿ || ೫ ||

ಆದಿತಾಳ
ಆವಾವ ಜನ್ಮದಲ್ಲಿ ಅರ್ಚಿಸಿದೆನೋ ನಿನ್ನ
ಆವಾವ ಕಾಲದಲ್ಲಿ ಅನುಗ್ರಹಿಸಿದ ವರವು
ಈ ವಿದ್ಯಮಾನವಾದ ಜನುಮದಲೊಮ್ಮೆಗೆನ್ನ
ದೇವಿಯೆ ನಿನ್ನ ಪಾದ ಸಾರಿದವನಲ್ಲಿ
ಗೋವತ್ಸ ನ್ಯಾಯದಿಂದ ನಿನಗೆ ನೀನು ಬಂದು
ಆವದು ಬೇಡಿದ ವರಗಳನೀವೆನೆಂದು
ಸುವಾಣಿಯಿಂದ ಎನ್ನ ಆದರಿಸಿದ ನಿನ್ನ
ಔದಾರ್ಯತನಕಿನ್ನು ಆವದಾವದು ಸಮ
ಶ್ರೀ ವತ್ಸಲಾಂಛನ ಗುರುವಿಜಯವಿಠ್ಠಲನ್ನ
ಭಾವದಿಂದಲಿ ನೋಳ್ಪ ಭಾಗ್ಯವೇ ಪಾಲಿಸೇ || ೫ ||

ಜತೆ
ನಿನ್ನ ದರುಶನದಿಂದ ಅನಿಷ್ಟವು ನಾಶ
ಘನ್ನ ಇಷ್ಟ ರೂಪ ಗುರುವಿಜಯವಿಠ್ಠಲ ಪ್ರಾಪ್ತ ||೬||

---

SrI modalakallu SEShadAsara racane
( guruvijayaviThala aMkita) suLAdi
SrI ramAstuti
rAga: kalyANi

dhruvatALa
iMdumuKiye ninna saMdaruSanadiMdA –
naMdavAyitu araviMdanayane
aMdige gejje modalAdABaraNadiMda
suMdaravAda rUpadiMda baMdu
maMdahAsadiMda mAtanADidariMda
beMdu pOdavenna trividha tApa
iMdire I rUpadiMda tOridaLu
baMdhuvenipa lOka guru satiyo
kaMdu kaMdharanAda dEvanna rANiyo
iMdrANi modalAda janarOrvaLo
maMdAkiniyo idaroLoMdariyE karuNa –
siMdhuve ninna padake namo namo namO
maMdarge yOgyavAda mAnuShya dEhavannu
poMdippa kAraNadiMda ninna
aMdavAda rUpa kriyegaLannu tiLidu
vaMdisi varagaLa bEDalilla
iMdire ramaNana baMdhaka Sakutiyu
maMdanAdava nAnu mIruvanE
kaMdana aparAdhaveNisadale nInu
aMda vacanavannu satya mADi
baMdhunenisikoMba guruvijayaviThThalanna
eMdeMdu agaladalippa varava nIDu || 1 ||

maTTatALa
sAnurAgadi enna sAmIpyava naidi
pANidvayadalli vENi sparSa mADi
Enu bEDuve bEDu nIDuveneMteMdu
vANiyiMdali nuDidu anugrahisidudake
mAnuShAnna janita aj~jAnadiMda
j~jAnanidhiye ninna padadvaMdvake namisi
mAnasinApEkShe vivarisi binnaisi
pUrNa mADu eMdu varagaLa bEDadale
ninna padadvaMdvake namisi
hIna manOBAva mADide hE janani
dhEnuvige vatsa mADida apacAra
tAneNisi adara sAkade biDuvade
mAnanidhiye enna anucitaveNisadale
Enu bEDida varava nIDuve eMteMda
vANi satya mADu avyavadhAnadali
j~jAnapUrNa guruvijayaviThThalarEyana
prEraNeyiMdalli prArthisuvenu ninna || 2 ||

triviDitALa
ninnanugrahadiMda dhana modalAda vastu
tanniMda tAne baMdu odagutire
innidakke nAnu ninna prArthipodilla
binnapavanu uMTu grahisabEku
anaMta janumada puNya praBAvadiMda
Ganna mahimanAda puruShanOrva
kShaNavagaladalippa AptanAdavanenisi
enna virahitavAda sthAnavannu
kaNNili nODalAreneMdu nuDidavanna
enna durBagadiMda agali nAnA
banna baDutalippe nimiSha oMdyugavAgi
mannisi manake taMdu pUrvadaMte
manmanadali tOro vyavadhAna mADadale
innide bEDuve jananIyE
ninniMda nuDidaMtha vAkya saPala mADi
manmanOrathavanu pUrNa mADu A –
pannara rakShisuva biridu ninage uMTu
sannutisi bEDikoMbe guNanidhiyE
pannaMgatalpa guruvijayaviThTharEya
ninna vAkyavavahipa sarvakAla || 3 ||

aTTatALa
karaNagaLali hari vyApakaneMteMba
pariyannu tiLidippa nara nuDida vAkya
paramEShThi modalAda suraru sahitanAda
siripati vahisuvaneMdu pELutalire
karaNamAnigaLAda suraritta varagaLa
hari satya mADuvaneMbadaccaravEno
SaraNanna manOratha pUrNa mADuvadakke
korate ninagAvudu kOmalAMgiye ninna
caraNa dvaMdvake namisi SaragoDDi bEDuve
tvaritadiMdali I varavanne pAlisu
surapakShapAla guruvijayaviThThala nimma
karavaSavAgippa AvAva kAladali || 5 ||

AditALa
AvAva janmadalli arcisidenO ninna
AvAva kAladalli anugrahisida varavu
I vidyamAnavAda janumadalommegenna
dEviye ninna pAda sAridavanalli
gOvatsa nyAyadiMda ninage nInu baMdu
Avadu bEDida varagaLanIveneMdu
suvANiyiMda enna Adarisida ninna
audAryatanakinnu AvadAvadu sama
SrI vatsalAMCana guruvijayaviThThalanna
BAvadiMdali nOLpa BAgyavE pAlisE || 5 ||

jate
ninna daruSanadiMda aniShTavu nASa
Ganna iShTa rUpa guruvijayaviThThala prApta ||6||