Raghavendra ninna paada

Composer : Shri Pranesha dasaru

ರಾಘವೇಂದ್ರ ನಿನ್ನ ಪಾದ ಸರಸಿಜಕೆ ಬಾಗುವೆ
ಮನ್ಮನದ್ ಹರಿಕೆ ಪೂರೈಸೊ ರಾಘವೇಂದ್ರ [ ಪ ]

ವಾಸುದೇವಾರ್ಚಕ ಭೂಸುರವಂದಿತ
ದೋಷವ ಕಳೆವದು ದೇಶಿಕವರ್ಯ [ ೧ ]

ವಿಷಯಂಗಳೆಲ್ಲ ದಹಿಸಿ ಯೋಗ ಮಾರ್ಗದಿಂ
ವಸುದೇವ ಪುತ್ರನೊಲಿಸಿಕೊಂಡ ಶಕ್ತ [ ೨ ]

ಭೂತ ಪ್ರೇತಗಳ ಬಲಾತುರದಲಿ ಕಳೆ
ವಾ ತುಂಗಮಹಿಮನೆ ಭೂತಲದೊಳಗೆ [ ೩ ]

ಅಂಗಜ ಶರದೂರ ಮಂಗಳ ವಿಗ್ರಹ
ತುಂಗಾತೀರವಾಸ ಪಿಂಗಳ ತೇಜ [ ೪ ]

ದಂಡಕಾಷಾಯ ಕಮಂಡಲಧರ ಪ್ರ
ಚಂಡ ಮಹಾತ್ಮ ಸುಪಂಡಿತರೊಡೆಯ [ ೫ ]

ಸಾರುವ ಶರಣರ ಘೋರಿಸುತಿಪ್ಪ ಸಂ
ಸಾರ ಕಡಲಿಗೆ ಕರೀರ ಸಂಭವನೇ [ ೬ ]

ಮೊರೆಹೊಕ್ಕ ದಾಸರ ಮರೆಯಾದೆ ಸಲಹಯ್ಯ
ಪರಮತ ಉರಗಕ್ಕೆ ಗರುಡನೆನಿಪನೇ [ ೭ ]

ತಂದೆ ಪಾಲಿಸೊ ದಯಾಸಿಂಧು ಜಗದ್ಗುರು
ಮಂದ ಮತಿಗಳೆಂಬ ಇಂಧನಕ್ಕನಲ [ ೮ ]

ವಟುವಪು ಪ್ರಾಣೇಶವಿಠ್ಠಲನ ನಿಜದಾಸ
ಸಟೆಯಲ್ಲ ಸಂಸಾರ ಕಟಕಟ ಬಿಡಿಸೋ [ ೯ ]

---

rAGavEMdra ninna pAda sarasijake bAguve
manmanad harike pUraiso – rAGavEMdra [ pa ]

vAsudEvArcaka BUsuravaMdita
dOShava kaLevadu dESikavarya [ 1 ]

viShayaMgaLella dahisi yOga mArgadiM
vasudEva putranolisikoMDa Sakta [ 2 ]

BUta prEtagaLa balAturadali kaLe
vA tuMgamahimane BUtaladoLage [ 3 ]

aMgaja SaradUra maMgaLa vigraha
tuMgAtIravAsa piMgaLa tEja [ 4 ]

daMDa kAShAya kamaMDaladhara pra
caMDa mahAtma supaMDitaroDeya [ 5 ]

sAruva SaraNara GOrisutippa saM
sAra kaDalige karIra saMBavanE [ 6 ]

morehokka dAsara mareyAde salahayya
paramata uragakke garuDanenipanE [ 7 ]

taMde pAliso dayAsiMdhu jagadguru
maMda matigaLeMba iMdhanakkanala [ 8 ]

vaTuvapu prANESaviThThalana nijadAsa
saTeyalla saMsAra kaTakaTa biDisO [ 9 ]