Shripadarajara Divya

Composer : Shri Vadirajaru

Shri Sripadarajaru: 1404-1502
kAle phalati surudrumaH chintAmaNir api yAchane daataa |
varshati sakalamabhIShTaM darshana mAtrAt shrIpAdarAn muni: ||
Ashrama Gurugalu : Sri Svarnavarna Tirtharu
Ashrama Shishyaru: Sri Hayagreeva Tirtharu
Aradhane : Jyeshta Shukla Chaturdashi
Ankita: Ranga vittala
Vrundavana: Mulabagilu

---

ಶ್ರೀಪಾದರಾಜರ ದಿವ್ಯ
ಶ್ರೀಪಾದವ ಭಜಿಸುವೆ |ಪ|

ವಾಗ್ವಜ್ರಗಳಿಂದ ಮಾಯಾ-
ವಾದಿಗಳೆಲ್ಲರ ಬಾಯ |
ಬೀಗವನಿಕ್ಕಿ ಮುದ್ರಿಸಿದ
ಬಿಂಕಗಳ ಬಿಡಿಸುವ |೧|

ವ್ಯಾಸರಾಯರಿಗೆ ವಿದ್ಯಾ-
ಭ್ಯಾಸವ ಮಾಡಿಸುವ |
ದಾಸರ ನಾಮಗಳಿಂದ ಲೇಸು-
ಲೇಸೆಂದೆನಿಸಿಕೊಂಬ |೨|

ಮಧ್ವ ಮತದಲ್ಲಿ ಪುಟ್ಟಿ ಮಾಯಾ-
ವಾದಿಗಳ ಕುಟ್ಟಿ |
ಗೆದ್ದು ಮೆರೆದನು ದಿಟ್ಟ ಗುರು-
ರಾಯ ಜಗಜಟ್ಟಿ |೩|

ಸುವರ್ಣವರ್ಣತೀರ್ಥರ
ಸುತ ಶ್ರೀಪಾದರಾಯರ |
ಅವರ ನಾಮಗಳಿಂದ ಕಾವನಯ್ಯ
ಕರುಣಾನಿಧಿ |೪|

ವರದ ವೆಂಕಟೇಶನನ –
ಒಲಿದು ಪೂಜಿಸುವನ |
ಕರುಣದಿಂದ ಹಯವದನ ಸ-
ಲಹೋ ಯತಿರನ್ನನ |೫|

---

SrIpAdarAjara divya
SrIpAdava Bajisuve |pa|

vAgvajragaLiMda mAyA-
vAdigaLellara bAya |
bIgavanikki mudrisida
biMkagaLa biDisuva |1|

vyAsarAyarige vidyA-
ByAsava mADisuva |
dAsara nAmagaLiMda lEsu-
lEseMdenisikoMba |2|

madhva matadalli puTTi mAyA-
vAdigaLa kuTTi |
geddu meredanu diTTa guru-
rAya jagajaTTi |3|

suvarNavarNatIrthara
suta SrIpAdarAyara |
avara nAmagaLiMda kAvanayya
karuNAnidhi |4|

varada veMkaTESanana –
olidu pUjisuvana |
karuNadiMda hayavadana sa-
lahO yatirannana |5|