Composer : Shri Gurujagannatha dasaru
ವ್ಯಾಸರಾಯಾ ಅಸ್ಮದ್ಗುರೋ ವ್ಯಾಸರಾಯಾ |ಪ|
ವ್ಯಾಸರಾಯಾ ತವೋಪಾಸನ ಮಾಳ್ಪ
ವಿಶೇಷ ಸುಜ್ಞಾನ ಭಕ್ತಿ ಲೇಸಾಗಿ ಸಲಿಸಯ್ಯಾ |ಅ.ಪ|
ದಾಸನಾಮಕ ದ್ವಿಜ ದೇಶ ಮುಖನ ಮನಿ
ಕೂಸಾಗಿ ಜನಿಸಿದೆ ಭೂಸ್ಪರ್ಶವಿಲ್ಲದೆ |೧|
ಶ್ರೀಪಾದರಾಯರು ಈ ಪರಿ ನಿನ್ನನು
ಕಾಪಾಡಿ ನವ ವರ್ಷ ಭೂಪತಿ ಮಾಡಿದರೋ |೨|
ದಶಮ ವತ್ಸರದಲ್ಲಿ ಅಸಮ ಜ್ಞಾನಿ ಎನಿಸಿ
ವಸುದೇವ ಸುತನನ್ನು ಸುಸಮಾಧಿಯಲಿ ಪಡೆದೆ |೩|
ಅಲವಭೋಧರ ಮತ ಜಲಧಿ ನಿಶಾಕರ
ಕಲೆಯಂತೆ ದಿನದಿನದಲಿ ವೃದ್ಧನಾದೆ ನೀ |೪|
ಚಂಪಕ ತರು ಮುಖ್ಯ ಕಂಪಿತ ನದಿಯುತ
ಪಂಪಾ ಕ್ಷೇತ್ರದಿ ಮಹಾ ಸಂಪತ್ತಿನಿಂದಿದ್ದೆ |೫|
ಚಕ್ರ ತೀರ್ಥದಲಿ ಮರ್ಕಟ ಬರಲಂದು
ತರ್ಕಿಸಿ ಯಂತ್ರಸ್ಥ ಚಕ್ರದಿ ಬಂಧಿಸಿದೆ |೬|
ಪದ್ಮ ತೀರ್ಥದಲಿ ಇದ್ದ ನಿಜಗುರು
ಮಧ್ವರಾಯರ ತಂದು ಸಿದ್ಧಮಾಡಿ ಇಟ್ಟೆ |೭|
ಮಂದ ಜನಕೆ ಸುಧಾ ಛಂದಾಗಿ ಇದರರ್ಥ
ಪೊಂದದೆಂದು ನೀನು ಚಂದ್ರಿಕೆ ರಚಿಸಿದೆ |೮|
ಇನಿತು ಮಹಾಮಹಿಮೆ ಘನವಾಗಿ ಜನರಿಗೆ
ಅನುಭವ ಮಾಡಿಸಿದೆ ಅನುಪಮ ಚರಿತನೆ |೯|
ಇಭಗುಹ ವರತುಂಗ ಉಭಯ ಪ್ರವಾಹ ಮಧ್ಯ
ಶುಭಮಯ ಸ್ಥಳದಲ್ಲಿ ಅಭಯನಾಗಿ ನಿಂತೆ ನೀ |೧೦|
ಬಂದ ಜನರಘ ನಿಂದ್ರಾದೆ ಕಳೆಯುತ
ಛಂದದ ನವ ಶುಭ ವೃಂದಾವನದೊಳಿದ್ದೆ |೧೧|
ಇಂದು ನಿಮ್ಮಯ ಪಾದ ಪೊಂದಿ ಎನ್ನಯ ವೃಜಿನ
ವೃಂದ ಪೋದವು ಅರ್ಕನಿಂದ ತಿಮಿರದಂತೆ|೧೨|
ಮಂದಜನರಿಗೆ ಅಮಂದ ಭಾಗ್ಯನಿಧೆ
ವಂದಿಸಿ ಬೇಡುವೆ ನಂದದಿ ಸಲಹಯ್ಯ |೧೩|
ತಂದೆ ತಾಯಿಗಳು ಅಂದೆ ಬಿಟ್ಟರೆನ್ನ
ಇಂದು ರಕ್ಷಕರಿಲ್ಲವೆಂದು ನಿನ್ನನು ಸಾರ್ದೆ |೧೪|
ಪೊಂದಿ ಕೊಂಡಿರುವವನೆಂದು ಎನ್ನನು ಕೃಪೆ
ಯಿಂದ ಕರೆದು ಕಾಯೋ ನಂದಾದಾಯಕ ನೀನೆ|೧೫|
ಇಷ್ಟದಾಯಕ ನಿನ್ನ ಮುಟ್ಟಿಭಜಿಪ ದಿವ್ಯ
ದೃಷ್ಟಿ ಪಾಲಿಸೊ ಸರ್ವೋತ್ಕೃಷ್ಟ ಮಹಿಮ ನೀನೆ |೧೬|
ಮಾತು ಲಾಲಿಸೊ ನಿಜತಾತ ನೀನೆ ಸೀತಾ
ನಾಥ ಗುರುಜಗನ್ನಾಥವಿಠಲನಾಣೆ |೧೭|
vyAsarAyA asmadgurO vyAsarAyA |pa|
vyAsarAyA tavOpAsana mALpa
viSESha suj~jAna Bakti lEsAgi salisayyA |a.pa|
dAsanAmaka dvija dESa muKana mani –
kUsAgi janiside BUsparSavillade |1|
SrIpAdarAyaru I pari ninnanu
kApADi nava varSha BUpati mADidarO |2|
daSama vatsaradalli asama j~jAni enisi
vasudEva sutanannu susamAdhiyali paDede |3|
alavaBOdhara mata jaladhi niSAkara
kaleyaMte dinadinadali vRuddhanAde nI |4|
caMpaka taru muKya kaMpita nadiyuta
paMpA kShEtradi mahA saMpattiniMdidde |5|
cakra tIrthadali markaTa baralaMdu
tarkisi yaMtrastha cakradi baMdhiside |6|
padma tIrthadali idda nijaguru
madhvarAyara taMdu siddhamADi iTTe |7|
maMda janake sudhA CaMdAgi idarartha
poMdadeMdu nInu caMdrike raciside |8|
initu mahAmahime GanavAgi janarige
anuBava mADiside anupama caritane |9|
iBaguha varatuMga uBaya pravAha madhya
SuBamaya sthaLadalli aBayanAgi niMte nI |10|
baMda janaraGa niMdrAde kaLeyuta
CaMdada nava SuBa vRuMdAvanadoLidde |11|
iMdu nimmaya pAda poMdi ennaya vRujina –
vRuMda pOdavu arkaniMda timiradaMte|12|
maMdajanarige amaMda BAgyanidhe
vaMdisi bEDuve naMdadi salahayya |13|
taMde tAyigaLu aMde biTTarenna
iMdu rakShakarillaveMdu ninnanu sArde |14|
poMdi koMDiruvavaneMdu ennanu kRupe
yiMda karedu kAyO naMdAdAyaka nIne|15|
iShTadAyaka ninna muTTiBajipa divya
dRuShTi pAliso sarvOtkRuShTa mahima nIne |16|
mAtu lAliso nijatAta nIne sItA –
nAtha gurujagannAthaviThalanANe |17|
Leave a Reply