Gangadi sakala

Composer : Shri Purandara dasaru

ಗಂಗಾದಿ ಸಕಲ ತೀರ್ಥಂಗಳ ಫಲವಿದು
ಹರಿಯ ನಾಮಾ |
ಹಿಂಗದೆ ಜನರಿಗೆ ಮಂಗಳ ಕರವಿದು
ಹರಿಯನಾಮಾ ||ಪ||

ವೇದಶಾಸ್ತ್ರಗಳ ಓದಲರಿಯದವಗೆ
ಹರಿಯನಾಮ
ಆದಿ ಪುರುಷನ ಪೂಜಿಸದವಗೆ
ಹರಿಯನಾಮ ||೧||

ಸಾಧಿಸಬೇಕು ಮೋಕ್ಷವೆಂಬುವರಿಗೆ
ಹರಿಯ ನಾಮ
ಶೋಧಿಸಿ ಇಟ್ಟ ,ಚಿನ್ನದ ಗಟ್ಟಿ ಕಾಣಿರೋ
ಹರಿಯ ನಾಮಾ.. ||೨||

ಸ್ನಾನಸಂಧ್ಯಾವಂದನೆ ಮಾಡದವಗೆ
ಹರಿಯ ನಾಮ
ಜ್ಞಾನವು ಇಲ್ಲದ ಮೂಢಾತ್ಮ ಜನರಿಗೆ
ಹರಿಯ ನಾಮ ||೩||

ದಾನಧರ್ಮಕನುಕೂಲ-ವಿಲ್ಲದವಗೆ
ಹರಿಯ ನಾಮ
ಮಾನುಷ ಜನುಮ ಸಫಲ ಮಾಡುವುದೀ
ಹರಿಯನಾಮ ||೪||

ವ್ಯಾಳ ವ್ಯಾಳಕೆ ಎಚ್ಚರಿಕೆಯ ಕೊಡುವುದು
ಹರಿಯನಾಮ
ಜಾಳಿಗೆ ಹೊಣ್ಣು ತುಂಬಿಟ್ಟಂತೆ ಕಾಣಿರೊ
ಹರಿಯ ನಾಮ ||೫||

ಕಾಲನ ದೂತರಿಗಳುಕಿಸದಿಪ್ಪದು
ಹರಿಯ ನಾಮ
ಲೋಲ ಶ್ರೀ ಪುರಂದರ
ವಿಠ್ಠಲರಾಯನ ದಿವ್ಯ ನಾಮ ||೬||

---

gaMgAdi sakala tIrthaMgaLa Palavidu
hariya nAmA |
hiMgade janarige maMgaLa karavidu
hariyanAmA ||pa||

vEdaSAstragaLa Odalariyadavage
hariyanAma
Adi puruShana pUjisadavage
hariyanAma ||1||

sAdhisabEku mOkShaveMbuvarige
hariya nAma
SOdhisi iTTa ,cinnada gaTTi kANirO
hariya nAmA.. ||2||

snAnasaMdhyAvaMdane mADadavage
hariya nAma
j~jAnavu illada mUDhAtma janarige
hariya nAma ||3||

dAnadharmakanukUla-villadavage
hariya nAma
mAnuSha januma saPala mADuvudI
hariyanAma ||4||

vyALa vyALake eccarikeya koDuvudu
hariyanAma
jALige hoNNu tuMbiTTaMte kANiro
hariya nAma ||5||

kAlana dUtarigaLukisadippadu
hariya nAma
lOla SrI puraMdara
viThThalarAyana divya nAma ||6||