Dasharathyashtaka – Haadu 11

From Shri Bannanje Govindacharya’s 14 haadugaLu book

ದಾಶರಥ್ಯಷ್ಟಕ

ಕ್ಷೀರಸಾಗರವಾರಿಮಧ್ಯಮಹಾಹಿಭೋಗನಿವಾಸಿನಂ

ನಾರದಾದಿಮುನೀಂದ್ರವಂದಿತಚಾರುಪಾದಸರೋರುಹಮ್ |

ವಾರಿಜಾಮಲಪತ್ರಲೋಚನಮಬ್ಧಿಜಾರಮಣಂ ವಿಭುಂ

ನಾರಸಿಂಹತನುಂ ಹರಿಂ ಪ್ರಣಮಾಮಿ ದಾಶರಥಿಂ ಸದಾ ||೧||

ಪಾಕಶಾಸನವಂದಿತಾಮಲಪಾದಯುಗ್ಮಸರೋರುಹಂ

ಶೋಕನಾಶನಮೀಶಮೀಶಮಶೇಷದೋಷವಿವರ್ಜಿತಮ್ |

ಲೋಕಸಂಭವಸಂಹೃತಿಸ್ಥಿತಿಹೇತುಭೂತಗುಣೋದಯಂ

ನಾಕವಾಸಿಜನಪ್ರಿಯಂ ಪ್ರಣಮಾಮಿ ದಾಶರಥಿಂ ಸದಾ   ||೨||

ಅಂಡಜಾಧಿಪವಾಹನಂ ಶಶಿಮಂಡಲಾಭಮುಖಂ ಮಹಾ-

ದಂಡಕಾವನಸೇವಿತಂ ವರಕುಂಡಲಾಂಗದಭೂಷಣಮ್ |

ಚಂಡವಿಕ್ರಮಖಂಡಿತಾಸುರಮಂಡಲಂ ಮಧುಸೂದನಂ 

ಪಾಂಡವಪ್ರಿಯಸಾರಥಿಂ ಪ್ರಣಮಾಮಿ ದಾಶರಥಿಂ ಸದಾ ||೩||

ತರ್ಕನಿಶ್ಚಿತಚಿತ್ತವೃತ್ತಿಭಿರಪ್ರತರ್ಕ್ಯಗುಣೋದಯಂ

ಶಕ್ರಗರ್ವವಿದಾರಣಂ ಧೃತಚಕ್ರಮಕ್ರಮವರ್ಜಿತಮ್ |

ಅರ್ಕಮಂಡಲಮಧ್ಯವರ್ತಿನಮಕ್ಷಯಂ ಪುರುಷೋತ್ತಮಂ

ಶುಕ್ರನೇತ್ರಹರಂ ಹರಿಂ ಪ್ರಣಮಾಮಿ ದಾಶರಥಿಂ ಸದಾ ||೪||

ಬಾಲಕೇಲಿಮಶೇಷದಾನವನಾಶನಂ ಪ್ರಣವಾತ್ಮಕಂ

ಸ್ಥೂಲಸೂಕ್ಷ್ಮತನುಂ ವಿಭುಂ ಗುಣಕಾರಣಾತ್ಮಗುಣೋದಯಮ್ |

ಲೀಲಯಾ ಧೃತಭೂಧರಂ ಪರಿಪಾಲಿತಾಖಿಲಗೋಕುಲಂ

ನೀಲಕುಂಚಿತಮೂರ್ಧಜಂ ಪ್ರಣಮಾಮಿ ದಾಶರಥಿಂ ಸದಾ ||೫||

ಮಂದರಾಚಲಧಾರಿಣಂ ದಶಕಂಧರಾದಿವಿನಾಶನಂ

ನಂದನಾಂಗಮುಮಾಪತೇಃ ಪ್ರಿಯಮಿಂದಿರಾವರಮಚ್ಯುತಮ್ |

ಕಂದಜಾಸನಸೇವಿತಂ ಸುರವೃಂದವಂದಿತವಿಗ್ರಹಂ

ನಂದಗೋಪಸುತಂ ಹರಿಂ ಪ್ರಣಮಾಮಿ ದಾಶರಥಿಂ ಸದಾ ||೬||

ಕಂಸಮುಷ್ಟಿಕದುಷ್ಟಧೇನುಕಪೂತನಾದಿವಿನಾಶನಂ

ಹಂಸಕೇಶಿನಿಸೂದನಂ ದಮಘೋಷಸೂನುವಿದಾರಣಮ್ |

ಅಂಸಮಧ್ಯಲಸನ್ಮಹಾಮಣಿಕೌಸ್ತುಭಾದಿವಿರಾಜಿತಂ

ಹಿಂಸಕಾಸುರಭೇದಕಂ ಪ್ರಣಮಾಮಿ ದಾಶರಥಿಂ ಸದಾ ||೭||

ಗೋಪಿಮಂಡಲಮಧ್ಯಗಂ ಸುರವೈರಿಮಂಡಲದಾರಿಣಂ

ಪಾಂಡವಪ್ರಿಯಮಿಂದ್ರಪೂರ್ವಸುರೌಘವಂದ್ಯಪದಾಂಬುಜಮ್ |

ಇಂದಿರಾರಮಣಂ ಗುಣಾರ್ಣವಮಂಬುಜಾಕ್ಷಮಮಾನುಷಂ

ನಾರಸಿಂಹತನುಂ ಹರಿಂ ಪ್ರಣಮಾಮಿ ದಾಶರಥಿಂ ಸದಾ ||೮||

ಭಕ್ತಿಪೂರ್ವಕಮೇತದಷ್ಟಕಮಿಷ್ಟಸಿದ್ಧಿದಮಾದರಾದ್

ಯಸ್ತು ಕೀರ್ತಯತೇ ಶೃಣೋತ್ಯಖಿಲಾಪದರ್ಣವತಾರಕಮ್ |

ಸರ್ವದೇವವರಾರ್ಚಿತಂ ನೃಹರೇಃ ಪದಂ ಪರಮಕ್ಷಯಂ

ಯಾತಿ ದಾಶರಥೇರನುಗ್ರಹವಿಗ್ರಹೋ~ಖಿಲವಲ್ಲಭಃ ||೯||

ಶ್ರೀ ಕೃಷ್ಣಾರ್ಪಣಮಸ್ತು ||

---

Dasharathyashtaka

kShIrasAgaravArimadhyamahAhiBOganivAsinaM
nAradAdimunIMdravaMditacArupAdasarOruham |
