Kandena Yatirajana

Composer : Shri Gurushyamasundara dasaru

ಕಂಡೆನಾ ಯತಿರಾಜನಾ
ಪುಂಡರೀಕಾಕ್ಷನ ಪಾದ ಭಜಕನಾ |ಪ|

ದಂಡ ಕಮಂಡಲ ಧರಿಸಿಹನಾ
ಉದ್ಧಂಡರ ವಾದದಿ ಗೆಲಿದಿಹನಾ |
ತಂಡತಂಡದಿ ಬರುವ ಭಕುತರನಾ
ಹಿಂಡು ಪಾಪವ ತರಿದು ಪೊರೆವನಾ [೧]

ಕಾಷಾಯ ವಸನ ವಿಭೂಷಣ
ವಿಶೇಷ ಮಹಿಮೆಯಿಂದ ಮೆರೆಯುವನಾ
ವಾಸುಕಿ ಶಯನನ ನಿಜದಾಸನಾ
ಭೂಷಿತ ಮಂತ್ರನಿಲಯ ನಾಥನಾ [೨]

ಕರಿವರದನ ದಿವ್ಯ ದಯವ ಪಡೆದನಾ
ವರತುಂಗತೀರಿ ರಾಜಿಪನಾ |
ಗುರು ಶ್ಯಾಮಸುಂದರನ ನಿಜವರ ಭಕ್ತನಾ
ಗುರುಸಾರ್ವಭೌಮನ ಪರಿಮಳಾರ್ಯನಾ [೩]

---

kaMDenA yatirAjanA
puMDarIkAkShana pAda BajakanA |pa|

daMDa kamaMDala dharisihanA
uddhaMDara vAdadi gelidihanA |
taMDataMDadi baruva BakutaranA
hiMDu pApava taridu porevanA [1]

kAShAya vasana viBUShaNa
viSESha mahimeyiMda mereyuvanA
vAsuki Sayanana nijadAsanA
BUShita maMtranilaya nAthanA [2]

karivaradana divya dayava paDedanA
varatuMgatIri rAjipanA |
guru SyAmasuMdarana nijavara BaktanA
gurusArvaBaumana parimaLAryanA [3]