Poornabodha Stotra – Haadu 8

From Shri Bannanje Govindacharya’s 14 haadugaLu book

ಪೂರ್ಣಬೋಧ ಸ್ತೋತ್ರ

ನಳಿನಸೌಂದರ್ಯಜಿಷ್ಣುಂ ಪದಾಭ್ಯಾಂ

ಲಳಿತರೂಪಾಂಗುಲೀಮಂಗಲಾಭ್ಯಾಮ್ |

ದಳಿತನೂತ್ನೇಂದುಮಾನಂ ನಖಾಲ್ಯಾ

ದಳಿತಶೋಣೋಪಲಾಳೀಕನಾಲ್ಯಾ ||೧||

ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ || [ಧ್ರುವಪದ]

ಅಹಿವಿಹಂಗೇಶಭೂತೇಶಪೂರ್ವೈ-

ರಹಮಹಂಪೂರ್ವಮಿತ್ಯಾಪ್ತಚಿತ್ತೈಃ |

ಮುಹುರಹೋ ಮಾಂಸನೇತ್ರೈರದೃಷ್ಟೈ-

ರಿಹ ಸಮಾಜುಷ್ಟಜಂಘಾಂಘ್ರಿರೇಣುಮ್||೨||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಕನಯಮಾನಂ ದಧಾನಂ ಪ್ರಕಾಶೈಃ

ಕನಕಕೌಶೇಯಮಾಶಾವಕಾಶಮ್ |

ಜನಮನೋಹಾರಿವೃತ್ತೋರುಕಾಂತ್ಯಾ

ಜನಿತಸಂಪರ್ಕಸಂಪದ್ ವಿಶೇಷಮ್||೩||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಪರದುರಾರೋಹಮಾರೋಹಯೇದ್ ಯಂ

ಪುರುಷಕಾಂಡಪ್ರಕಾಂಡೋ ನಿಜಾಂಕಮ್ |

ನಿರವಧಿಸ್ನೇಹಸಂದೋಹಮಂದ

ಸ್ಫುರಿತಹಾಸಾವಲೋಕೇನ ಸಾಕಮ್ ||೪||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಸುವಲಿಭಂ ಭದ್ರಗಂಭೀರನಾಭಿಂ

ಶಿವಮುದಾರೋದರಂ ಮಂಜುಮಧ್ಯಮ್ |

ಸುವಿಪುಲೋರಸ್ಥಲಂ ಮಾನಯಂತೆ

ಕವಿಜನಾ ಯಸ್ಯ ಸಂದೇಹದೇಹಮ್ ||೫||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ವಿಕಟಸುಸ್ತಂಭಸಂಭಾವನೀಯಂ

ಪ್ರಕಟಮಂಭೋಜನಾಭೋಪಭಾಜಾ |

ವಿಕಟವಿದ್ಯಾವಿಲಾಸಾಂಗಣಂ ಧೀ-

ಸ್ಫುಟಕನನ್ಮಂಟಪಂ ಯಸ್ಯ ರಮ್ಯಮ್ ||೬||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಭುಜಗಭೋಗಾಭಮುದ್ಯಮ್ಯ ಹೃದ್ಯಂ

ನಿಜಭುಜಂ ದಕ್ಷಿಣಂ ಲಕ್ಷಣಾಢ್ಯಮ್ |

ಲಳಿತಮುದ್ರಿಕ್ತವಿಜ್ಞಾನಮುದ್ರಂ

ಭಜಭಜಾನಂತಮಿತ್ಯಾಲಪಂತಮ್ ||೭||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಭವದವೋಷ್ಣೇನ ತಾತಪ್ಯಮಾನಾನ್

ಭುವಿ ಪರಂ ನಾಥಮಪ್ರೇಕ್ಷಮಾಣಾನ್ |

ಭುವನಮಾನ್ಯೇನ ಚಾನ್ಯೇನ ದೋಷ್ಣಾ

ಭವತು ಭೀರ್ಮೇತಿ ನಃ ಸಾಂತ್ವಯಂತಮ್ ||೮||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಅಧಿಗಲಂ ವಾನರೋ ವನ್ಯಮಾಲಾಂ

