Composer : Shri Vadirajaru
ನೆನೆವೆನನುದಿನ ನೀಲನೀರದ
ವರ್ಣನ ಗುಣ ರನ್ನನ ||ಪ||
ಮುನಿಜನಪ್ರಿಯ ಮುದ್ದು ಉಡುಪಿ
ರಂಗನ ದಯಾಪಾಂಗನ ||ಅ.ಪ||
ದೇವಕೀ ಜಠರೋದಯಾಂಬುಧಿ
ಚಂದ್ರನ ಗುಣ ಸಾಂದ್ರನ
ಗೋವಜ್ರಕೆ ಘನ ಯಮುನೆ ದಾಟಿ
ಬಂದನ ಅಲ್ಲಿ ನಿಂದನ
ಮಾವ ಕಳುಹಿದ ಮಾಯಾ ಶಟವಿಯ
ಕೊಂದನ ಚಿದಾನಂದನ
ದೇವರಿಪು ದೈತ್ಯೇಂದ್ರ ಶಕಟನ
ಒದ್ದನ ಶ್ರುತಿ ಸಿದ್ಧನ ||೧||
ಗೋಕುಲದ ಗೋಪಿಯರ ವಂಚಕ
ಚೋರನ ಬಹು ಧೀರನ
ಅನೇಕ ನಾರಿಯರ್ವಸನವನು ಕ
ದ್ದೊಯ್ದನ ತುರುಗಾಯ್ದನ
ನಾಕಿಯರಿಗರಿ ಧೇನುಕ ವತ್ಸವಿ
ಘಾತನ ವಿಖ್ಯಾತನ
ಕಾಕುಮತಿ ಕಾಳಿಂಗನ ಫಣ
ತುಳಿದನ ಅವಗೊಲಿದನ ||೨||
ಶೈಲವನು ಅಹಿಶಯನ ಬೆರಳಲಿ
ಆಂತನ ಬಲವಂತನ
ಸೋಳಸಾಸಿರ ಬಾಲೆಯರ ಕರ
ಪಿಡಿದನ ಸುಧೆಗುಡಿದನ
ಬಾಲೆ ಭಾಮೆಯರೊಡನೆ ಜಲಕ್ರೀಡೆ
ಗಿಳಿದನ ಅಲ್ಲಿ ನಲಿದನ
ಲೀಲೆಯಲಿ ಲಲನೆಯರಿಗಿಷ್ಟವ
ಕೊಟ್ಟನ ಸಂತುಷ್ಟನ ||೩||
ಕ್ರೂರ ಬಕ ಕೇಶಿಗಳನ್ನೆಲ್ಲವ
ಸೀಳ್ದನ ಸುರರಾಳ್ದನ
ಅಕ್ರೂರ ಕರೆಯಲು ಹರುಷದಿಂದಲಿ
ಬಂದನ ಸುರವಂದ್ಯನ
ನಾರಿ ಕಬುಜೆಗೆ ಭೂರಿ ಸಂತಸ
ವಿತ್ತನ ಅತಿಶಕ್ತನ
ವಾರಣವನು ಕೆಡಹಿದ ಪ್ರತಿ
ಮಲ್ಲನ ಅತಿ ಚೆಲ್ವನ ||೪||
ಸುಲಭದಿಂದಲಿ ಶಿವನ ಧನುವನು
ಮುರಿದನ ನೆರೆ ಮೆರೆದನ
ಮಲೆತ ಮಲ್ಲರ ಕೆಡಹಿ ರಂಗದಿ
ನಿಂತನ ಜಯವಂತನ
ಖಳ ಕುಲಾಗ್ರಣಿ ಕಂಸನೆಂಬನ
ಹೊಡೆದನ ಹುಡಿಗೆಡೆದನ
ಬಲದಿ ತಾಯಿ ತಂದೆಯರ ಬಂಧನ
ಕಡಿದನ ಯಶ ಪಡೆದನ ||೫||
ಭುವನ ಪಟ್ಟವನುಗ್ರಸೇನಗೆ
ಕೊಟ್ಟನ ಅತಿ ಶ್ರೇಷ್ಠನ
ಯುವತಿಯರಿಗುದ್ಧವನ ಕಳುಹಿದ
ಜಾಣನ ಸುಪ್ರವೀಣನ
ವಿವಿಧ ವಿದ್ಯಾಕಲೆಗಳೆಲ್ಲವ
ನರಿತನ ಶುಭ ಚರಿತನ
ಜವನ ಶಿಕ್ಷಿಸಿ ದ್ವಿಜನ ಕಂದನು
ತಂದನ ಆನಂದನ ||೬||
ಕುಮತಿ ಖಳಮಾಗಧನ ಯುದ್ಧದಿ
ಗೆದ್ದನ ಅನವದ್ಯನ
ದ್ಯುಮಣಿ ಸಮ ದ್ವಾರಕಿಯ ರಚಿಸಿದು
ದಾರನ ಗಂಭೀರನ
ಸುಮತಿ ಮುಚುಕುಂದನೊದ್ದ ಯವನನ
ಸುಟ್ಟನ ಅತಿ ದಿಟ್ಟನ
ವಿಮಲ ಸುಚರಿತ್ರಾಷ್ಟ ಮಹಿಷಿಯ
ರಾಳ್ದನ ನೆರೆ ಬಾಳ್ದನ ||೭||
ಮುರನರಕ ಮುಖ್ಯರನು ಚಕ್ರದಿ
ತರಿದನ ಕರಿವರದನ
ಸುರತರುವ ಸತಿಗಾಗಿ ತಂದ ಸ-
ಮರ್ಥನ ಜಗತ್ಕರ್ತನ
ದುರುಳ ಶಿಶುಪಾಲಾದಿ ದೈತ್ಯ ಸಂ-
ಹಾರನ ಬಹುಶೂರನ
ಕುರುಕುಲಕೆ ಲಯವಿತ್ತ ಪಾಂಡವ
ಪ್ರೀಯನ ಕವಿಗೇಯನ ||೮||
ಇಂತು ಇಳೆಯ ಸುಜನರ ಸಲಹುವ
ಕಾಂತನ ಸಿರಿವಂತನ
ಪಂಥವುಳ್ಳ ಪ್ರಸನ್ನ ಹಯವ-
ದನನ್ನನ ಮುನಿಮಾನ್ಯನ
ಸಂತಸದೋಳೀ ಸಾರಕಥೆಯನು
ಕೇಳ್ವರ ನೆರೆಬಾಳ್ವರ
ಕಂತುಪಿತ ಕಾರುಣ್ಯದಿಂದಲಿ
ಪೊರೆವನು ಸುಖಗರೆವನು ||೯||
nenevenanudina nIlanIrada
varNana guNa rannana ||pa||
munijanapriya muddu uDupi
raMgana dayApAMgana ||a.pa||
dEvakI jaTharOdayAMbudhi
caMdrana – guNa sAMdrana
gOvajrake Gana yamune dATi
baMdana – alli niMdana
