Narasimha Suladi – Shri Vyasatatvajnaru

Raga:Naata

ಧ್ರುವತಾಳ
ಶ್ರೀನಾರಸಿಂಹ ದೇವ ನೀನೆ ಸಾರ ಹೃದಯ
ಕಾರಣ ಕಾರಣಕನಿಮಿತ್ಯ ಬಂಧೊ
ತೋರದೊ ಮುಂದಿನ ಮಾರಿ ಎನಗೆ ಇನ್ನು
ತೋರಿಸೊ ಪರಿಹಾರದುಪಾಯವ
ತೋರಿಪ ದೇವ ನೀ ಇನ್ನೊಂದು ಎನಗಿಲ್ಲ
ಕಾರುಣಿಕ ದೇವತಿ ನೀನೆ ಸ್ವಾಮಿ
ಮಾರಿಗೆ ಮಾರಿಗೂ ನಿನ್ನ ಹೊರತಿನ್ನಿಲ್ಲ
ಸಾರಿದೆ ನಿನ್ನಂಘ್ರಿ ದುರ್ಗ ದುರ್ಗಾ
ಶ್ರೀರಮಣನೆ ನಿನ್ನ ಚರಣಕ್ಕೆ ಎನ್ನಯ
ಕೊರಳ ಕಟ್ಟಿದೆನೊ ಬಿಡಸಲ್ಲದೊ
ತೋರಿದ ಮೇಲಿನ್ನು ವಾಸುದೇವವಿಟ್ಠಲ
ಭಾರ ಕರ್ತೃವೆ ಎನ್ನ ಕೈಪಿಡಿಯೊ ॥ 1 ॥

ಮಟ್ಟತಾಳ

ನಿನಗಾರೆದರಿಲ್ಲ ಎನಗನ್ಯ ಗತಿಯಿಲ್ಲ
ಮನವಂಜಿಸುತಿದೆ ಹರಕು ದುರಿತವೊ
ಮನದಲ್ಲಿ ತನುವಿಲಿ ನೀನೇವೆ ಚೆನ್ನಾಗಿ
ಘನ್ನ ಧೈರ್ಯವನೀಯೋ ವಾಸುದೇವವಿಟ್ಠಲ ॥ 2 ॥

ರೂಪಕತಾಳ

ಎನ್ನಪರಾಧಗಳೆಣಿಸೆನೆಂದರೆ ಅದರ
ಕೊನೆಯಿಲ್ಲ ಮೊದಲಿಲ್ಲ ಹುರುಳಿಲ್ಲವೊ
ಕ್ಷಣ ಕ್ಷಣಕ್ಕ್ಹೊಸ ಪರಿ ಮಾಡುವೆನಲ್ಲದೆ
ಅನುತಾಪ ಇನಿತಿನ್ನ ಬಡಬಲ್ಲಿನೆ
ನಾನು ನಿನ್ನಯ ಪಾದ ನೆನೆಯದೆ ಪೋದೆನೊ
ಮನುಜ ಪಶು ಎಂದು ಎನ್ನಲ್ಲಿ ದಯ ಮಾಡೊ
ಅನಿಮಿತ್ಯ ಬಂಧು ವಾಸುದೇವವಿಟ್ಠಲರೇಯಾ ॥ 3 ॥

ಝಂಪಿತಾಳ

ಎನ್ನಯ ಸಾಧನ ಕಾಲ ನಾ ಬಲ್ಲೆನೆ
ಉನ್ನತ ಫಲವು ತಿಳಿಯಲೀ ಬಲ್ಲೆನೆ
ಮುನ್ನೆ ಬಾಹುವ ಮಾರಿ ಹಾರ್ಹೊಡಿಯ ಬಲ್ಲೆನೆ
ಪೂರ್ಣಮತ್ತ್ಯಾಗಮವ ಮತ್ತೊಮ್ಮೆ ಮತ್ತೊಮ್ಮೆ
ಚನ್ನಾಗಿ ಪೇಳುವೆನೆಂಬೊದೊಂದೂ
ಮನ್ನದಾಸಿಯು ವಾಸುದೇವವಿಟ್ಠಲರೇಯ
ಬಿನ್ನಪವ ಲಾಲಿಸೊ ಕರುಣಸಿಂಧೊ ॥ 4 ॥

ತ್ರಿವಿಡಿತಾಳ

ಎನ್ನಯ ಆಯುಷ್ಯ ಬೆಳಸಲಿ ಬಲ್ಲಿನೆ
ಉನ್ನತ ಸಾಧನ ಮಾಡುವೇನೆ
ಘನ್ನ ದಯಾನಿಧೆ ನೀನೆವೆ ಎನ್ನಲ್ಲಿ
ಸನ್ನದ್ಧ್ಯನಾಗೆನ್ನ ಸಲಹಬೇಕೊ
ಚಿನ್ನರ ಛಲವನ್ನು ಗೆಲಿಪರೊ ಪಿರಿಯರು
ಚಿನ್ನರೊಳಗೆ ಮೊದಲಿಗನೊ ನಾನೊ
ನಿನ್ನ ಮನಕ ತಂದು ಛಲವ ಗೆಲಿಸಬೇಕು
ಅನ್ಯನೆ ನಾ ವಾಸುದೇವವಿಟ್ಠಲರೇಯಾ ॥ 5 ॥

