Govinda ennalu

Composer : Shri Vidyaprasanna Tirtharu

ಗೋವಿಂದ ಗೋವಿಂದ ಗೋವಿಂದನೆನ್ನಲು ||ಪ||

ಏನೆಂದು ಪೇಳಲಿ ಆನಂದವನು ನಾ ||ಅ.ಪ||

ಹಸಿವು ತೋರದೆನಗೆ ತೃಷೆಯು ತೋರದೆನಗೆ
ಹೊಸ ಹೊಸ ಪರಿ ನಾಮ ರಸವ ಸೇವಿಸುತಿರೆ [೧]

ದ್ವೇಷವು ತೋರದು ರೋಷವು ತೋರದು
ಶೇಷಶಯನ ನಿನ್ನ ಹರುಷದಿ ಪೊಗಳಲು [೨]

ಭಯವು ತೊಲಗುವುದು ಜಯವು ತೋರುವುದು
ನಯನಗಳಲಿ ಸುಖ ಜಲವು ಸುರಿಯುವುದು [೩]

ಎಂದಿನ ಪುಣ್ಯವೊ ಇಂದರಿತೆನು, ಗೋ-
ವಿಂದನಾಮ ಮಕರಂದದ ಸವಿಯನು [೪]

ನಿನ್ನ ಸುಕರುಣದ ಚಿನ್ಹೆ ಕಾಣಿಸಿತು, ಪ್ರ
ಸನ್ನನಾಗುವಿಯೆಂದು ಚೆನ್ನಾಗಿ ಅರಿತೆನು [೫]

---

gOviMda gOviMda gOviMdanennalu ||pa||

EneMdu pELali AnaMdavanu nA ||a.pa||

hasivu tOradenage tRuSheyu tOradenage
hosa hosa pari nAma rasava sEvisutire [1]

dvEShavu tOradu rOShavu tOradu
SEShaSayana ninna haruShadi pogaLalu [2]

Bayavu tolaguvudu jayavu tOruvudu
nayanagaLali suKa jalavu suriyuvudu [3]

eMdina puNyavo iMdaritenu, gO-
viMdanAma makaraMdada saviyanu [4]

ninna sukaruNada cinhe kANisitu, pra
sannanAguviyeMdu cennAgi aritenu [5]