Ramageetyashtaka – Haadu 12

From Shri Bannanje Govindacharya’s 14 haadugaLu book

ರಾಮಗೀತ್ಯಷ್ಟಕ

ನಾಕಿನಾಯಕಯಾಚನಾಂಚನಮಾಚರನ್ ಕಿಲ ಕೇವಲಂ

ಭಾಸ್ಕರಾನ್ವಯಭಾಸ್ಕರೋ ಭಗವಾನಭೂಃ ಶುಭಸಂಪದೇ |

ಯಜ್ಞಪೂರುಷ ಯಜ್ಞಪಾಲಕ ಯಜ್ಞಸಂಜ್ಞ ನಮೋ~ಸ್ತು ತೇ

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೧||

ಜಾನಕೀಂ ಜನನೀಂ ಜನಸ್ಯ ಪುರೇಂದಿರಾಮತಿಸುಂದರೀಂ

ರಂಜಯನ್ ಭುವನಂ ಜಯನ್ ಸ್ವಗುಣೈರ್ನಯೈರ್ವಿನಯೈರಪಿ |

ರಾಜರಾಜರಮಾಂ ತ್ಯಜನ್ ತೃಣವದ್ ವನೇ~ರಮಯೋ ಮುನೀನ್

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೨||

ನಾಥ ಮೋಹಯತಾ ಖಲಾನಖಿಲಾಂಸ್ತ್ವಯಾ ಖಲು ಮೈಥಿಲಿ

ನೈವ ನೈವ ವಿನೋಗಿನೀ ಗುರುಯೋಗಿನೀ ಸ್ಥಿರಯೋಗಿನೀ |

ಉಜ್ಜಗಾವಿದಮಬ್ಜಭೂಃ ಶಪಥೇನ ತೇ ಕಥಯನ್ ಕಥಾಃ

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೩||

ವೀರಮಾರುತವಿಕ್ರಮಾರ್ಚಿತ ಭಾನುನಂದನನಂದನ

ಭ್ರೂವಿಲಾಸವಿಶೇಷಭೀಷಿತವಾರಿಧೇ ಗುಣವಾರಿಧೇ |

ವಿಶ್ವಭೂಷಣ ಶತ್ರುಭೀಷಣ ಹೇ ವಿಭೀಷಣಸಖ್ಯವನ್

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೪||

ರಾವಣಂ ಜನರಾವಣಂ ಸುರವಾರಣಪ್ರತಿವಾರಣೇ

ಸಿಂಹಮುಗ್ರಬಲಂ ಶರೈರ್ನನು ಲೀಲಯಾ ನಿಗೃಹೀತವಾನ್ |

ಸಜ್ಜನಾನ್ ಕರುಣಾಕರಾನುಗೃಹೀತವಾನ್ ಭಗವಾನ್ ಭವಾನ್ 

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೫||

ಶ್ಯಾಮಲೇ ಶಬಳೇ ಮಹಾಮಣಿಹೇಮಭೂಷಣಭಾನುಭಿಃ

ಕೋಮಲೇ~ಶನಿಸನ್ನಿಭೈರಕೃತವ್ರಣೇ ರಿಪುಸಾಯಕೈಃ |

ನಾಥ ನೂತನಯೌವನೇ~ಪಿ ಪುರಾಣಪೂರುಷವಿಗ್ರಹೇ

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೬||

ಉಲ್ಲಸತ್ತಿಲಕೇ ಜಗತ್ತಿಲಕೇ ಸರೋಜವಿಲೋಚನೇ

ಪೂರ್ಣಚಂದ್ರನಿಭಾನನೇ ಮಿತಭಾಷಣೇ ಸ್ಮಿತಶೋಭನೇ |

ದೀರ್ಘದೋಷ್ಷಿ ವಿಶಾಲವಕ್ಷಸಿ ಕುಂಜರೇಂದ್ರಗತೇ ಗತೌ

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೭||

ಲಕ್ಷ್ಮಣಾಗ್ರಜ ಲಕ್ಷಯೇನ್ಮಮ ವೀಕ್ಷಣಂ ತವ ವಲ್ಲಭಂ

ಕೋಸಲೇಂದ್ರ ಕಥಾಮಲಂ ಕಥಯೀತ ತೇ ಮಮ ಭಾರತೀ |

ರಾಘವ ಶ್ರವಣಂ ಶೃಣೋತು ಪರಾಕ್ರಮಾಂಸ್ತವ ವಿಕ್ರಮಾನ್

ರಾಮ ರಾಮ ರಮಾಪತೇ ರಮತಾಂ ಮನಸ್ತ್ವಯಿ ಮೇ ಸದಾ ||೮||

ರಾಮಗೀತಿಮಿಮಾಂ ಶುಭಾಂ ಪಠತೇ ಜನಾಯ ಮಹಾದರಾದ್

ರಾಮಸದ್ಗುಣರತ್ನರಾಜಸುರಾಜಿರಾಜಿತಮಾಲಿಕಾಮ್|

ರಾಮ ಏವ ರಮಾಪತೀ ರತಿಮಾತ್ಮನಃ ಪದಪದ್ಮಯೋಃ

ರಾತಿ ರಾತಿ ಪರಾಂ ಗತಿಂ ಕರುಣಾಮೃತಾಂಬುಧಿರೀಶಿತಾ    ||೯||

ಶ್ರೀ ಕೃಷ್ಣಾರ್ಪಣಮಸ್ತು ||

---

Ramagitayashtaka

