Satyadhyanara nitya smarisi

Composer : Shri Karpara narahari dasaru

Shri Satyadhyana Tirtharu : 1872 – 1942
॥ आसेतोरातुषाराद्रेर्योदिशो जितवान् मुहुः।
सत्यध्यानगुरुः पातु यतीन्द्रैरपि पूजितः॥
ಅಸೇತೋರಾತುಷಾರಾದ್ರೇರ್ಯೋದಿಶೋ ಜಿತವಾನ್ಮುಹು: |
ಸತ್ಯಧ್ಯಾನಗುರು: ಪಾತು ಯತೀಂದ್ರೈರಪಿಪೂಜಿತ: |
Aradhana – Chaitra Shukla Ashtami
Vrundavana – Pandarapura

---

ಸತ್ಯಧ್ಯಾನರ ನಿತ್ಯ ಸ್ಮರಿಸಿ
ಕೃತಕೃತ್ಯನು ನೀನಾಗೋ | ಪ |

ಮರ್ತ್ಯನೆ ಶ್ರೀಗುರು ಸತ್ಯಜ್ಞಾನ |
ಸುತೀರ್ಥರಕರಕಂಜೋತ್ಥರಾದ ಗುರು | ಅ.ಪ |

ಸುತ್ತಲ್ ಬಿಡದೆ ಧರಿತ್ರಿಯೊಳಗೆ ಸುಕ್ಷೇತ್ರಗಳ ಚರಿಸಿ
ಮತ್ತಮಾಜಿಯಜ ಹಸ್ತಿಗಣಕೆ ಪಂಚವಕ್ತ್ರರೆಂದು ಕರೆಸಿ
ಛಾತ್ರವರ್ಗ ಸಂಯುಕ್ತರಾಗಿ ಸುಖ
ತೀರ್ಥರ ಸುಮತಕೆ ಸಂಸ್ಥಾಪಕ ಗುರು | ೧ |

ಏನು ಕರುಣವೋ ಜ್ಞನಿಗಳನು ಧನದಾನದಿ ದಣಿಸುತಲಿ
ಕ್ಷೋಣಿವಿಬುಧರಿಗೆ ನ್ಯಾಯ ಸುಧಾರಸಪಾನ ಮಾಡಿಸುತಲಿ
ದೀನ ಜನಗೆ ಸುರಧೇನು ಎನಿಸಿದ ಮ-
ಹಾನುಭಾವರೆಂದು ಸಾನುರಾಗದಲಿ | ೨ |

ಹೇಮವಜ್ರಮಯ ಮಂಟಪದಲಿ ಶ್ರೀರಾಮನ ಪದಪದುಮ
ನೇಮದಿ ಪೂಜಿಸುವಾ ಮಹವೈಭವ ನೋಳ್ಪಜನರ ಜನುಮ
ಈ ಮಹಿಯೊಳು ಸಾರ್ಥಕವೆನಿಸಿತು ಬಹು
ಧೀಮಜ್ಜನರಿಗೆ ಕಾಮಿತ ಗರೆಯುವ | ೩ |

ಹರಿಪದಪೊಂದಲು ಮರುತಶಾಸ್ತ್ರವೆಂಬೋ ತರಣಿಯೋಳ್ಪಗಲಿರಳು
ಹರುಷದಿ ಕುಳಿತಿಹ ಧರೆಸುರರನು ಭವಶರಧಿ ದಾಟಿಸಲು
ಕರದೊಳು ದಂಡವ ಧರಿಸಿ ನಿಂದಿರುವರ
ರುಣವಸನದಲಿ ಪರಿಶೋಭಿತತನು | ೪ |

ಶರಣ ಜನರ ಬಹುದುರಿತ ತಮಕೆ ದಿನಕರ
ಸಮರೆನಿಸುತಲಿ ಸಿರಿ ಕಾರ್ಪರ ನರಹರಿಯ ಚರಣಯುಗ್ಮ
ಸ್ಮರಿಸುತ ಹರುಷದಲಿ ಧರೆಯೊಳು ಪಂಡರಪುರ ಸುಕ್ಷೇತ್ರದಿ
ವರತನುವಿರಿಸಿದ ಪರಮ ಮಹಿಮ ಗುರು | ೫ |

---

satyadhyAnara nitya smarisi
kRutakRutyanu nInAgO | pa |

martyane SrIguru satyaj~jAna |
sutIrtharakarakaMjOttharAda guru | a.pa |

suttal biDade dharitriyoLage sukShEtragaLa carisi
mattamAjiyaja hastigaNake paMcavaktrareMdu karesi
CAtravarga saMyuktarAgi suKa
tIrthara sumatake saMsthApaka guru | 1 |

Enu karuNavO j~janigaLanu dhanadAnadi daNisutali
kShONivibudharige nyAya sudhArasapAna mADisutali
dIna janage suradhEnu enisida ma-
hAnuBAvareMdu sAnurAgadali | 2 |

hEmavajramaya maMTapadali SrIrAmana padapaduma
nEmadi pUjisuvA mahavaiBava nOLpajanara januma
I mahiyoLu sArthakavenisitu bahu
dhImajjanarige kAmita gareyuva | 3 |

haripadapoMdalu marutaSAstraveMbO taraNiyOLpagaliraLu
haruShadi kuLitiha dharesuraranu BavaSaradhi dATisalu
karadoLu daMDava dharisi niMdiruvara
ruNavasanadali pariSOBitatanu | 4 |

SaraNa janara bahudurita tamake dinakara
samarenisutali siri kArpara narahariya caraNayugma
smarisuta haruShadali dhareyoLu paMDarapura sukShEtradi
varatanuvirisida parama mahima guru | 5 |