ವಿಧಿಮುಖೋದಾರಭೂಭಾರಮಾಲಾಮ್ |

ವಿಧಿವಿಧಾತ್ರಾ~ಕ್ಷಮಾಲಾಂ ಪುರಾ ಯೋ

ವ್ಯಧಿತ ಲೋಕಾತತಾಂ ಕೀರ್ತಿಮಾಲಾಮ್ ||೯||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಮೃದುತಮಂ ವಿಭ್ರಮಂ ಬಿಭ್ರದಾಸೀದ್

ವದನಮಿಂದೋಃ ಸಮಂ ಯಸ್ಯ ಸಾಕ್ಷಾತ್ |

ಮದನಮುದ್ದೀಪಯೇದಿಂದುರೇತ-

ನ್ಮದಸಖಂ ಸಂದಹೇದೇಷ ಭೇದಃ ||೧೦||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ವಿಮುಮುಹುಃ ಸಿಂಹನಾದೇನ ದೈತ್ಯಾಃ

ಪ್ರಮುಮುಹುಃ ಸಜ್ಜನಾಃ ಸಾಧುವಾಣ್ಯಾ |

ಮಮ ಗುರೋಃ ಪೂರ್ವತನ್ವೋರಿದಾನೀಂ

ಸಮಮಿದಂ ವಾಖ್ಯಯಾ ಯಸ್ಯ ಜಾತಮ್ ||೧೧||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ಶಿವಮುಖೈರೇಕತೋ ದೇವವೃಂದೈಃ

ಶುಕಮುಖೈರನ್ಯತಃ ಸನ್ಮುನೀಂದ್ರೈಃ |

ಶುಕಶುಚಿವ್ಯಾಖ್ಯಮಾಸ್ರಾಕುಲಾಕ್ಷೈಃ

ಶಿರಸಿ ಬದ್ಧಾಂಜಲಿಂ ಭಕ್ತಿಹೇತೋಃ ||೧೨||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ತರುಣಹಾರಾವಲೀದಂತಪಂಕ್ತಿಂ

ಶರಣದಂ ಶಾರದಾಶ್ಲಾಘ್ಯವಾಚಮ್ |

ಕರುಣಯಾ ಮಂದಹಾಸೇನ ಮಂದಂ

ಶರಣಯಾತಂ ಜನಂ ವೀಕ್ಷಮಾಣಮ್ ||೧೩||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ರಘುಪವಾರ್ಷ್ಣೇಯವಾಸಿಷ್ಠರೂಪಾಃ

ಪ್ರಭುಮಹಾಜ್ಞಾಮನೋಜ್ಞಾವತಂಸಮ್ |

ತ್ರಿವಪುಷಾ~ಪ್ಯುತ್ತಮೇನೋತ್ತಮಾಂಗಂ

ವಿದಧಿರೇ ಯೇನ ಚಾನ್ಯೇ ನ ತುಷ್ಟಾಃ ||೧೪||

[ ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ]

ವಿಧಿಭವೇಂದ್ರಾದಿದೇವಾಧಿನಾಥಂ

ಕಮಲಯಾ ಸನ್ನತಶ್ರೀಪದಾಬ್ಜಮ್ |

ಕಮಲನಾಭಂ ಭಜಂತಂ ಸುಭಕ್ತ್ಯಾ

ಸುಜನತುಷ್ಟಿಪ್ರದಂ ವಾಸುದೇವಮ್ ||೧೫||

ಪ್ರಣತವಾನ್ ಪ್ರಾಣಿನಾಂ ಪ್ರಾಣಭೂತಂ

ಪ್ರಣತಿಭಿಃ ಪ್ರೀಣಯೇ ಪೂರ್ಣಬೋಧಮ್ ||

ಶ್ರೀ ಕೃಷ್ಣಾರ್ಪಣಮಸ್ತು ||

hADu:eMTu
[pUrNabOdhastOtra]

naLinasauMdaryajiShNuM padAByAM
laLitarUpAMgulImaMgalAByAm |
daLitanUtnEMdumAnaM naKAlyA
daLitaSONOpalALIkanAlyA ||1||

praNatavAn prANinAM prANaBUtaM
praNatiBiH prINayE pUrNabOdham ||[dhruvapada]

ahivihaMgESaBUtESapUrvai-
rahamahaMpUrvamityAptacittaiH |
muhurahO mAMsanEtrairadRuShTai-
riha samAjuShTajaMGAMGrirENum||2||