Composer : Shri Vijayadasaru
ರಾಗ: ಭೌಳಿ
ಧ್ರುವತಾಳ
ಸುತ್ತ ವಿರಜಾನದಿ ರತ್ನಮಯದ ಏಳು
ಸುತ್ತಿನ ಕೋಟಿ ಪಚ್ಚ ಮುತ್ತು ವೈಢೂರ್ಯದಿಂದ
ಕೆತ್ತಿದ ಪಲಿಗೆ ಕಾಳಗತ್ತಲೆ ಹರಿಸುವ
ಎತ್ತಿದ ಸೂರ್ಯಪಾನ ಪತಾಕಿಗಳ ಗಲಭೆ
ಎತ್ತ ನೋಡಿದರತ್ತ ನೃತ್ಯ ಗೀತ ವಾದ್ಯ
ಇತ್ತಂಡದಲಿ ನಿಂದಾ ಬೆತ್ತದವರ ಸೊಲ್ಲು
ಹತ್ತು ದಿಕ್ಕುಗಳಂಜಿಸುತಲಿಪ್ಪ ತೆರದಿ
ಚತ್ತುರ ದಿಕ್ಕಿನಲ್ಲಿ ಉತ್ತರದಿ ನಾಲ್ಕು
ತತ್ಥಳಿಸುವ ದ್ವಾರ ಉತ್ತಮ ಸರೋವರ
ಮತ್ತೆ ಆನಂದವನ ಅತ್ತಲತ್ತಲಾಡುವ
ಸತ್ವ ಶರೀರಗಳು ಉತ್ತಮಾಂಗಗಳೆ ತೂ –
ಗುತ್ತ ಸ್ವೇಚ್ಛೆಯಲ್ಲಿಯಿಂದಾ
ನಿತ್ಯ ಕ್ರೀಡೆಯಲ್ಲಿ ಭರಿತವಾಗಿಪ್ಪರು
ಸತ್ಯವಲ್ಲದೆ ಪುಶಿ ಉತ್ತರವೆಂಬೋದಿಲ್ಲ
ಹೊತ್ತು ಹೊತ್ತಿಗೆ ಎಲ್ಲ ಚಿತ್ತ ಚಂಚಲರಿಲ್ಲ
ತೆತ್ತಿಸಕೋಟಿ ದೇವತೆಗಳು ತಲೆಬಾಗಿ
ತೆತ್ತಿಗರಾಗಿ ನಿಂದು ತುತಿಪರನುಗಾಲಾ
ಸತ್ಯಲೋಕದ ಮ್ಯಾಲತ್ತುಳ್ಳ ವೈಕುಂಠ
ಹತ್ತಿಲಿ ವಾಲ್ಗೈಸುತ್ತ ಇಂದಿರೆ ಇರೆ
ಎತ್ತಣದದ್ಭುತ ದೊರೆತನವೋ ನಿನ್ನದು
ಶ್ರುತ್ಯರ್ಥಗಳಿಗೆ ದೂರತ್ತೆನೆನಿಸುವನೇ
ಚಿತ್ತಜಪಿತ ರಾಮ ವಿಜಯವಿಠ್ಠಲ ನೀ
ಮರ್ತ್ಯಲೋಕಕ್ಕೆ ನರಕೃತ್ಯ ತೋರಿದದೇನೋ ॥ 1 ॥
ಮಟ್ಟತಾಳ
ವನಜಭವಾದ್ಯರು ತನುಜರಾಗಿರೆ ನಿನಗೆ
ಜನಪ ದಶರಥಗೆ ತನುಭವವೆನಿಸುವರೇ
ಎಣೆಗಾಣೆನೊ ನಿನ್ನ ಗುಣ ಕರ್ಮಾವಳಿಗೆ
ಮನೋವಾಕ್ಕಾಯಾ ನೆನೆ ನೆನೆದು ನಿತ್ಯ
ದಣಿ ದಣಿ ಪಾಡಿದರು ದಣಿಯಬಲ್ಲದೆ ಜಿಂಹ್ವೆ
ಯನು ಸಾಲದು ಎನಗೆ ಅನಿಮಿಷ ಮಿಕ್ಕಾದ
ಜನರ ಸಮಾಧಿಗೆ ಗಣನೆ ಮಾಡದಲಿಪ್ಪಾ
ಚಿನುಮಯ ಮೂರುತಿ ಮನುಜೋತ್ತಮ
ರಾಮಾ ವಿಜಯವಿಠ್ಠಲ ನಿನಗೆ ಮಣಿದು
ನಮೋ ಎಂದವನೇ ಬಲು ಧನ್ಯ ಧನ್ಯಾ ॥ 2 ॥
ರೂಪಕತಾಳ
ಅನಂತ ಯಾಗದ ಕರ್ತಾ ಭೋಕ್ತನೆ ನಿನಗೆ
ಮೌನಿಯ ಮಖ ವಂದು ಕಾಯ್ದದ್ದು ಸೋಜಿಗವೆ
ಏನೆಂಬೆ ಜಡದಿಂದ ಚೇತನ ಈಯಪನೇನೋ
ಮಾನಿನಿ ಜಡಚೇತನವನ್ನು ಕಳೆದದ್ದು ಸೋಜಿಗವೆ
ದಾನವ ಬಲವಾಗೆ ನಿತ್ರಾಣ ಗೈಸಿದವನೆ
ದೀನ ಉಮೇಶನ ಧನು ಮುರಿದದ್ದೇನೊ
ರಾಣಿ ವಾಸವು ನಿತ್ಯ ಶ್ರೀನಾರಿ ಅವಿಯೋಗಿ
ಜಾನಕಿ ಮದುವೆಯಾದನು ಎನಿಸುವದೇನೋ
ನೀನೆ ನಿನ್ನೊಳು ಕಾದಿ ಮಾನವಾಧಮರಿಗೆ
ಹೀನ ಗತಿಗೆ ಮಾರ್ಗವನು ತೋರಿದ ದೈವಾ
ಭಾನು ಕುಲೋತ್ತಮಾ ವಿಜಯವಿಠ್ಠಲ ರಾಮಾ
