Besaya madabeku

Composer : Shri Vidyaprasanna Tirtharu

ಬೇಸಾಯ ಮಾಡಬೇಕು ಬೇಸಾಯ ಮಾಡಬೇಕು ||ಪ||
ಹೃದಯವೆಂಬ ಕ್ಷೇತ್ರದಲಿ ಬೇಸಾಯ ಮಾಡಬೇಕು ||ಅ.ಪ||

ಮಧ್ವಾಚಾರ್ಯರವರ ಗ್ರಂಥಗಳೆಂಬ ಸರೋವರ ತುಂಬಿಹುದು
ಬುದ್ಧಿ ಜಲವ ವರಗುರುಗಳೆಂಬ ತೂಬಿನಲಿ ತರಲಿಬೇಕು
ಶುದ್ಧ ಧರ್ಮದಾಚರಣೆಗಳೆಂಬ ನೇಗಿಲ ಪಿಡಿಬೇಕು
ಮುದ್ದೆಯಾದ ನೆಲ ಮೃದುವಾಗುವ ಪರಿ ನೆಲವನುಳಲಿಬೇಕು [೧]

ತತ್ವಜಲವು ಹರಿದೋಡದ ಪರಿಯಲಿ ತೆವರಿ ಹಾಕಬೇಕು
ಸುತ್ತಲು ದುರ್ಜನ ನರಿಗಳ ತಡಿಯಲು ಬೇಲಿ ಹಾಕಬೇಕು
ಉತ್ತಮ ರೀತಿಯ ಭಕುತಿ ಪೈರುಗಳ ನಾಟಿ ಮಾಡಬೇಕು
ಮತ್ತೆ ಪೈರುಗಳು ಒಣಗದಂತೆ ಜಲವನು ಹಾಯಿಸುತಿರಬೇಕು [೨]

ಬೆಳೆಯುವ ವಿಷಯದ ಅನುಭವದಾಸೆಯ ಕಳೆಯು ಕೀಳಬೇಕು
ಕೊಳೆವೆಯ ರೋಗಕೆ ಸಜ್ಜನ ಸಂಘದ ಔಷಧಿ ಕೊಡಬೇಕು
ಕಲಿಪುರುಷನ ತಲೆಯೆಂಬ ಗೊಬ್ಬರವ ತುಳಿಯುತಲಿರಬೇಕು
ಕುಳಿತೆಡೆಯಲಿ ವರಭಕುತ ಪ್ರಸನ್ನನು ಕೊಡುವ ಮುಕುತಿ ದವಸ [೩]

---

bEsAya mADabEku bEsAya mADabEku ||pa||
hRudayaveMba kShEtradali bEsAya mADabEku ||a.pa||

madhvAcAryaravara graMthagaLeMba sarOvara tuMbihudu
buddhi jalava varagurugaLeMba tUbinali taralibEku
Suddha dharmadAcaraNegaLeMba nEgila piDibEku
muddeyAda nela mRuduvAguva pari nelavanuLalibEku [1]

tatvajalavu haridODada pariyali tevari hAkabEku
suttalu durjana narigaLa taDiyalu bEli hAkabEku
uttama rItiya Bakuti pairugaLa nATi mADabEku
matte pairugaLu oNagadaMte jalavanu hAyisutirabEku [2]

beLeyuva viShayada anuBavadAseya kaLeyu kILabEku
koLeveya rOgake sajjana saMGada auShadhi koDabEku
kalipuruShana taleyeMba gobbarava tuLiyutalirabEku
kuLiteDeyali varaBakuta prasannanu koDuva mukuti davasa [3]