Ava gurugaliguntu

Composer : Shri Krishna Vittala

ಆವ ಗುರುಗಳಿಗುಂಟು ಈ ವೈಭವವು
ಪವನನೊಡೆಯನ ಭಕ್ತ ರಾಘವೇಂದ್ರರಿಗಲ್ಲದಲೆ [ಪ]

ವರ ತುಂಗಾತೀರದಲಿ ಮೆರೆವ ಮಂತ್ರಾಲಯದಿ
ತರಣಿಯಂದದಿ ಮೆರೆದು ಭಕ್ತರನು ಪೋಷಿಸುವ
ಶರಣ ರಕ್ಷಕನೆಂಬ ಬಿರುದಿಂದ ತಾ ಮೆರೆವ
ವರ ಮಧ್ವ ಕುಲಚಂದ್ರ ಗುರುರಾಜಗಲ್ಲದೇ [೧]

ಸಂತರೆಲ್ಲರು ಬಂದು ಶಾಂತಿಯಿಂದಲಿ ನಿಂದು
ಕಂತುಪಿತನ ಭಕ್ತ ಚಿಂತೆಯನ್ನು ಹರಿಸೆಂದು
ಸಂತತವು ಬೇಡುತಿಹ ಶಾಂತರಾಗಿಹ ಜನರ
ಸಂತೋಷದಲಿ ಕಾಯ್ವ ಗುರುರಾಜಗಲ್ಲದೇ [೨]

ಕಾವಿ ವಸ್ತ್ರವನು ಧರಿಸಿ ಕವಿದ ಭ್ರಮೆಯನು ಬಿಡಿಸಿ
ಭುವಿಜ ರಮಣನ ಭಜಿಪ ಕವಿಕುಲೋತ್ತಮ ನಮ್ಮ
ಸೇವಕರ ಸುರಧೇನು ಪಾವನಾತ್ಮನು ಆದ
ಕೃಷ್ಣವಿಠಲನ ಭಕ್ತ ಗುರುರಾಜಗಲ್ಲದೆ [೩]

---

Ava gurugaLiguMTu I vaiBavavu
pavananoDeyana Bakta rAGavEMdrarigalladale [pa]

vara tuMgAtIradali mereva maMtrAlayadi
taraNiyaMdadi meredu Baktaranu pOShisuva
SaraNa rakShakaneMba birudiMda tA mereva
vara madhva kulacaMdra gururAjagalladE [1]

saMtarellaru baMdu SAMtiyiMdali niMdu
kaMtupitana Bakta ciMteyannu hariseMdu
saMtatavu bEDutiha SAMtarAgiha janara
saMtOShadali kAyva gururAjagalladE [2]

kAvi vastravanu dharisi kavida Brameyanu biDisi
Buvija ramaNana Bajipa kavikulOttama namma
sEvakara suradhEnu pAvanAtmanu Ada
kRuShNaviThalana Bakta gururAjagallade [3]