ನೀನಾಡಿದ ಲೀಲೆ ಆರಿಗೆ ವಶವಲ್ಲ ॥ 3 ॥
ಝಂಪೆತಾಳ
ಬಲು ಜೀವಿಗಳ ಭವದ ವಲಯದೊಳಗಿಟ್ಟು
ತೊಳಲುವಂತೆ ಮಾಡಿ ಅಳಲಿಸುವ ಮಹದೈವ
ಇಳಿಯೊಳಗೆ ವನವಾಸದಲಿ ತೊಳಲಿದನೆಂದು
ತಿಳಿಸಿ ನರರಿಗೆ ಮಾಯ ಕಲ್ಪಸಿ ಬಿಡುವದೇನೋ
ಸುಲಭದಿಂದಲಿ ಸಕಲರಿಗೆ ಉಣಿಸುವನೆ
ಫಲಗಳಿಂದಲಿ ದಿನವ ಕಳೆದನೆನಿಸುವದೇನೋ
ನಳಿನಜಾದ್ಯರು ನಿನ್ನೆಂಜಲ ಬಯಸುತಿಪ್ಪರು
ಒಲಿದು ಶಬರಿ ಸವಿದ ಫಲ ಮೆಲುವದೇನಯ್ಯ
ಜಲಜ ಭವಾಂಡಕ್ಕೆ ಸಲೆ ನೀನೆ ಆಶ್ರಯವೋ
ಮಲೆ ವಿಂಧ್ಯದೊಳಗೊಂದು ಸ್ಥಳವ ಮಾಡಿದದೆನೋ
ನೆಲೆ ಯಾವುದೊ ನಿನ್ನ ಬಲವ ಪೊಗಳುವದಕ್ಕೆ
ಸುಳಿದ ಮೃಗವಟ್ಟಿ ಬೆಂಬಲ ಪೋದನೆನಿಸಿದೆ
ಚೆಲುವ ಸೀತೆಯ ನಿನ್ನ ಬಳಿಲಿಟ್ಟುಕೊಂಡು
ಹಲುಬಿದೆ ಹೆಂಡತಿಯ ಕಳಕೊಂಡವನಂತೆ
ಭಳಿರೆ ನಿನ್ನವತಾರ ಹಲಬರಿಗೆ ಸಾಧ್ಯವೇ
ಹಲವು ಬಗೆಯಲಿಂದ ಪೊಗಳಲಿ ಕೂಡದು
ಮಲತವರ ಮಸ್ತಕಾಂಕುಶ ರಾಮ
ವಿಜಯವಿಠ್ಠಲ ನಿನ್ನ ಚರಣದಾ
ಸುಳವು ಕಂಡವನಾರೋ ಸುರರು ಬೆರಗಾಗುವರು ॥ 4 ॥
ತ್ರಿವಿಡಿತಾಳ
ಗುಣನಿಧಿಯೆ ನಿನ್ನ ನೆನವರೆಲ್ಲರಗೆ ಬಲ
ನಿನಗೆ ಸಹಾಯವೇನೋ ಇನ ನಂದನಾ
ಕ್ಷಣ ಮೀರದಲೆ ಬೊಮ್ಮನ ಪದವಿಗೆ ಋಜುಗಣವೇ
ಹನುಮಗೆ ನೂತನ ಪಟ್ಟ ಇನ್ನುಂಟೆ
ಅನುದಿನ ಸರ್ವರಂತರವನು ಬಲ್ಲ ವ್ಯಾಪ್ತನೆ
ವನಚರಾದಿಯ ಸುದ್ದಿಯನು ತರಲಟ್ಟಿದೆ
ಮುನಿದಾಕ್ಷಣ ಏಳು ವನಧಿಯ ನುಂಗುವನೆ
ಮಣಿಯ ಸಾಗರನೆಂದು ಧನುವ ಎಸದದೇನೊ
ತೃಣವಂದಿಡದೆ ಕಟ್ಟೆಯನು ಕಟ್ಟಿದ ಧೀರಾ
ಘನ ಪರ್ವತಗಳಿಂದ ವನಧಿ ಬಿಗಿಪದೇನೋ
ಮಿನಗುವ ರತ್ನ ಭೂಷಣಕೆ ಕೊರತೆಯಿಲ್ಲ
ತನುವಿಗೆ ನಾರ ವಸನುಟ್ಟ ಜಡಿಯೇನೋ
ಶಣಿಸಿದವರ ಗಂಡ ವಿಜಯವಿಠ್ಠಲ ನಿನಗೆ
ಅನುವಾರವೇನೊ ಜನನ ಮರಣ ರಹಿತಾ ॥ 5 ॥
ಅಟ್ಟತಾಳ
ಇಂದ್ರಂಗೆ ಪುರುಷಾರ್ಥ ತಂದು ಕೊಡುವನಿಗೆ
ಇಂದ್ರನು ನಿನಗೊಂದು ಶಂದನಟ್ಟಿದನೇನೋ
ನೊಂದವರು ನೋಟದಿಂದಲೇಳುವರು
ಗಂಧವಹನ ಕರದಿಂದದ್ರಿ ತರಿಸಿದೆ
ಕುಂದದೆ ಲೋಕವ ಕೊಂದು ಹಾಕುವ ದೇವ
ಅಂದು ದುರುಳ ದಶ ಕಂಧರನನಳಿದದಾ –
ನಂದಾ ಪಟ್ಟವಗಟ್ಟಿ ವೃಂದಾರಕರ ಪೊರೆದೆ
ಬಂದಾ ವಿಭೀಷಣಗೊಂದು ಪಟ್ಟ ಕಟ್ಟಿದ ಬಗೇ
ನೆಂದು ಪೇಳಲಿ ನಿನ್ನಾನಂದವಾದಾಟಕ್ಕೆ
ವಂದಿಸಿ ನಮೊ ನಮೋ ಎಂದು ಕೊಂಡಾಡುವೆ
ಇಂದಿರಾಪತಿ ರಾಮ ವಿಜಯವಿಠ್ಠಲ ಶ್ಯಾಮ
ಸುಂದರ ಸುಧಾ ಕಾಯಾ ಕಂದರ್ಪನಯ್ಯ ॥ 6 ॥
