Kanade nillalare

Composer : Shri Vyasarajaru

ಕಾಣದೆ ನಿಲ್ಲಲಾರೆ, ಕಮನೀಯ ಮೂರುತಿಯ
ಪ್ರಾಣೇಶನ ತೋರೆ ಗಿಣಿಯೆ [ಪ]
ಮಾಣಿಕ್ಯ ಪದಕವ ಮನ್ನಿಸಿ ನಿನಗೀವೆ
ಜಾಣೆ ಕೃಷ್ಣನ ತೋರೆ ಗಿಣಿಯೆ [ಅ.ಪ]

ಮಕರ ಕುಂಡಲ ಧರನ ಮಕರ ಧ್ವಜನ ಪಿತನ
ಮಕುಟ ಭೂಷಣನ ತೋರೆ ಗಿಣಿಯೆ
ಮಕ ರಾಕ್ಷ ಸಂಹರನ ಮಕರಾರಿ ರಕ್ಷಕನ
ಮಕರ ಶಿಕ್ಷಕನ ತೋರೆ ಗಿಣಿಯೆ (೧)

ಇಂದುಕುಲ ಪಾವನನ ಇಂದು ರವಿಲೋಚನನ
ಇಂದು ನೀ ಕರೆತಾರೆ ಗಿಣಿಯೆ
ಇಂದು ಶೇಖರನುತನ ಇಂದಿರೆಯರಸನ
ತಂದು ತೋರೆ ಮುದ್ದು ಗಿಣಿಯೆ (೨)

ಒಂದು ನಿಮಿಷವೊಂದು ಯುಗವಾಗಿ ತೋರಿತೆ
ಸೌಂದರ್ಯನ ತೋರೆ ಗಿಣಿಯೆ
ಮಂದಮಾರುತ ಸೋಕೆ ಮರುಳು ಗೊಂಡೆನೆ ಎನ್ನ
ಮಂದಿರಕೆ ಕರೆತಾರೆ ಗಿಣಿಯೆ (೩)

ಕಾಯಜನ ಬಾಣದಲಿ ಕಾಯವೆಲ್ಲವು ಬಹಳ
ಘಾಯವಾಯಿತು ನೋಡೆ ಗಿಣಿಯೆ
ಮಾಯೆಗಳ ಮಾಡದೆ ಮಮತೆಯಿಂದಲಿ ಎನ್ನ
ನಾಯಕನ ಕರೆತಾರೆ ಗಿಣಿಯೆ (೪)

ಪಂಕಜೋದ್ಭವ ಪಿತನ ಪಂಕಜ ನಯನನ
ಪಂಕಜನಾಭನ ತೋರೆ ಗಿಣಿಯೆ
ಪಂಕಜಾಕ್ಷ ಸಿರಿಕೃಷ್ಣನ ಪದಪದ್ಮ
ಶಂಕೆಯಿಲ್ಲದೆ ತೋರೆ ಗಿಣಿಯೆ (೫)

---

kANade nillalAre, kamanIya mUrutiya
prANESana tOre giNiye [pa]
mANikya padakava mannisi ninagIve
jANe kRuShNana tOre giNiye [a.pa]

makara kuMDala dharana makara dhvajana pitana
makuTa BUShaNana tOre giNiye
maka rAkSha saMharana makarAri rakShakana
makara SikShakana tOre giNiye (1)

iMdukula pAvanana iMdu ravilOcanana
iMdu nI karetAre giNiye
iMdu SEKaranutana iMdireyarasana
taMdu tOre muddu giNiye (2)

oMdu nimiShavoMdu yugavAgi tOrite
sauMdaryana tOre giNiye
maMdamAruta sOke maruLu goMDene enna
maMdirake karetAre giNiye (3)

kAyajana bANadali kAyavellavu bahaLa
GAyavAyitu nODe giNiye
mAyegaLa mADade mamateyiMdali enna
nAyakana karetAre giNiye (4)

paMkajOdBava pitana paMkaja nayanana
paMkajanABana tOre giNiye
paMkajAkSha sirikRuShNana padapadma
SaMkeyillade tOre giNiye (5)