Gubbiyalo Govinda – Keshava pancharatna

Composer : Shri Vadirajaru

ಗುಬ್ಬಿಯಾಳೊ ಗೋವಿಂದ ಗೋವಿಂದಾ |
ಗೋವಿಂದ ಗೋವಿಂದಾನೆಂದು ನೆನೆಯಿರೊ ಗುಬ್ಬಿಯಾಳೊ |ಪ|

ಕೇಶವನ್ನ ನೆನೆದರೆ ಕ್ಲೇಶ ಪರಿಹಾರವು ಗುಬ್ಬಿಯಾಳೊ
ನಾರಾಯಣನ ಧ್ಯಾನದಿಂದ ನರಕಭಯವಿಲ್ಲವೊ ಗುಬ್ಬಿಯಾಳೊ |೧|

ಮಾಧವನ್ನ ನೆನೆದರೆ ಮನೋಭೀಷ್ಟ ಕೊಡುವೊನು ಗುಬ್ಬಿಯಾಳೊ
ಗೋವಿಂದನ್ನ ದಯೆಯಿಂದ ಘೋರದುರಿತ ನಾಶನವು ಗುಬ್ಬಿಯಾಳೊ |೨|

ವಿಷ್ಣು ಭಜನೆಯಿಲ್ಲದವಗೆ ವೈಷ್ಣವರ ಜನ್ಮವುಂಟೇ ಗುಬ್ಬಿಯಾಳೊ
ಮಧುಸೂದನನ ಧ್ಯಾನದಿಂದ ಅತಿಶಯವು ಇಹುದೊ ಗುಬ್ಬಿಯಾಳೊ |೩|

ತ್ರಿವಿಕ್ರಮನ ನೆನೆದರೆ ಸಾವಿತ್ರಿಯಾಗಿಹರೊ ಗುಬ್ಬಿಯಾಳೊ
ವಾಮನದೇವರು ನಮಗೆ ವರಗಳ ಕೊಡುವೋರು ಗುಬ್ಬಿಯಾಳೊ |೪|

ಶ್ರೀಧರನ್ನ ನೆನೆದರೆ ಸಿರಿ ನಮಗೆ ಒಲಿವಳೊ ಗುಬ್ಬಿಯಾಳೊ
ಹೃಷೀಕೇಶನ ಧ್ಯಾನದಿಂದ ಹೃದಯ ಪರಿಶುದ್ಧವೊ ಗುಬ್ಬಿಯಾಳೊ |೫|

ಪದ್ಮನಾಭ ನಮ್ಮೆಲ್ಲರ ಪಾಲಿಸಿ ರಕ್ಷಿಪನೊ ಗುಬ್ಬಿಯಾಳೊ
ದಾಮೋದರನ ನೆನೆದರೆ ಪಾಮರತ್ವ ಬಿಡಿಸುವನೊ ಗುಬ್ಬಿಯಾಳೊ |೬|

ಸಂಕರ್ಷಣನ ಧ್ಯಾನದಿಂದ ಸಂತಾನ ಅಭಿವೃದ್ಧಿಯು ಗುಬ್ಬಿಯಾಳೊ
ವಾಸುದೇವನ ದಯೆಯಿಂದ ವಂಶ ಉದ್ಧಾರವೊ ಗುಬ್ಬಿಯಾಳೊ |೭|

ಪ್ರದ್ಯುಮ್ನನ ನೆನೆದರೆ ಭೂಪ್ರದಕ್ಷಿಣೆ ಫಲವು ಗುಬ್ಬಿಯಾಳೊ
ಅನಿರುದ್ಧನ ಸೇವಿಸೆ ಪುನೀತರಹೆವೊ ಗುಬ್ಬಿಯಾಳೊ |೮|

ಪುರುಷೋತ್ತಮನ್ನ ಪುರಾಣ ಪುರುಷನೆಂದು ತಿಳಿಯಿರೊ ಗುಬ್ಬಿಯಾಳೊ
ಅಧೋಕ್ಷಜ ನಮ್ಮೆಲ್ಲರಿಗಾಧಾರವಾಗಿಹನೊ ಗುಬ್ಬಿಯಾಳೊ |೯|