ಆದಿತಾಳ
ಏಸೇಸು ಬೊಮ್ಮಾಂಡ ನಾಶನ ಗೈಸುವಂಗೆ
ದೋಷಕಾರಿಗಳನ್ನು ಘಾಸಿ ಮಾಡಿದ ಹತ್ಯ –
ವೊ ಸೇರಿದರಿಂದ ಈಶನ ಭಜನಿ ಲೇಸಾಗಿ ಮಾಡಿ ನಿ –
ರ್ದೋಷನಾದನೆಂದು ಹೇಸಿ ನರಕ ನಿತ್ಯ
ವಾಸಿಗಳು ನುಡಿದು ಕ್ಲೇಶವ ಬಡುವರು
ಏಸೇಸು ಜನ್ಮದಲ್ಲಿ ದೋಷವೆತ್ತಣದೊ ಅ –
ಶೇಷ ದೋಷ ದೂರನೆ ದೇಶಾದೊಳಗೆ ನಿನ್ನ
ದಾಸನಾದವನಿಗೆ ಲೇಶ ದೋಷಗಳಿಲ್ಲಾ
ದೋಷ ನಿನಗೆ ಉಂಟೆ
ದಾಶರಥೆ ನಮ್ಮ ವಿಜಯವಿಠ್ಠಲ ಸ್ವಪ್ರ –
ಕಾಶನೆ ನಿನಗೆಣಿಸಲು ಕಾಣೆ ॥ 7 ॥
ಜತೆ
ನಿನ್ನ ಮಾಯಾ ಮೋಹ ಖಳರಿಗೆ ತಮಸ್ಸು ಆ –
ಪನ್ನರಿಗೆ ಮೋಕ್ಷ ವಿಜಯವಿಠ್ಠಲ ಧೋರಿಯೇ ॥
rAga: BauLi
dhruvatALa
sutta virajAnadi ratnamayada ELu
suttina kOTi pacca muttu vaiDhUryadiMda
kettida palige kALagattale harisuva
ettida sUryapAna patAkigaLa galaBe
etta nODidaratta nRutya gIta vAdya
ittaMDadali niMdA bettadavara sollu
hattu dikkugaLaMjisutalippa teradi
cattura dikkinalli uttaradi nAlku
tatthaLisuva dvAra uttama sarOvara
matte AnaMdavana attalattalADuva
satva SarIragaLu uttamAMgagaLe tU –
gutta svEcCeyalliyiMdA
nitya krIDeyalli BaritavAgipparu
satyavallade puSi uttaraveMbOdilla
hottu hottige ella citta caMcalarilla
tettisakOTi dEvategaLu talebAgi
tettigarAgi niMdu tutiparanugAlA
satyalOkada myAlattuLLa vaikuMTha
hattili vAlgaisutta iMdire ire
ettaNadadButa doretanavO ninnadu
SrutyarthagaLige dUrattenenisuvanE
cittajapita rAma vijayaviThThala nI
martyalOkakke narakRutya tOridadEnO || 1 ||
maTTatALa
vanajaBavAdyaru tanujarAgire ninage
janapa daSarathage tanuBavavenisuvarE
eNegANeno ninna guNa karmAvaLige
manOvAkkAyA nene nenedu nitya
daNi daNi pADidaru daNiyaballade jiMhve
