Mukunda Stotra – Haadu 7

From Shri Bannanje Govindacharya’s 14 haadugaLu book

ಮುಕುಂದ ಸ್ತೋತ್ರ

ಇಂದುರುಚಿಸುಂದರಸುಮಂದಹಸಿತಾಸ್ಯಂ
ನಂದತನಯಂ ದುರಿತಸಂದಹನದಕ್ಷಮ್ |
ಸೇಂದ್ರಸುರವೃಂದಪರಿವಂದಿತಪದಾಬ್ಜಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಂ ||೧||

ಪಾದಪತಿತಾಪದಪನೋದನವಿನೋದಂ
ಪಾದಪರಿಪಾತಿತಸುಪಾಪಶಕಟಾರಿಮ್ |
ಪಾದಯುಗಪಾಟಲಿತಪಾವಿತವನಾಂತಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೨||

ಸೇವಕಜನಾಧಿಕಜನಾಧಿಕಲಿತೋರು-
ಸ್ವಾಂತಗತಸಂತಮಸಕೃಂತನಸಮರ್ಥಮ್ |
ಅಂತಸಮಯಾಂತಕಭಯಾಂತಕರಮುಚ್ಚೈಃ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೩||]

ಸಾರತರಸೌರಭಸರಾಗಮನಸಾಽಽಲಂ
ಮಾದ್ಯದನವದ್ಯವರಹೃದ್ಯರವಭೃಂಗೈಃ |
ಸಂಕುಲಿತಕುಂತಳಕುಲಾಕುಲಮುಖಾಬ್ಜಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೪||

ನೀಲಮಣಿನೀರದನಿರಂಜಿತತನುಶ್ರೀ-
ಸಂಜಿತಸದಂಜನರುಚಂ ಜಗತಿ ಹೃದ್ಯಮ್ |
ರಂಜಿತಜನಂ ದುರಿತಭಂಜನಮಜಸ್ರಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೫||

ಭಕ್ತಜನಕಲ್ಪತರುಮಲ್ಪತರಹಾಸೈ-
ರಾಂತರಹರಂ ತನುಭೃತಾಮತನುಶೋಭಮ್ |
ಘೋಷವರಯೋಷಿದುರುತೋಷಕರವೇಷಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೬||

ನಿರ್ಮಲತಮಂ ಸಕಲಮಂಗಲದಮಂಗಂ
ಸಂಗರಹಿತೈರಹರಹರ್ಮಹಿತಮಂತಃ |
ಯಸ್ಯ ಕಮನೀಯಮವನೀತಳವಿಲೋಳಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೭||

ಸ್ವರ್ಣಗುಣಲಗ್ನಪರಿಭಾಸ್ವದಮಲಶ್ರೀ-
ಕರ್ಣಸುಖಕಾರಣಕಲಕ್ವಣಿತಕಾಂತೈಃ |
ಕಿಂಕಿಣಿಗಣೈರಮಲಂಕೃತನಿತಂಬಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೮||

ಗೋಪಗೃಹಗಂ ಬಹುಪಯೋಽಽನ್ನನವನೀತಂ
ಭೋಜಯತಿ ಬಾಲಸಮಿತಿಂ ಬಲಯುತೋ ಯಃ |
ಹಸ್ತಯುಗಳೇನ ಸುನಿರಸ್ತಭಯಮಶ್ನನ್
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೯||

ಆಪ್ತಜನರಕ್ಷಣಕೃತೇ ಸುಕೃತಲೀಲಃ
ಸಪ್ತದಿನಮದ್ರಿಮುದದೀಧರದಧೀಶಃ |
ಸಪ್ತಶರದೇಕಕರತೋ ಗುರುತರಂ ಯಃ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೧೦||

ಮಾಧವಮುಮಾಧವಪುರಂದರಪುರೋಗೈ-
ರಾದರಪುರಸ್ಸರಮುಪಾಹೃತಸಪರ್ಯಮ್ |
ರಾಧಿತಸುರಾಧಿಪವಿರೋಧಿಜನತಾಧಿಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೧೧||

ಮಧ್ವಪರಮಾಧ್ವನಿ ಮತಾಮತಮತೀನಾಂ
ಬಂಧುಮತಿಬಂಧುರಧಿಯಾಂ ಸ್ವಗುಣಸಿಂಧೌ |
ಜ್ಽಽಜಾನಗುಣಮಾನಿತಸುಮಾನಸಜನಾನಾಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೧೨||

ಶ್ರೀಪತಿಮುದಾರಫಣಿರಾಜಶುಭಭೋಗೇ
ದೇವವರಸೇವಿತಪಯೋನಿಕರವಾರ್ಧೌ |
ಶಾಯಿನಮಮೇಯಸುಖಚಿತ್ತನುಮಚಿಂತ್ಯಂ
ಸಂಸ್ಮರ ಸದಾಽಽಂತರ ಮುಕುಂದಮತಿಕಾಂತಮ್ ||೧೩||

ಶ್ರೀ ಕೃಷ್ಣಾರ್ಪಣಮಸ್ತು ||