Lakshmi Stavaraja – Dirgha kriti

Composer : Shri Gurujagannatha dasaru

ಹರಿಯರಸಿ ಸಿರಿನೀನೆ ಸರ್ವದ
ಹರಿಯ ವಕ್ಷ ಸ್ಥಲ ನಿವಾಸಿನಿ
ಹರಿಯ ದಕ್ಷಿಣ ತೊಡೆಯೊಳೊಪ್ಪುತ ಕಾಲ ದೇಶದಲಿ
ಹರಿಯ ಸಹಿತದಿ ಹರ್ಯನುಜ್ಞದಿ
ಹರಿಯ ಸೇವಾ ನಿರುತಗೈಯುತ
ಹರಿಯ ಪದಕೆ ನೀಡಿ ಸುಖಿಸುವ ಶಿರಿಯೆ ವಂದಿಪೆನು ||೧||

ಹರಿಯ ಕರುಣದಿ ಸರಸಿಜಾಂಡವ
ಹರಿಯ ಸಹಿತದಿ ಹರಿಯ ತೆರದಲಿ
ಹರಿಯ ಮನಕತಿ ಪ್ರೀತಿಗೋಸುಗ ಸೃಷ್ಟಿ ಸ್ಥಿತಿಲಯವ
ಹರಿಯ ಚಿತ್ತನುಕೂಲ ಮಾಡುತ
ಹರಿಯ ಸಂಕಲ್ಪಾನುಸಾರದಿ
ಹರಿಯನುಗ್ರಹ ಪಡೆದ ನಿನ್ನನು ತುತಿಪೆ ನನವರತ ||೨||

ಹರಿಯ ರಮಣಿಯೆ ಹರಿಯ ಜ್ಞಾನವ
ಹರಿಯ ಪದಯುಗ ಭಕ್ತಿ ಪಾಲಿಸಿ
ಹರಿಯ ಸಹಿತದಿ ನಿನ್ನ ರೂಪವ ಎನ್ನ ಮನದಲ್ಲಿ
ಹರಿಯ ವಲ್ಲಭೆ ತೋರೆ ಸಂತತ
ಹರಿಯ ಮನ ಸಂಕಲ್ಪದಂತೇ
ಹರಿಯ ಮೂರುತಿ ನೆನಹನಿತ್ತೂ ಪೊರೆಯೆ ಮಜ್ಜನನೀ ||೩||

ಹರಿಯ ಹೃದಯದಲಿದ್ದ ತೆರದಲಿ
ಶಿರಿಯೆ ಎನ್ನಯ ಸದನ ಮಧ್ಯದಿ
ಹರಿಯ ಸಹಿತದಿ ನೀನೆ ನೆಲಸೀ ಸರ್ವ ಕಾಲದಲಿ
ಹರಿಯ ನಿನ್ನಯ ಸೇವೆ ಗೋಸುಗ
ಪರಮ ನಿನ್ನ ವಿಭೂತಿ ಸಹಿತದಿ
ಹರಿ ವಿಭೂತಿಜ ಸಕಲ ಭಾಗ್ಯವನಿತ್ತು ಪೊರೆಯೆನ್ನ ||೪||

ಹರಿಯ ಮಾನಿನಿ ಸಕಲ ಸಂಪದ
ಹರಿಯ ಪ್ರೇಮದಿಯಿತ್ತು ನೀನೇ
ಹರಿಯ ಸೇವೆಯ ಗೈಸಿ ಎನ್ನನು ಪೊರೆಯೆ ಮಜ್ಜನನೀ
ಹರಿಯ ಸಹಿತದಿ ನೀನೆ ಸಂತತ
ಬೆರೆತು ಮನೆಯಲಿ ಸ್ವರ್ಣ ವೃಷ್ಟಿಯ
ಕರೆದು ಭಾಗ್ಯವನಿತ್ತು ಎನ್ನನು ಪೊರೆಯೆ ಸಿರಿದೇವಿ ||೫||