yanu sAladu enage animiSha mikkAda
janara samAdhige gaNane mADadalippA
cinumaya mUruti manujOttama
rAmA vijayaviThThala ninage maNidu
namO eMdavanE balu dhanya dhanyA || 2 ||
rUpakatALa
anaMta yAgada kartA BOktane ninage
mauniya maKa vaMdu kAydaddu sOjigave
EneMbe jaDadiMda cEtana IyapanEnO
mAnini jaDacEtanavannu kaLedaddu sOjigave
dAnava balavAge nitrANa gaisidavane
dIna umESana dhanu muridaddEno
rANi vAsavu nitya SrInAri aviyOgi
jAnaki maduveyAdanu enisuvadEnO
nIne ninnoLu kAdi mAnavAdhamarige
hIna gatige mArgavanu tOrida daivA
BAnu kulOttamA vijayaviThThala rAmA
nInADida lIle Arige vaSavalla || 3 ||
JaMpetALa
balu jIvigaLa Bavada valayadoLagiTTu
toLaluvaMte mADi aLalisuva mahadaiva
iLiyoLage vanavAsadali toLalidaneMdu
tiLisi nararige mAya kalpasi biDuvadEnO
sulaBadiMdali sakalarige uNisuvane
PalagaLiMdali dinava kaLedanenisuvadEnO
naLinajAdyaru ninneMjala bayasutipparu
olidu Sabari savida Pala meluvadEnayya
jalaja BavAMDakke sale nIne ASrayavO
male viMdhyadoLagoMdu sthaLava mADidadenO
nele yAvudo ninna balava pogaLuvadakke
suLida mRugavaTTi beMbala pOdaneniside
celuva sIteya ninna baLiliTTukoMDu
halubide heMDatiya kaLakoMDavanaMte
BaLire ninnavatAra halabarige sAdhyavE
halavu bageyaliMda pogaLali kUDadu
malatavara mastakAMkuSa rAma
vijayaviThThala ninna caraNadA
suLavu kaMDavanArO suraru beragAguvaru || 4 ||
triviDitALa
guNanidhiye ninna nenavarellarage bala