ನಾರಸಿಂಹದೇವರು ನಮ್ಮ ಕುಲದೈವವೊ ಗುಬ್ಬಿಯಾಳೊ
ಅಚ್ಯುತ ಲಕ್ಷ್ಮಿಯ ಕೂಡಿ ಸಚ್ಚಿದಾನಂದನೊ ಗುಬ್ಬಿಯಾಳೊ |೧೦|

ಜನಾರ್ದನದೇವರು ಜಗಕೆಲ್ಲ ಶ್ರೇಷ್ಠರೊ ಗುಬ್ಬಿಯಾಳೊ
ಉಪೇಂದ್ರನು ನಮ್ಮ ಅಪರಾಧವ ಕ್ಷಮಿಸುವನೊ ಗುಬ್ಬಿಯಾಳೊ |೧೧|

ಹರಿನಾಮಾಮೃತಕೆ ಸರಿ ಧರೆಯೊಳಗಿಲ್ಲವೊ ಗುಬ್ಬಿಯಾಳೊ
ಶ್ರೀಕೃಷ್ಣ ರಂಗೇಶಯೆಂಬೊ ಸಿದ್ಧಕ್ರಿಯ ಬಲ್ಲರೆ ಗುಬ್ಬಿಯಾಳೊ |೧೨|

ಈ ಗುಬ್ಬಿ ಪಾಡುವರಿಗೆ ಇಹ ಪರವು ಸಂತತವು ಗುಬ್ಬಿಯಾಳೋ
ಧರಣಿಯೊಳು ಆಚಂದ್ರಾರ್ಕ ತಾರಕವಾಗಿಹರು ಗುಬ್ಬಿಯಾಳೊ |೧೩|

ಹಯವದನನ್ನ ಪಾದಧ್ಯಾನ ನಿತ್ಯ ಮರೆಯದೆ ನೆನೆ ಮನವೆ
ನಮ್ಮ ಹಯವದನನ ಪಾದವೇ ನಿತ್ಯ ಮನವೆ ಗುಬ್ಬಿಯಾಳೊ |೧೪ |

---

gubbiyALo gOviMda gOviMdA |
gOviMda gOviMdAneMdu neneyiro gubbiyALo |pa|

kESavanna nenedare klESa parihAravu gubbiyALo
nArAyaNana dhyAnadiMda narakaBayavillavo gubbiyALo |1|

mAdhavanna nenedare manOBIShTa koDuvonu gubbiyALo
gOviMdanna dayeyiMda GOradurita nASanavu gubbiyALo |2|

viShNu Bajaneyilladavage vaiShNavara janmavuMTE gubbiyALo
madhusUdanana dhyAnadiMda atiSayavu ihudo gubbiyALo |3|

trivikramana nenedare sAvitriyAgiharo gubbiyALo
vAmanadEvaru namage varagaLa koDuvOru gubbiyALo |4|

SrIdharanna nenedare siri namage olivaLo gubbiyALo
hRuShIkESana dhyAnadiMda hRudaya pariSuddhavo gubbiyALo |5|

padmanABa nammellara pAlisi rakShipano gubbiyALo
dAmOdarana nenedare pAmaratva biDisuvano gubbiyALo |6|

saMkarShaNana dhyAnadiMda saMtAna aBivRuddhiyu gubbiyALo
vAsudEvana dayeyiMda vaMSa uddhAravo gubbiyALo |7|

pradyumnana nenedare BUpradakShiNe Palavu gubbiyALo
aniruddhana sEvise punItarahevo gubbiyALo |8|

puruShOttamanna purANa puruShaneMdu tiLiyiro gubbiyALo
adhOkShaja nammellarigAdhAravAgihano gubbiyALo |9|

nArasiMhadEvaru namma kuladaivavo gubbiyALo
acyuta lakShmiya kUDi saccidAnaMdano gubbiyALo |10|

janArdanadEvaru jagakella SrEShTharo gubbiyALo
upEMdranu namma aparAdhava kShamisuvano gubbiyALo |11|

harinAmAmRutake sari dhareyoLagillavo gubbiyALo
SrIkRuShNa raMgESayeMbo siddhakriya ballare gubbiyALo |12|

I gubbi pADuvarige iha paravu saMtatavu gubbiyALO
dharaNiyoLu AcaMdrArka tArakavAgiharu gubbiyALo |13|

hayavadananna pAdadhyAna nitya mareyade nene manave
namma hayavadanana pAdavE nitya manave gubbiyALo |14 |