Nee paaliso gururaya

Composer : Shri Gurujagannatha dasaru

ನೀ ಪಾಲಿಸು ಗುರುರಾಯ ಎನ್ನ
ಕಾಪಾಡು ಬಾ ಮಹರಾಯ [ಪ]

ಭೂಪತಿ ನೀ ಎನ್ನ ಆಪದ್ಭಾಂಧವ
ಶ್ರೀಪತಿ ಪದಪ್ರಿಯ ಈ ಪರಿ ಮಾಡದೆ [ಅ.ಪ]

ಪಾಪಿಗಳೊಳಗೆ ಹಿರಿಯನು ನಾನು
ನಿಷ್ಪಾಪಿಗಳರಸೆ ಗುರುರಾಯ
ಅಪಾರ ಜನುಮದಿ ಬಂದೆನೊ ಈಗ
ತಾಪತ್ರಯಗಳ ಕಳೆ ಮಹರಾಯಾ (೧)

ನೀಚರ ಒಳಗೆ ನೀಚನೊ ಪಾಪ-
ಮೋಚನೆ ಮಾಡೋ ಗುರುರಾಯ
ಯೊಚನೆ ಇಲ್ಲದೆ ಅನ್ಯರ ಅನುದಿನ
ಯಾಚಿಸಿ ಕೆಟ್ಟೆನೊ ಮಹರಾಯಾ (೨)

ದಾತನೆ ನಿನ್ನಯ ಪೋತನು ನಾನಯ್ಯ
ಈತೆರ ಮಾಳ್ಪರೆ ಗುರುರಾಯ
ದಾತ ಗುರು ಜಗನ್ನಾಥ ವಿಠ್ಠಲ ಪದ
ದೂತನು ನೀನೆ ಮಹರಾಯಾ (೩)

---

nI pAlisu gururAya enna
kApADu baa maharAya [pa]

BUpati nI enna ApadBAMdhava
SrIpati padapriya I pari mADade [a.pa]

pApigaLoLage hiriyanu nAnu
niShpApigaLarase gururAya
apAra janumadi baMdeno Iga
tApatrayagaLa kaLe maharAyA (1)

nIcara oLage nIcano pApa-
mOcane mADO gururAya
yocane illade anyara anudina
yAcisi keTTeno maharAyA (2)

dAtane ninnaya pOtanu nAnayya
Itera mALpare gururAya
dAta guru jagannAtha viThThala pada
dUtanu nIne maharAyA (3)