ninage sahAyavEnO ina naMdanA
kShaNa mIradale bommana padavige RujugaNavE
hanumage nUtana paTTa innuMTe
anudina sarvaraMtaravanu balla vyAptane
vanacarAdiya suddiyanu taralaTTide
munidAkShaNa ELu vanadhiya nuMguvane
maNiya sAgaraneMdu dhanuva esadadEno
tRuNavaMdiDade kaTTeyanu kaTTida dhIrA
Gana parvatagaLiMda vanadhi bigipadEnO
minaguva ratna BUShaNake korateyilla
tanuvige nAra vasanuTTa jaDiyEnO
SaNisidavara gaMDa vijayaviThThala ninage
anuvAravEno janana maraNa rahitA || 5 ||
aTTatALa
iMdraMge puruShArtha taMdu koDuvanige
iMdranu ninagoMdu SaMdanaTTidanEnO
noMdavaru nOTadiMdalELuvaru
gaMdhavahana karadiMdadri tariside
kuMdade lOkava koMdu hAkuva dEva
aMdu duruLa daSa kaMdharananaLidadA –
naMdA paTTavagaTTi vRuMdArakara porede
baMdA viBIShaNagoMdu paTTa kaTTida bagE
neMdu pELali ninnAnaMdavAdATakke
vaMdisi namo namO eMdu koMDADuve
iMdirApati rAma vijayaviThThala SyAma
suMdara sudhA kAyA kaMdarpanayya || 6 ||
AditALa
EsEsu bommAMDa nASana gaisuvaMge
dOShakArigaLannu GAsi mADida hatya –
vo sEridariMda ISana Bajani lEsAgi mADi ni –
rdOShanAdaneMdu hEsi naraka nitya
vAsigaLu nuDidu klESava baDuvaru
EsEsu janmadalli dOShavettaNado a –
SESha dOSha dUrane dESAdoLage ninna
dAsanAdavanige lESa dOShagaLillA
dOSha ninage uMTe
dASarathe namma vijayaviThThala svapra –
kASane ninageNisalu kANe || 7 ||
jate
ninna mAyA mOha KaLarige tamassu A –
pannarige mOkSha vijayaviThThala dhOriyE ||
Leave a Reply