vArijAmalapatralOcanamabdhijAramaNaM viBuM
nArasiMhatanuM hariM praNamAmi dASarathiM sadA ||1||

pAkaSAsanavaMditAmalapAdayugmasarOruhaM
SOkanASanamISamISamaSEShadOShavivarjitam |
lOkasaMBavasaMhRutisthitihEtuBUtaguNOdayaM
nAkavAsijanapriyaM praNamAmi dASarathiM sadA ||2||

aMDajAdhipavAhanaM SaSimaMDalABamuKaM mahA-
daMDakAvanasEvitaM varakuMDalAMgadaBUShaNam |
caMDavikramaKaMDitAsuramaMDalaM madhusUdanaM
pAMDavapriyasArathiM praNamAmi dASarathiM sadA ||3||

tarkaniScitacittavRuttiBirapratarkyaguNOdayaM
SakragarvavidAraNaM dhRutacakramakramavarjitam |
arkamaMDalamadhyavartinamakShayaM puruShOttamaM
SukranEtraharaM hariM praNamAmi dASarathiM sadA ||4||

bAlakElimaSEShadAnavanASanaM praNavAtmakaM
sthUlasUkShmatanuM viBuM guNakAraNAtmaguNOdayam |
lIlayA dhRutaBUdharaM paripAlitAKilagOkulaM
nIlakuMcitamUrdhajaM praNamAmi dASarathiM sadA ||5||

maMdarAcaladhAriNaM daSakaMdharAdivinASanaM
naMdanAMgamumApatEH priyamiMdirAvaramacyutam |
kaMdajAsanasEvitaM suravRuMdavaMditavigrahaM
naMdagOpasutaM hariM praNamAmi dASarathiM sadA ||6||

kaMsamuShTikaduShTadhEnukapUtanAdivinASanaM
haMsakESinisUdanaM damaGOShasUnuvidAraNam |
aMsamadhyalasanmahAmaNikaustuBAdivirAjitaM
hiMsakAsuraBEdakaM praNamAmi dASarathiM sadA ||7||

gOpimaMDalamadhyagaM suravairimaMDaladAriNaM
pAMDavapriyamiMdrapUrvasurauGavaMdyapadAMbujam |
iMdirAramaNaM guNArNavamaMbujAkShamamAnuShaM
nArasiMhatanuM hariM praNamAmi dASarathiM sadA ||8||

BaktipUrvakamEtadaShTakamiShTasiddhidamAdarAd
yastu kIrtayatE SRuNOtyaKilApadarNavatArakam |
sarvadEvavarArcitaM nRuharEH padaM paramakShayaM
yAti dASarathEranugrahavigrahO~KilavallaBaH ||9||