Nodide Venkataramanana

Composer : Shri Shyamasundara dasaru

ನೋಡಿದೆ ವೆಂಕಟರಮಣನ | ದ್ವಾರ
ವಾಡ ಗ್ರಾಮದಿ ನಿಂತ ದೇವನ ||ಪ||

ರೂಢಿಪ ದಾಸರಿಗೆ ನೀಡಲು ದರುಶನ
ಗೂಢ ಪಾದಾದ್ರಿಯಿಂ ಬಂದ ಮಹಾತ್ಮನ ||ಅ.ಪ||

ಈತನೆ ವೈಕುಂಟನಾಥನು ನಿಜ |
ಶಾತಕುಂಭೋದರ ತಾತನು
ಮಾತಂಗ ವರದಾತ ಶ್ವೇತವಾಹನ ಸೂತ
ಜಾತರಹಿತ ದನುಜಾತ ಕುಲಾಂತಕ ||೧||

ತೋಂಡಮಾನಗೊಲಿದಾತನ್ನ | ತನ್ನ
ತೋಡ ಜನಕೆ ಸುಖದಾತನ |
ಅಂಡಜಾತ ಪ್ರಕಾಂಡ ವರೂಥ ಬ್ರ
ಹ್ಮಾಂಡ ನಾಯಕನಾದ ಪಾಂಡವ ಪಾಲನ ||೨||

ಇಂದು ಧರಾಮರ ವಂದ್ಯನ ಶಾಮ
ಸುಂದರ ವಿಠಲನ ಮುಕುಂದನ
ಸಂದರುಶನ ಮಾತ್ರದಿ ಹಿಂದೆ ಮಾಡಿದ ದೋಷ
ವೃಂದವೆಲ್ಲವು ಇಂದು ಬೆಂದು ಪೋದವು ಘನ||೩||

---

nODide veMkaTaramaNana | dvAra
vADa grAmadi niMta dEvana ||pa||

rUDhipa dAsarige nIDalu daruSana
gUDha pAdAdriyiM baMda mahAtmana ||a.pa||

Itane vaikuMTanAthanu nija |
SAtakuMBOdara tAtanu
mAtaMga varadAta SvEtavAhana sUta
jAtarahita danujAta kulAMtaka ||1||

tOMDamAnagolidAtanna | tanna
tODa janake suKadAtana |
aMDajAta prakAMDa varUtha bra
hmAMDa nAyakanAda pAMDava pAlana ||2||

iMdu dharAmara vaMdyana SAma
suMdara viThalana mukuMdana
saMdaruSana mAtradi hiMde mADida dOSha
vRuMdavellavu iMdu beMdu pOdavu Gana||3||