Ava siriyali neenu

Composer : Shri Kanakadasaru

ಆವ ಸಿರಿಯಲಿ ನೀನು ಎನ್ನ ಮರೆತೆ
ದೇವ ಜಾನಕಿರಮಣ ಪೇಳು ರಘುಪತಿಯೆ |ಪ|

ಸುರರ ಸೆರೆಯನು ಬಿಡಿಸಿ ಬಂದೆನೆಂಬಾ ಸಿರಿಯೆ
ಕರಿ ಮೊರೆಯ ಲಾಲಿಸಿದೆನೆಂಬ ಸಿರಿಯೆ
ಶರಧಿ ಸೇತುವೆಯ ಕಟ್ಟಿದೆನೆನ್ನುವಾ ಸಿರಿಯೆ
ಸ್ಥಿರವಾಗಿ ಹೇಳೆನಗೆ ಹೇಳು ರಘುಪತಿಯೆ |೧|

ಕಡಲೊಳಗೆ ಮನೆ ಮಾಡಿ ಮಲಗಿದೆನೆಂಬಾ ಸಿರಿಯೆ
ಮೃಡ ನಿನ್ನ ಸಖನಾದನೆಂಬ ಸಿರಿಯೆ
ಬಿಡದೆ ದ್ರೌಪದಿ ಮಾನ ಕಾಯ್ದನೆಂಬ ಸಿರಿಯೆ
ದೃಢವಾಗಿ ಹೇಳೆನಗೆ ದೇವಕೀಸುತನೆ |೨|

ಭೂಮಿಯನು ಮೂರಡಿಯ ಮಾಡಿದೆನೆಂಬ ಸಿರಿಯೆ
ಕಾಮ ನಿನ್ನ ಸುತನಾದನೆಂಬ ಸಿರಿಯೆ
ಆ ಮಹಾಲಕುಮಿ ನಿನ್ನ ಸತಿಯಾದಳೆಂಬ ಸಿರಿಯೆ
ಪ್ರೇಮದಲಿ ಹೇಳೆನಗೆ ಸ್ವಾಮಿ ಅಚ್ಯುತನೆ |೩|

ಮನುಜರೆಲ್ಲರು ನಿನ್ನ ಸ್ತುತಿಸುವರೆಂಬ ಸಿರಿಯೆ
ಹನುಮ ನಿನ್ನ ಬಂಟನಾದನೆಂಬ ಸಿರಿಯೆ
ಬಿನುಗುದೈವಗಳು ನಿನಗೆಣೆಯಿಲ್ಲವೆಂಬ ಸಿರಿಯೆ
ಅನುಮಾನ ಮಾಡದೆ ಪೇಳೋ ನರಹರಿಯೆ |೪|

ಇಂತು ಸಿರಿಯಲಿ ನೀನು ಎನ್ನ ಮರೆತರೆ ಸ್ವಾಮಿ
ಪಂಥವೇ ನಿನಗಿದು ಆವ ನಡತೆ
ಕಂತುಪಿತ ಕಾಗಿನೆಲೆಯಾದಿಕೇಶವ ರಂಗ
ಚಿಂತೆಯನು ಬಿಡಿಸಿ ಸಂತೋಷವ ಪಡಿಸೊ |೫|

---

Ava siriyali nInu enna marete
dEva jAnakiramaNa pELu raGupatiye |pa|

surara sereyanu biDisi baMdeneMbA siriye
kari moreya lAlisideneMba siriye
Saradhi sEtuveya kaTTidenennuvA siriye
sthiravAgi hELenage hELu raGupatiye |1|

kaDaloLage mane mADi malagideneMbA siriye
mRuDa ninna saKanAdaneMba siriye
biDade draupadi mAna kAydaneMba siriye
dRuDhavAgi hELenage dEvakIsutane |2|

BUmiyanu mUraDiya mADideneMba siriye
kAma ninna sutanAdaneMba siriye
A mahAlakumi ninna satiyAdaLeMba siriye
prEmadali hELenage svAmi acyutane |3|

manujarellaru ninna stutisuvareMba siriye
hanuma ninna baMTanAdaneMba siriye
binugudaivagaLu ninageNeyillaveMba siriye
anumAna mADade pELO narahariye |4|

iMtu siriyali nInu enna maretare svAmi
paMthavE ninagidu Ava naDate
kaMtupita kAgineleyAdikESava raMga
ciMteyanu biDisi saMtOShava paDiso |5|