ಅಟ್ಟತಾಳ

ಮೊದಲು ಮೃಕಂಡು ಸುತ ತನ್ನಾಯುವಿಗೆ ನಿನ್ನ
ಪದರಕ್ಕೆ ಬೀಳಲು ಆತನ್ನ ಬಹುಕಾಲ
ಬದುಕಿಸಲಿಲ್ಲವೆ ಗುರುಸುತ ಯಮಪುರಕೆ
ಪೋದನ್ನ ತರಲಿಲ್ಲೆ ಕಸಿಪುಸುತ ನಿಮಿತ್ತ –
ಕ್ಕೊದಗಿ ಬರಲಿಲ್ಲೆ ವಿಧಿ ಅಸ್ತ್ರವನು ನೀ
ಒದೆದು ಪೊರಿಯಲಿಲ್ಲೆ ಪರಿಕ್ಷಿತುವಿನ ಸ್ವಾಮಿ
ಎದಿರಾರೊ ನಿನಗಿನ್ನು ಎನಗೆ ನುಡಿದ ಮಾತು
ಬದಲಾಡದಿರೊ ವಾಸುದೇವವಿಟ್ಠಲರೇಯಾ
ಸದಮಲ ದಯಪೂರ್ಣ ಪೊರೆಯಬೇಕೆನ್ನ ॥ 6 ॥

ಆದಿತಾಳ

ಕಾಲ ಕಲಿಯುಗ ಕೇಳುವರೆ ಇಲ್ಲ
ಕೀಳು ಜನರುಗಳು ತಾಳರೊ ಧರ್ಮವ
ಬಾಳುವೆನೆನಿತೊ ನೀ ಕೇಳದಿದ್ದರೆ ಕೃಷ್ಣ
ವೇಳ್ಯೆ ವೇಳ್ಯೆಗೆ ದಯಾಳೆ ನಂಬಿದೆ ನಿನ್ನ
ಧಾಳಿಯ ಮಾರಿಯನ್ನು ಸೀಳಿ ಮೊರೆಯನ್ನು
ಕೇಳಿ ನಿನ್ನಯ ಪದ ಧೂಳಿ ಆ ಎನ್ನಯ ಮನ
ಭೂಷಣ ಮಾಡಿ ಬಾಳಿಸು ಬಹುಕಾಲ ವಾಸುದೇವವಿಟ್ಠಲ ॥ 7 ॥

ಜತೆ

ನೀನೆ ದಯಾಸಿಂಧೊ ಆನೇನು ಬೇಡೋದು
ದಾನಿಗಳರಸ ವಾಸುದೇವವಿಟ್ಠಲರೇಯಾ ॥

---

dhruvatALa
SrInArasiMha dEva nIne sAra hRudaya
kAraNa kAraNakanimitya baMdho
tOrado muMdina mAri enage innu
tOriso parihAradupAyava
tOripa dEva nI innoMdu enagilla
kAruNika dEvati nIne svAmi
mArige mArigU ninna horatinnilla
sAride ninnaMGri durga durgA
SrIramaNane ninna caraNakke ennaya
koraLa kaTTideno biDasallado
tOrida mElinnu vAsudEvaviTThala
BAra kartRuve enna kaipiDiyo || 1 ||

maTTatALa

ninagAredarilla enaganya gatiyilla
manavaMjisutide haraku duritavo
manadalli tanuvili nInEve cennAgi
Ganna dhairyavanIyO vAsudEvaviTThala || 2 ||

rUpakatALa

ennaparAdhagaLeNiseneMdare adara
koneyilla modalilla huruLillavo
kShaNa kShaNakk~hosa pari mADuvenallade
anutApa initinna baDaballine
nAnu ninnaya pAda neneyade pOdeno
manuja paSu eMdu ennalli daya mADo
animitya baMdhu vAsudEvaviTThalarEyA || 3 ||

JaMpitALa

ennaya sAdhana kAla nA ballene
unnata Palavu tiLiyalI ballene
munne bAhuva mAri hArhoDiya ballene
pUrNamattyAgamava mattomme mattomme
cannAgi pELuveneMbodoMdU
mannadAsiyu vAsudEvaviTThalarEya
binnapava lAliso karuNasiMdho || 4 ||

triviDitALa

ennaya AyuShya beLasali balline
unnata sAdhana mADuvEne
Ganna dayAnidhe nIneve ennalli
sannaddhyanAgenna salahabEko
cinnara Calavannu geliparo piriyaru
cinnaroLage modaligano nAno
ninna manaka taMdu Calava gelisabEku
anyane nA vAsudEvaviTThalarEyA || 5 ||

aTTatALa

modalu mRukaMDu suta tannAyuvige ninna
padarakke bILalu Atanna bahukAla
badukisalillave gurusuta yamapurake
pOdanna taralille kasipusuta nimitta –
kkodagi baralille vidhi astravanu nI
odedu poriyalille parikShituvina svAmi
edirAro ninaginnu enage nuDida mAtu
badalADadiro vAsudEvaviTThalarEyA
sadamala dayapUrNa poreyabEkenna || 6 ||

AditALa

kAla kaliyuga kELuvare illa
kILu janarugaLu tALaro dharmava
bALuvenenito nI kELadiddare kRuShNa
vELye vELyege dayALe naMbide ninna
dhALiya mAriyannu sILi moreyannu
kELi ninnaya pada dhULi A ennaya mana
BUShaNa mADi bALisu bahukAla vAsudEvaviTThala || 7 ||

jate

nIne dayAsiMdho AnEnu bEDOdu
dAnigaLarasa vAsudEvaviTThalarEyA ||