nAkinAyakayAcanAMcanamAcaran kila kEvalaM
BAskarAnvayaBAskarO BagavAnaBUH SuBasaMpadE |
yaj~japUruSha yaj~japAlaka yaj~jasaMj~ja namO~stu tE
rAma rAma ramApatE ramatAM manastvayi mE sadA ||1||

jAnakIM jananIM janasya purEMdirAmatisuMdarIM
raMjayan BuvanaM jayan svaguNairnayairvinayairapi |
rAjarAjaramAM tyajan tRuNavad vanE~ramayO munIn
rAma rAma ramApatE ramatAM manastvayi mE sadA ||2||

nAtha mOhayatA KalAnaKilAMstvayA Kalu maithili
naiva naiva vinOginI guruyOginI sthirayOginI |
ujjagAvidamabjaBUH SapathEna tE kathayan kathAH
rAma rAma ramApatE ramatAM manastvayi mE sadA ||3||

vIramArutavikramArcita BAnunaMdananaMdana
BrUvilAsaviSEShaBIShitavAridhE guNavAridhE |
viSvaBUShaNa SatruBIShaNa hE viBIShaNasaKyavan
rAma rAma ramApatE ramatAM manastvayi mE sadA ||4||

rAvaNaM janarAvaNaM suravAraNaprativAraNE
siMhamugrabalaM Sarairnanu lIlayA nigRuhItavAn |
sajjanAn karuNAkarAnugRuhItavAn BagavAn BavAn
rAma rAma ramApatE ramatAM manastvayi mE sadA ||5||

SyAmalE SabaLE mahAmaNihEmaBUShaNaBAnuBiH
kOmalE~SanisanniBairakRutavraNE ripusAyakaiH |
nAtha nUtanayauvanE~pi purANapUruShavigrahE
rAma rAma ramApatE ramatAM manastvayi mE sadA ||6||

ullasattilakE jagattilakE sarOjavilOcanE
pUrNacaMdraniBAnanE mitaBAShaNE smitaSOBanE |
dIrGadOShShi viSAlavakShasi kuMjarEMdragatE gatau
rAma rAma ramApatE ramatAM manastvayi mE sadA ||7||

lakShmaNAgraja lakShayEnmama vIkShaNaM tava vallaBaM
kOsalEMdra kathAmalaM kathayIta tE mama BAratI |
rAGava SravaNaM SRuNOtu parAkramAMstava vikramAn
rAma rAma ramApatE ramatAM manastvayi mE sadA ||8||

rAmagItimimAM SuBAM paThatE janAya mahAdarAd
rAmasadguNaratnarAjasurAjirAjitamAlikAm|
rAma Eva ramApatI ratimAtmanaH padapadmayOH
rAti rAti parAM gatiM karuNAmRutAMbudhirISitA ||9||