Entha Cheluvage

Composer : Shri Purandara dasaru

ಎಂಥ ಚೆಲುವೆಗೆ ಮಗಳನು ಕೊಟ್ಟನು ಗಿರಿರಾಜನು ನೋಡಮ್ಮಮ್ಮ |
ಕಂತುಹರಶಿವ ಚೆಲುವನೆನ್ನುತ ಮೆಚ್ಚಿದನಾಗಲೆ ನೋಡಮ್ಮಮ್ಮ [ಅ.ಪ]

ಮೋರೆ ಐದು ಮೂರು ಕಣ್ಣು ವಿಪರೀತವ ನೋಡಮ್ಮಮ್ಮ
ಕೊರಳೊಳು ರುಂಡ ಮಾಲೆಯ ಧರಿಸಿದ ಉರಗ ಭೂಷಣನ ನೋಡಮ್ಮಮ್ಮ |೧|

ತಲೆಯೆಂಬೊದು ನೋಡಿದರೆ ಜಟೆ ಹೊಳೆಯುತಲಿದೆ ನೋಡಮ್ಮಮ್ಮ
ಹಲವು ಕಾಲ ತಪಸಿ ರುದ್ರನ ಮೈಬೂದಿಯು ನೋಡಮ್ಮಮ್ಮ |೨|

ಭೂತ ಪ್ರೇತ-ಪಿಶಾಚಿಗಳೆಲ್ಲವು ಪರಿವಾರವು ನೋಡಮ್ಮಮ್ಮ |
ಈತನ ನಾಮವು ಒಂದೇ ಮಂಗಳ ಮುಪ್ಪುರ ಹರನ ನೋಡಮ್ಮಮ್ಮ |೩|

ಮನೆಯೆಂಬೊದು ಸ್ಮಶಾಣವು ನೋಡೇ ಗಜಚರ್ಮಾಂಬರ ನೋಡಮ್ಮಮ್ಮ |
ಹಣವೆಂಬೊದು ಕೈಯೊಳಗಿಲ್ಲ ಕಪ್ಪರವನು ನೋಡಮ್ಮಮ್ಮ |೪|

ನಂದಿವಾಹನ ನೀಲಕಂಠ ನಿರ್ಗುಣನಿವ ನೋಡಮ್ಮಮ್ಮ
ಇಂದಿರೆರಮಣನ ಪುರಂದರವಿಠಲನ ಪೊಂದಿದನಾಗಲೆ ನೋಡಮ್ಮಮ್ಮ |೫|

---

eMtha celuvege magaLanu koTTanu girirAjanu nODammamma |
kaMtuharaSiva celuvanennuta meccidanAgale nODammamma [a.pa]

mOre aidu mUru kaNNu viparItava nODammamma
koraLoLu ruMDa mAleya dharisida uraga BUShaNana nODammamma |1|

taleyeMbodu nODidare jaTe hoLeyutalide nODammamma
halavu kAla tapasi rudrana maibUdiyu nODammamma |2|

BUta prEta-piSAcigaLellavu parivAravu nODammamma |
Itana nAmavu oMdE maMgaLa muppura harana nODammamma |3|

maneyeMbodu smaSANavu nODE gajacarmAMbara nODammamma |
haNaveMbodu kaiyoLagilla kapparavanu nODammamma |4|

naMdivAhana nIlakaMTha nirguNaniva nODammamma
iMdireramaNana puraMdaraviThalana poMdidanAgale nODammamma |5|