ಹರಿಯ ಸಹ ವೈಕುಂಠ ಲೋಕದಿ
ಇರುವೊ ತೆರದಲಿ ಎನ್ನ ಸದನದಿ
ಹರಿಯ ಸಹಿತದಲಿದ್ದು ಮಂಗಳ ಕಾರ್ಯ ದಿನದಿನದಿ
ಹರಿಯ ತತ್ತ್ವ ವಿಚಾರ ನಿನ್ನಯ
ಹರಿಯ ಮಹಿಮೆಯನರುಹಿ ಸಂತತ
ಹರಿಯ ಭಕ್ತರ ಸಂಗದಲಿ ಹರಿದಾಸನೆನಿಸೆನ್ನ ||೬|

ಹರಿಯು ಜನಕನು ಜನನಿ ನೀನೇ
ಶಿರಿಯನಿತ್ತೂ ಪಾಲಿಸೆಂದೆನು
ಹರಿಯ ಮಂದಿರವೆನಿಪ ಎನ್ನಯ ಹೃದಯ ಮಧ್ಯದಲಿ
ಹರಿಯ ಗೂಡ್ಯನುದಿನದಿ ನಿನ್ನಯ
ಹರಿಯ ರೂಪವ ತೋರಿ ಭಾಗ್ಯವ
ಕರದಿ ನೀಡಿಪರಿಯಲೆನ್ನನು ಪೊರೆಯೆ ಶಿರಿದೇವಿ ||೭||

ಹರಿಯ ಪದ ಸಂಜಾತವಾದಾ
ಧರಣಿ ಮಂಡಲ ಶಿರಿಯೆ ನಿನಗೇ
ಅರಸನಾಗಿಹ ಹರಿಯ ಗೂಡಿ ನಿಧಿಯ ನೀಡಮ್ಮ
ಹರಿಯ ಕರುಣದಿ ಭಾಗ್ಯ ನೀಡುವ
ಪರಮ ಶಕುತಿಯು ನಿನಗೆ ಇರುವುದು
ಕರುಣದಿಂದಲಿ ನೋಡಿ ಭಾಗ್ಯವನಿತ್ತು ಪೊರೆಯಮ್ಮ ||೮||

ಹರಿಗೆ ಅರಸೀ ಎನಿಪ ನಿನ್ನನು
ಸರಸಿಜಾಸನ ರುದ್ರ ಶಕ್ರರು
ಪರಮ ಭಕುತಿ ಜ್ಞಾನ ಪೂರ್ವಕ ಭಜಿಸಿ ನಿಜ ಗತಿಯ
ತ್ವರದಿ ಸೇರಿದ ಶ್ರುತಿಯ ವಾರ್ತೆಯ
ಕರಣದಿಂದರಿತೀಗ ನಿನ್ನಯ
ಚರಣ ಕಮಲವ ಮನದಿ ಸಂತತ ಭಜಿಪೆ ಕಲ್ಯಾಣಿ ||೯||

ಮಾಧವನ ಮನ ಪ್ರೇಮ ಮಾನಿನಿ
ಸಾದರದಿ ಸೌಭಾಗ್ಯ ಧನಗಳ
ಯಾದವೇಶ ಸುಧಾಮ ದ್ವಿಜವರಗಿತ್ತ ತೆರದಂತೆ
ಮೋದ ಮನದಲಿ ಸಾಂದ್ರ ಸುಖಮಯ
ಬೋಧ ಭಕುತಿ ವಿರಕುತಿ ಪಾಲಿಸಿ
ವೇದಗಮ್ಯನ ಭಜನೆ ಮಾಡಿಸು ವೇದಕಭಿಮಾನಿ ||೧೦||

ಉದಿತ ಭಾಸ್ಕರ ಕೋಟಿ ಭಾಸಳೆ
ಬಿದುರ ಮಂಡಲ ಜೈಪ ವದನೆಯೆ
ಮದನ ಮೂರುತಿ ಕೋಟಿ ನಿಭ ಲಾವಣ್ಯ ಪೂರಿತಳೇ
ಪದುಮ ನಯನಳೆ ನಾಸ ಚಂಪಕ
ಭಿದುರ ಫಲಕ ಸುಫಾಲ ಕುಂತಳೆ
ಮದನ ಕಾರ್ಮುಕ ಪುಬ್ಬು ಯುಗಳವು ಕರಣಯುಗ ಶೋಭೆ ||೧೧||

