Raya baro

Composer : Shri Jagannatha dasaru

ರಾಯ ಬಾರೋ ತಂದೆ ತಾಯಿ ಬಾರೋ ನಮ್ಮನ್ ಕಾಯ ಬಾರೋ
ಮಾಯಿಗಳ ಮರ್ದಿಸಿದ ರಾಘವೇಂದ್ರ ರಾಯ ಬಾರೋ ||

ವಂದಿಪ ಜನರಿಗೆ ಮಂದಾರ ತರುವಂತೆ
ಕುಂದದಭೀಷ್ಟವಕೊಡುತಿಪ್ಪ ರಾಯ ಬಾರೋ
ಕುಂದದಭೀಷ್ಟವ ಕೊಡುತಿಪ್ಪ ಸುರಮುನಿ
ಮಂದನ ಮತಿಗೆ ರಾಘವೇಂದ್ರ ರಾಯ ಬಾರೋ (೧)

ಆರುಮೂರೂ ಏಳುನಾಲ್ಕು ಎಂಟು ಗ್ರಂಥದ ಸಾರಾರ್ಥ
ತೋರಿದಿ ಸರ್ವರಿಗೆ ನ್ಯಾಯದಿಂದ ರಾಯಬಾರೋ
ತೋರಿದಿ ಸರ್ವರಿಗೆ ನ್ಯಾಯದಿಂದ ಸರ್ವಜ್ಞ
ಸೂರಿಗಳರಸನೆ ರಾಘವೇಂದ್ರ ರಾಯ ಬಾರೋ (೨)

ರಾಮ ಪದಾಂಬುಜ ಸದ್ಭೃಂಗಾ ಕೃಪಾಪಾಂಗ
ಭ್ರಾಮಕ ಜನರ ಮಾನಭಂಗಾ ರಾಯ ಬಾರೋ
ಭ್ರಾಮಕ ಜನರ ಮಾನಭಂಗ ಮಾಡಿದ
ಧೀಮಂತ ರೊಡೆಯನೆ ರಾಘವೇಂದ್ರಾ ರಾಯ ಬಾರೋ (೩)

ಭಾಸುರ ಚರಿತನೆ ಭೂಸುರ ವಂದ್ಯನೆ
ಶ್ರೀಸುಧೀಂದ್ರಾರ್ಯರ ವರ ಪುತ್ರ ರಾಯ ಬಾರೋ
ಶ್ರೀಸುಧೀಂದ್ರಾರ್ಯರ ವರ ಪುತ್ರಾ ವರ ಯೋಗಿ
ದೇಶಿಕರೋಡೆಯನೆ ರಾಘವೇಂದ್ರ ರಾಯ ಬಾರೋ (೪)

ಭೂತಳ ನಾಥನ ಭೀತಿಯ ಬಿಡಿಸಿದಿ
ಪ್ರೇತತ್ವ ಕಳೆದಿಯೊ ಮಹಿಶೀಯ ರಾಯ ಬಾರೋ
ಪ್ರೇತತ್ವ ಕಳೆದಿಯೊ ಮಹಿಶೀಯ ಮಹಾಮಹಿಮ
ಜಗನ್ನಾಥ ವಿಠಲನ ಪ್ರೀತಿ ಪಾತ್ರ ರಾಯ ಬಾರೋ (೫)

---

rAya bArO taMde tAyi bArO namman kAya bArO
mAyigaLa mardisida rAghavEMdra rAya bArO ||

vaMdipa janarige maMdAra taruvaMte
kuMdadabhIShTava koDutippa rAya bArO
kuMdadabhIShTava koDutippa suramuni
maMdana matige rAghavEMdra rAya bArO (1)

ArumUrU ELunAlku eMTu graMthada sArArtha
tOridi sarvarige nyAyadiMda rAyabArO
tOridi sarvarige nyAyadiMda sarvaj~ja
sUrigaLarasane rAghavEMdra rAya bArO (2)

rAma padAMbuja sadbhRuMgA kRupApAMga
bhrAmaka janara mAnabhaMgA rAya bArO
bhrAmaka janara mAnabhaMga mADida
dhImaMta roDeyane rAghavEMdrA rAya bArO (3)

bhAsura caritane bhUsura vaMdyane
SrIsudhIMdrAryara vara putra rAya bArO
SrIsudhIMdrAryara vara putrA vara yOgi
dESikarODeyane rAghavEMdra rAya bArO (4)

bhUtaLa nAthana bhItiya biDisidi
prEtatva kaLediyo mahiSIya rAya bArO
prEtatva kaLediyo mahiSIya mahAmahima
jagannAtha viThalana prIti pAtra rAya bArO (5)