mAva kaLuhida mAyA SaTaviya
koMdana – cidAnaMdana
dEvaripu daityEMdra SakaTana
oddana – Sruti siddhana ||1||
gOkulada gOpiyara vaMcaka
cOrana – bahu dhIrana
anEka nAriyarvasanavanu ka
ddoydana – turugAydana
nAkiyarigari dhEnuka vatsavi
GAtana – viKyAtana
kAkumati kALiMgana PaNa
tuLidana – avagolidana ||2||
Sailavanu ahiSayana beraLali
AMtana – balavaMtana
sOLasAsira bAleyara kara
piDidana – sudheguDidana
bAle BAmeyaroDane jalakrIDe
giLidana – alli nalidana
lIleyali lalaneyarigiShTava
koTTana – saMtuShTana ||3||
krUra baka kESigaLannellava
sILdana – surarALdana
akrUra kareyalu haruShadiMdali
baMdana – suravaMdyana
nAri kabujege BUri saMtasa
vittana – atiSaktana
vAraNavanu keDahida prati
mallana – ati celvana ||4||
sulaBadiMdali Sivana dhanuvanu
muridana – nere meredana
maleta mallara keDahi raMgadi
niMtana – jayavaMtana
KaLa kulAgraNi kaMsaneMbana
hoDedana – huDigeDedana
baladi tAyi taMdeyara baMdhana
kaDidana – yaSa paDedana ||5||
Buvana paTTavanugrasEnage
koTTana – ati SrEShThana
yuvatiyariguddhavana kaLuhida
jANana – supravINana
vividha vidyAkalegaLellava
naritana – SuBa caritana
javana SikShisi dvijana kaMdanu
taMdana – AnaMdana ||6||
kumati KaLamAgadhana yuddhadi
geddana – anavadyana
dyumaNi sama dvArakiya racisidu
dArana – gaMBIrana
sumati mucukuMdanodda yavanana
suTTana – ati diTTana
vimala sucaritrAShTa mahiShiya
rALdana – nere bALdana ||7||
muranaraka muKyaranu cakradi
taridana – karivaradana
surataruva satigAgi taMda sa-
marthana – jagatkartana
duruLa SiSupAlAdi daitya saM-
hArana – bahuSUrana
kurukulake layavitta pAMDava
prIyana – kavigEyana ||8||
iMtu iLeya sujanara salahuva
kAMtana – sirivaMtana
paMthavuLLa prasanna hayava-
danannana – munimAnyana
saMtasadOLI sArakatheyanu
kELvara – nerebALvara
kaMtupita kAruNyadiMdali
porevanu – suKagarevanu ||9||
Leave a Reply