ಕದಪು ಕನ್ನಡಿ ಕುಮುದ ಕುಟ್ಮಲ
ರದನ ಪಂಕ್ತಿಯು ರಕ್ತ ಓಷ್ಟವು
ಚದುರೆಯಾನನ ಮಂದಹಾಸವು ಚಂದ್ರ ಚಂದ್ರಿಕೆಯು
ಉದಯ ತಾಮ್ರ ಲಲಾಟ ಶೊಭಿತೆ
ಒದಗಿ ರಾಜಿಪ ಭೃಂಗ ಕುಂತಳೆ
ಉದಕ ಬಿಂದುಗಳೆಂಬೊ ಬೈತಲೆ ಮುತ್ತು ರಾಜಿತಳೆ ||೧೨||

ಮುದ್ದು ಚುಬಕವು ಕಂಬು ಕಂಧರ
ಪೊದ್ದಿ ಕೊಂಡಿಹ ಬಾಹು ದ್ವಂದ್ವವು
ಎದ್ದು ತೋರುತ ಕರಿಯ ಕರತೆರ ತಾವೆ ಶೋಭಿಪವೊ
ಮುದ್ರೆ ರತ್ನಾಂಗುಳಿಯ ಸಂಘದಿ
ಪೊದಿದ ಹಸ್ತ ದ್ವಯವು ಶೋಭಿಪ
ಪದ್ಮ ಕಟ್ಮಗಳೆನಿಸಿ ಸೇವಕಗಭಯ ನೀಡುವವು ||೧೩||

ಭಕ್ತ ಜನತತಿ ಪ್ರೇಮವಾರಿಧೆ
ಭಕ್ತ ಜನ ಹೃತ್ ಪದ್ಮವಾಸಿನಿ
ಭಕ್ತ ಜನ ದಾರಿದ್ರ್ಯ ಹಾರಿಯೆ ನಮಿಪೆ ನನವರತ
ಲಕುಮಿ ಕ್ರಮುಕ ಸುಕಂಠದಲಿ
ತ್ರಿರೇಖ ಶೋಭಿತೆ ನಿತ್ಯ ನಿತ್ಯದಿ
ಮುಕುತ ಹಾರಾವಳಿ ಸುಶೋಭಿತೆ ಪರಮ ಮಂಗಳಳೆ ||೧೪||

ನಿನ್ನದಾಸನ ಮಾಡೆ ಲಕುಮಿಯೆ
ಘನ್ನತರ ಸೌಭಾಗ್ಯ ಸಂಪದ
ಚೆನ್ನವಾಗೀ ನೀಡಿ ಎನ್ನಯ ಸದನದೊಳಗಿದ್ದೂ
ನಿನ್ನ ಪತಿಯೊಡಗೊಡಿ ದಿನದಿನ
ಎನ್ನ ಕೈಯಲಿ ಪೂಜೆ ಗೊಳ್ಳುತ
ನಿನ್ನ ರೂಪವ ತೋರಿ ಪಾಲಿಸು ಪಾಲಸಾಗರಜೆ ||೧೫||

ಮಾತೆ ನಿನ್ನಯ ಜಠರ ಕಮಲ ಸು
ಜಾತನಾಗಿಹ ಸುತನ ತೆರದಲಿ
ಪ್ರೀತಿ ಪೂರ್ವಕ ಭಾಗ್ಯ ನಿಧಿಗಳನಿತ್ತು ನಿತ್ಯದಲಿ
ನೀತ ಭಕುತಿ ಜ್ಞಾನ ಪೂರ್ವಕ
ದಾತ ಗುರು ಜಗನ್ನಾಥ ವಿಠಲನ
ಪ್ರೀತಿ ಗೊಳಿಸುವ ಭಾಗ್ಯ ಪಾಲಿಸಿ ಪೊರೆಯೆ ನೀಯೆನ್ನ ||೧೬||

---

hariyarasi sirinIne sarvada
hariya vakSha sthala nivAsini
hariya dakShiNa toDeyoLopputa kAla dESadali
hariya sahitadi haryanuj~jadi
hariya sEvA nirutagaiyuta
hariya padake nIDi suKisuva Siriye vaMdipenu ||1||

hariya karuNadi sarasijAMDava
hariya sahitadi hariya teradali
hariya manakati prItigOsuga sRuShTi sthitilayava
hariya cittanukUla mADuta
hariya saMkalpAnusAradi
hariyanugraha paDeda ninnanu tutipe nanavarata ||2||

hariya ramaNiye hariya j~jAnava
hariya padayuga bhakti pAlisi
hariya sahitadi ninna rUpava enna manadalli
hariya vallabhe tOre saMtata
hariya mana saMkalpadaMtE
hariya mUruti nenahanittU poreye majjananI ||3||

hariya hRudayadalidda teradali
Siriye ennaya sadana madhyadi
hariya sahitadi nIne nelasI sarva kAladali
hariya ninnaya sEve gOsuga
parama ninna vibhUti sahitadi
hari vibhUtija sakala bhAgyavanittu poreyenna ||4||

hariya mAnini sakala saMpada
hariya prEmadiyittu nInE
hariya sEveya gaisi ennanu poreye majjananI
hariya sahitadi nIne saMtata
beretu maneyali svarNa vRuShTiya
karedu bhAgyavanittu ennanu poreye siridEvi ||5||

hariya saha vaikuMTha lOkadi
iruvo teradali enna sadanadi
hariya sahitadaliddu maMgaLa kArya dinadinadi
hariya tattva vicAra ninnaya
hariya mahimeyanaruhi saMtata
hariya bhaktara saMgadali haridAsanenisenna ||6|

hariyu janakanu janani nInE
SiriyanittU pAliseMdenu
hariya maMdiravenipa ennaya hRudaya madhyadali
hariya gUDyanudinadi ninnaya
hariya rUpava tOri bhAgyava
karadi nIDipariyalennanu poreye SiridEvi ||7||

hariya pada saMjAtavAdA
dharaNi maMDala Siriye ninagE
arasanAgiha hariya gUDi nidhiya nIDamma
hariya karuNadi bhAgya nIDuva
parama Sakutiyu ninage iruvudu
karuNadiMdali nODi bhAgyavanittu poreyamma ||8||

harige arasI enipa ninnanu
sarasijAsana rudra Sakraru
parama bhakuti j~jAna pUrvaka bhajisi nija gatiya
tvaradi sErida Srutiya vArteya
karaNadiMdaritIga ninnaya
caraNa kamalava manadi saMtata bhajipe kalyANi ||9||

mAdhavana mana prEma mAnini
sAdaradi saubhAgya dhanagaLa
yAdavESa sudhAma dvijavaragitta teradaMte
mOda manadali sAMdra suKamaya
bOdha bhakuti virakuti pAlisi
vEdagamyana bhajane mADisu vEdakabhimAni ||10||

udita bhAskara kOTi bhAsaLe
bidura maMDala jaipa vadaneye
madana mUruti kOTi nibha lAvaNya pUritaLE
paduma nayanaLe nAsa caMpaka
bhidura phalaka suphAla kuMtaLe
madana kArmuka pubbu yugaLavu karaNayuga SObhe ||11||

kadapu kannaDi kumuda kuTmala
radana paMktiyu rakta OShTavu
cadureyAnana maMdahAsavu caMdra caMdrikeyu
udaya tAmra lalATa Sobhite
odagi rAjipa bhRuMga kuMtaLe
udaka biMdugaLeMbo baitale muttu rAjitaLe ||12||

muddu cubakavu kaMbu kaMdhara
poddi koMDiha bAhu dvaMdvavu
eddu tOruta kariya karatera tAve SObhipavo
mudre ratnAMguLiya saMGadi
podida hasta dvayavu SObhipa
padma kaTmagaLenisi sEvakagabhaya nIDuvavu ||13||

bhakta janatati prEmavAridhe
bhakta jana hRut padmavAsini
bhakta jana dAridrya hAriye namipe nanavarata
lakumi kramuka sukaMThadali
trirEKa SObhite nitya nityadi
mukuta hArAvaLi suSObhite parama maMgaLaLe ||14||

ninnadAsana mADe lakumiye
Gannatara saubhAgya saMpada
cennavAgI nIDi ennaya sadanadoLagiddU
ninna patiyoDagoDi dinadina
enna kaiyali pUje goLLuta
ninna rUpava tOri pAlisu pAlasAgaraje ||15||

mAte ninnaya jaThara kamala su –
jAtanAgiha sutana teradali
prIti pUrvaka bhAgya nidhigaLanittu nityadali
nIta bhakuti j~jAna pUrvaka
dAta guru jagannAtha viThalana
prIti goLisuva bhAgya pAlisi poreye nIyenna ||16||